USD 335.61 EUR 361.32 RUB 5.26
استانا:

جۇرەككە جىلۋ

مەملەكەت مۇمكىندىگى شەكتەۋلى جاندارعا كەدەرگىسىز قوعام قۇرۋ ٴۇشىن بارىن سالۋدا. الەۋمەتتىك كومەكتەن بولەك، قوعامدىق ماڭىزدى شارالاردا ٴاردايىم جۇرەكتەرىنە قۋانىش سىيلاپ جاتقانىن كوز كورىپ ٴجۇر. مۇمكىندىگى شەكتەۋلى دەپ ايدار تاققانىمىزبەن، بويداعى تالانت پەن ومىرگە دەگەن سەنىم كۇشى ولاردى بيىكتەن كورىنۋگە جەتەلەيدى. سونىڭ ٴبىرى ونەرلى جاس ورەندەر. جاقىندا ەل تاۋەلسىزدىگىنىڭ 25 جىلدىعىنا وراي مۇمكىندىگى شەكتەۋلى جاندار اراسىندا "ٴبارىمىز بىردەيمىز، كەمسىتۋدى بىلمەيمىز" اتتى بايقاۋ بولدى. ونەرپازدار جارىسىن قالالىق جۇمىسپەن قامتۋ جانە الەۋمەتتىك باعدارلامالار ٴبولىمى مەن م.ەراليەۆا اتىنداعى مادەنيەت ٴۇيى ۇيىمداس- تىردى. كونكۋرسقا قالا بويىنشا 70-تەن اسا مۇمكىن- دىگى شەكتەۋلى جان قاتىسىپ، "ۇزدىك جاسامپاز"، "التىن قاۋىرسىن"، "ۇزدىك بي"، "ۇزدىك ورىنداۋشى" نوميناسيالارى بويىنشا باقتارىن سىنادى.

تاعدىر جازۋى دەمەسەڭىز، تۋمىسىنان تالانتتى ونەرپازداردىڭ بويىنان ومىرگە دەگەن كۇرەس پەن تارتىستى بايقاۋعا بولادى. ولار ورىنداعان اندەر جۇرەككە جىلۋ بەرىپ، كوپتىڭ قوشەمەتىنە بولەندى. ارينە، سايىستىڭ اتى سايىس بولعاندىقتان، بايقاۋ بارىسىندا قازىق ەتىپ، ۇزدىكتەردى ساراپتاۋ قالالىق جۇمىسپەن قامتۋ جانە الەۋمەتتىك باعدارلامالار ٴبولىمى باسشىسىنىڭ ورىنباسارى كەنجەگۇل قۇراقبايەۆا، اقىن، سۋرەتشى عابيت كادىربايەۆ، مۋزىكا مامانى، م.ەراليەۆا اتىنداعى مادەنيەت ٴۇيىنىڭ جەتەكشىسى ورازكۇل ايتيموۆاعا بۇيىردى. 6-14، 14-29، 29-45 جاس ەرەكشەلىكتەرى بويىنشا سىنعا تۇسكەن ونەرپازداردىڭ ونەرىن قازىلار جوعارى باعالادى. "التىن قاۋىرسىن" اتالىمىندا بايگەگە تۇسكەندەر پوەزيا الەمىنە ەنىپ، بەلگىلى اقىنداردىڭ ولەڭدەرىن وقىسا، "ۇزدىك ٴبيشى" اتالىمىندا باق سىناعان ونەرپازدار زاماناۋي بي بيلەۋ ارقىلى ونەردىڭ بيىك ەكەنىن دالەلدەي ٴتۇستى. ال، جۇرتتىڭ جۇرەگىنە جول تارتۋعا تىرىسقان انشىلەر "ۇزدىك ورىنداۋشى" نوميناسياسى بويىنشا بارىن سالدى. سوڭعى "ۇزدىك جاسامپاز" اتالىمىندا مۇمكىندىگى شەكتەۋلى جاندار بەينەلەۋ ونەرى جانە دەكوراتيۆتى قولدانبالى شىعارماشىلىقتارىنان تۋىنداعان دۇنيەلەرىمەن كوپتى ٴتانتتى ەتتى. ونەر بايگەسى بولعاندىقتان شىن مىقتىنى انىقتاۋ قيىنعا سوقتىرعانى بەلگىلى.

وسى رەتتە قازىلار القاسى مۇگەدەك جانداردىڭ ومىرگە دەگەن تالپىنىستارىن ەسكەرە وتىرىپ، ٴارى دايىندىق دەڭگەيلەرىنە وراي جۇلدەگەلەردى انىقتادى. سونىمەن "التىن قاۋىرسىن" اتالىمىندا 6-14 جاس ەرەكشەلىگى بويىنشا مەرۋەرت قۇلدۇيسەنوۆا، 14-29 جاس ەرەكشەلىگى اراسىندا ازيزا جەتىرۋوۆا، 29 جاستان جوعارى جاستاعى ونەرپازدار اراسىنان ۋكسيمبايەۆا زاۋرە ٴى ورىندى يەلەندى. ال، "ۇزدىك بي" اتالىمىنىڭ ٴى ورىنى 6-14 جاس ەرەكشەلىگى اراسىندا "نازىك" بي توبى، 14-29 جاس ەرەكشەلىگى بويىنشا نۇراي ابۋباكىروۆاعا بۇيىردى. "ۇزدىك ورىنداۋشى" نوميناسياسىنا لايىقتى دەپ تانىلعان ونەرپازدار 6-14 جاس ەرەكشەلىگى اراسىندا بەكزات مۋسايەۆ، 14-29 جاس ارالىعىندا ديانا سماعۇلوۆا، 29 جاستان جوعارى جاستاعى ونەرپازدار قاتارىنان زابيرا تولەگەن ٴى ورىنمەن ماراپاتتالدى. شىعارماشىلىق تۋىندىلارىمەن كەلگەن ونەرپازدار اراسىندا قازىلار القاسىنىڭ جوعارعى باعاسىنا يە بولعان "ۇزدىك جاسامپاز" نومينيسياسىندا 6-14 جاس ەرەكشەلىگى بويىنشا ارايلىم قۋانىشبەكوۆا، 14-29 جاس ەرەكشەلىگى بويىنشا مادينا ابەنوۆا، 29 جاستان جوعارى جاستاعى ونەرپاز اسلان ەرتوقايەۆ جۇلدەلى ٴى ورىن يەگەرى اتاندى. ٴىى،ٴىىى ورىن يەگەرلەرى دە ۇيىمداستىرۋشىلار اتىنان ديپلومدارمەن ماراپاتتالدى. اعىسقا قارسى جۇزگەن جاندار تۇبىندە بيىكتەن كورىنەدى. اسىرەسە، ونەر جولىن قۋعان ونەرپازدار- دىڭ ورەسى مەن شىعارماشىلىق شابىتتارى جۇرت جادىندا ساقتالا بەرمەك. نەگىزىنەن بۇل بايقاۋ بىرنەشە جىلدان بەرى ۇيىمداستىرىلىپ كەلەدى. ونەر الەمىنە قانات قاعۋعا، العا جەتەلەيتىن بايقاۋدىڭ بەرەرى مول دەيدى بايقاۋدا باعىن سىناعاندار. راس، ٴبىر ٴسات كوڭىلىن بىرلەگەن ونەرپازدار كوپتىڭ قوشەمەتى مەن ىستىق ىقىلاسىنا بولەنىپ، وزدەرىنە رۋحاني ٴلاززات الا الدى.

ا.قاراكەسەك

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي