USD 335.71 EUR 357.36 RUB 5.23
استانا:

جۇمىسسىز ايەلدەر جاڭا مۇمكىندىككە يە بولدى

ٴتۇپقاراعان اۋدانىنداعى جۇمىسسىز ايەلدەر ٴۇشىن تاعى ٴبىر جاقسى مۇمكىندىك تۋدى. ٴتۇپقاراعان اۋداندىق جۇمىسپەن قامتۋ بولىمىندە تىركەلگەن 10 قىز-كەلىنشەكتى جاقىندا عانا قۇرىلعان «ريزا-انا» قوعامدىق قورى بۇۇ – نىڭ ماڭعىستاۋ وبلىسىن تۇراقتى دامىتۋ جانە الەۋمەتتىك – ەكونوميكالىق جاڭعىرتۋ باعدارلاماسى نەگىزىندە «اسپازشى-كونديتەر» ماماندىعى بويىنشا كۋرستان وتكىزىپ، جۇمىسقا ورنالاسۋلارىنا ىقپال ەتەتىن ٴىستى قولعا الۋدا. جاقسى جوبانى قولعا العان ۇيىم 23-قاراشا كۇنى باۋتين اۋىلىندا ورنالاسقان گۋمانيتارلىق-تەحنيكالىق كوللەدجدە جوباعا قاتىسۋشى ايەلدەردى قۇتتىقتاپ، قىسقا مەرزىمدى كۋرستا وقۋعا جولداما بەردى.

ۇيىمنىڭ جوبا تانىستىرىلىمىنا باۋتين اۋىلى اكىمدىگىنىڭ باس مامانى جۇمازيا ايتوۆا، ٴتۇپقاراعان اۋداندىق جۇمىسپەن قامتۋ ورتالىعى مەملەكەتتىك مەكەمەسىنىڭ مامانى جانار قوشانوۆا، «اتامەكەن» كاسىپكەرلىك پالاتاسىنىڭ ماڭعىستاۋ وبلىسى قىزمەت كورسەتۋ ورتالىعىنىڭ ٴتۇپقاراعان اۋدانى بويىنشا كەڭەسشىسى نازگۇل قاليەۆا قاتىستى. «اسپازشى-كونديتەر» كۋرسى بويىنشا وقىتۋ كۋرسى جونىندە ٴسوز العان بيبىگۇل رامازانوۆا: – ەكى اي بۇرىن جۇمىسپەن قامتۋ بولىمىنە ارنايى ۇسىنىس جاساپ، 10 جۇمىسسىز ايەلدىڭ ٴتىزىمىن العان بولاتىنبىز. جالپى ساعات سانى – 48 ساعاتتىق قىسقا مەرزىمدى كۋرستىڭ تەورياسىن وقىتۋ ٴۇشىن تەحنولوگ-مامان ايگۇل قۋان قاتىسۋشىلاردىڭ ساۋاتىن كوتەرسە، جوسپار بويىنشا وبلىس ورتالىعىنان وسى قاتىسۋشىلارىمىز ٴۇشىن تەوريانى پراكتيكامەن ۇيلەستىرۋ ماقساتىندا شەبەرلىك سىنىبىن ۇيىمداستىرماقشىمىز. سونىمەن قاتار 10 قاتىسۋشىمىز ٴۇشىن ارنايى اسپاز حالاتتارى تىگىلۋدە.

بۇل حالاتتاردى دا بۇۇ دامۋ باعدارلاماسى اياسىندا تىگىن كۋرسىنان وتكەن ماماندار تىگۋدە. جەلتوقسان ايىنىڭ 20-21 جۇلدىزىندا كۋرستى اياقتاپ، قاتىسۋشىلارىمىزعا ساتتىلىك تىلەي وتىرا، سەرتيفيكاتتار مەن اسپازشى- كونديتەرگە الدىمەن قاجەت بولاتىن ميكسەر، تاتتىلەر دايىندايتىن ٴتۇرلى پىشىندەر سياقتى زاتتاردان سىيلىقتار ۇسىنامىز. كۋرسقا قاتىسۋشىلاردىڭ ٴتىل ۇيىرەر تاتتىلەرىنەن ٴدام تاتاتىن بولاسىزدار. قورىتىندى كەزدەسۋىمىزدە وسى قاتىسۋشى ايەل ازاماتتاردىڭ پىسىرگەن تاتتىلەرىنەن كورمە ۇيىمداستىرۋدى جوسپارلاپ وتىرمىز. سونداي- اق سول كورمەگە قالامىزداعى «شاعالا »، «دوستىق » سياقتى اسپاز-كونديتەرلەر ٴۇشىن جۇمىس بەرۋشى بولىپ وتىرعان ۇلكەن جۇمىس ورىندارىنىڭ ماماندارىن شاقىرۋدى دا ۇيعارىپ وتىرمىز. كەيبىر قاتىسۋشىلار جەكە ٴىسىن باستاۋدى ٴجون ساناۋى مۇمكىن، ولار ٴۇشىن دە «اتامەكەن» كاسىپكەرلەر پالاتاسى ٴوز بيزنەسىن اشىپ، بيزنەس-جوسپار جازۋ بويىنشا تەگىن كەڭسە بەرەتىن بولادى،-دەدى ول وقۋدى باستاعان قاتىسۋشى ايەلدەرگە ساتتىلىك تىلەپ.

ٴوز تىلشىمىزدەن

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي