USD 335.71 EUR 357.36 RUB 5.23
استانا:

جۇلدىزدى كۇندەردىڭ ٴبىرى

ٴتۇپقاراعاندىق جاستار ەلىمىزدىڭ تاۋەلسىزدىگىنىڭ 25 جىلدىعىنا ارنالعان مادەني-كوپشىلىك شارالارعا بەلسەنە قاتىسۋدا. دۇيسەنبى كۇنى ٴتۇپقاراعان گۋمانيتارلىق كوللەدجىنىڭ ستۋدەنتتەرى وسىنداي شارالاردىڭ ٴبىرى – فلەشموب ۇيىمداستىردى.

ٴتۇپقاراعان گۋمانيتارلىق كوللەدجىندە 123 ستۋدەنت ٴبىلىم الۋدا. ٴبارى دەرلىك ىنتالى، بەلسەندى جاستار. سپورتپەن، شىعارماشىلىقپەن اينالىساتىندارى بارشىلىق. سوندىقتان اۋداندىق جاستاردىڭ رەسۋرستىق ورتالىعىنىڭ «25 جىلدىققا فلەشموب ۇيىمداستىرايىق! » دەگەن ۇسىنىسىن قۋانا قابىلدادى. فلەشموبقا 100 ستۋدەنت قاتىستى. - ٴبىز بۇگىن سپورت فورماسىن كيىپ، كوڭىلدى بي بيلەدىك. وسىلايشا، ٴبىز ٴوزىمىزدىڭ تاۋەلسىز ەلدىڭ باقىتتى ۇلاندارى ەكەنىمىزدى، بەلسەندى، ٴبىلىمدى جاستار ەكەنىمىزدى كورسەتتىك، -دەيدى ولار. - ۇلتتىق مەرەكەمىزگە ارناپ «تاۋەلسىزدىگىمىزدىڭ 25 نەگىزى – 25 جۇلدىزدى كۇن» اتتى شارالار لەگى ٴوتىپ جاتىر. بۇلاردىڭ اراسىندا وسىنداي فلەشموبتار، قىزىقتى كەزدەسۋلەر، سپورتتىق سايىستار، تانىمدىق-كوپشىلىك شارالار بار، – دەدى جاستار رەسۋرستىق ورتالىعىنىڭ مامانى ايدانا مۇراتوۆا – بۇعان ستۋدەنتتەر، وقۋشىلار، جۇمىسشى جاستار مەن مەملەكەتتىك قىزمەتكەرلەر وتە بەلسەندىلىكپەن قاتىسۋدا. ماڭعىستاۋ وبلىسى جاستار رەسۋرستىق ورتالىعى ديرەكتورىنىڭ ورىنباسارى ارىستانبەك راحمان وسى فلەشموبقا ارنايى كەلىپ، قاتىسقان ەكەن. ول ٴتۇپقاراعاندىق جاستاردىڭ ىنتا-ىقىلاسىنا، بەلسەندىلىگىنە ٴتانتى ەكەنىن ايتتى. - وتە پايدالى، ماعىنالى، تاعلىمدى شارالار جوسپارلانعان ەكەن. ولارعا جاستار تاراپىنان ٴبىراز ۇسىنىستار ٴتۇسىپتى. بۇل دا ٴتۇپقاراعاندىقتاردىڭ ٴاربىر وسىنداي شاراعا زور ىقىلاسپەن، شىعارماشىلىقپەن قارايتىنىن كورسەتەدى، -دەدى ول. جاستار ۇيىمداستىرعان تاعلىمدى شارالار اۋداننىڭ بارلىق ەلدى مەكەندەرىندە ٴوتىپ جاتىر.

انار راحيمبەكوۆا

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي