USD 336.23 EUR 360.3 RUB 5.28
استانا:

جىگىتكە جاراسادى بىرسوزدىلىك......

فوتو: haphap.ru

وسىدان ٴبىراز ۋاقىت بۇرىن əلەۋمەتتىك جەلىدە استانالىق جىگىتتىڭ قالىندىعىن ٴمəھىر سىيلىعىنا كولىك سۇراعانى ٴۇشىن توي ۇستىندە تاستاپ كەتكەنى تالقىعا تۇسكەن ەدى. كوپشىلىك ونىڭ ىس-əرەكەتىن دۇرىس دەپ تانىدى. كەزىندە سىيلىققا قالىڭدىقتىڭ ٴۇي سۇراۋى دا كەزدەسكەن ەكەن. ويتكەنى، əيەلى اسىراۋشىسىنان ايرىلعان جاعدايدا ول سىيلىققا العان ۇيىندە تۇرعان. وعان ەشبىر اعايىن-تۋىس داۋلاسپاعان. ال، مىنا جىگىتتىڭ مۇنى دۇنيەقۇمارلىق دەپ، تويدى توقتاتۋىن قالاي باعالاۋعا بولادى؟

قانشا ۋاقىت كەزدەسىپ، تانىپ- بىلگەن قالىڭدىعىنان ٴبىر-اق سəتتە، ونىڭ ۇستىنە توي ۇستىندە اجىراسۋى əبەستىك سەكىلدى. مۇنداي جاعدايدى ەكەۋارا شەشسە دە بولادى ەمەس پە؟ شاريعات بويىنشا ۇيلەنگەن سوڭ əيەلى كۇيەۋىنىڭ جاعدايىن ەسكەرىپ، ٴمəھىر سىيلىعىنان باس تارتۋىنا بولادى. دəل وسىلاي ٴوزارا كەلىسىمگە كەلگەندەر دە جوق ەمەس. نەكە قييۋ رəسىمىندە قىمبات مۇلىك سۇراعانىمەن، ارتىنان كۇيەۋىن سوعان مىندەتتەمەي-اق ٴتاتۋ-تəتتى ٴومىر ٴسۇرىپ جاتقاندار بار. ال، اشۋىن اقىلعا جەڭدىرە الماۋدىڭ سالدارى جاقسى بولماسى انىق. وسى سياقتى وقيعالار قازاقىلىقتى ساقتاعان ٴبىزدىڭ وڭىردە دە ورىن الىپ جاتىر. – قىزىمنىڭ باسىنان وتكەن بۇل جايت وتباسىمىزدى تۇگەل ەسەڭگىرەتىپ تاستادى. كەنجە قىزىما جاقىندا قۇدا ٴتۇسىپ، سىرعا سالعان. جاڭا قۇدالار كورگەندى، يمان ٴجۇزدى كىسىلەر كورىندى. كۇيەۋ جىگىت تە وقىعان، ٴتəۋىر قىزمەت جاسايدى. ٴبىز تويدىڭ قامىن جاساي باستادىق.

بارلىعىن دəستۇرگە ساي دايىندادىق. ۋاقىتتى بەلگىلەپ، اعايىن-تۋىس، دوس-جاراندى تويعا شاقىردىق. ٴبىراق، قۋانىشىمىز كوپ ۇزاماي سۋ سەپكەندەي باسىلدى. ۇزاتىلۋ تويىنا ٴبىر اپتا قالعاندا جىگىت جاق قىزىمنان باس تارتتى. سەبەبىن تۇسىنە المادىق. قۇدالار بالاسىنىڭ باسقا قىزعا ۇيلەنەتىنىن ايتقانىن، تويدى توقتاتۋ كەرەكتىگىن جەتكىزدى. توبەمىزدەن جاي تۇسكەندەي ەسەڭگىرەپ قالدىق. قانشاما اعايىننىڭ الدىندا ۇياتقا قالعانىما كىمدى كىنəلارىمدى بىلمەدىم. سول سəتتە جاندۇنيەمدى كۇيىك شالعانداي ەدى. كەنجەمدى دە جازعىرىپ جاتىرمىن. دەسە دە، قىزىمنىڭ جان كۇيزەلىسىن كورىپ، جۇرەگىم اۋىردى. بالاسىنىڭ ولقىلىعىنا اتا-اناسى نەگە توسقاۋىل بولمادى دەگەن ويدان ارىلا المادىم. ٴبىر جاعى قىزىمنىڭ مۇنداي جاۋاپسىز، جەڭىلتەك اداممەن باس قوسپاعانى دۇرىس شىعار دەپ تە ويلادىم. بۇل كەلەڭسىزدىكتىڭ əسەرىنەن ٴəلى كۇنگە ارىلعانىمىز جوق. نامىستان ورتەنەردەي كۇي- كەشۋدەمىز. əسىرەسە، قىزىمنىڭ جاعدايى الاڭداتادى، – دەيدى سəۋلە ەسىمدى كەيىپكەرىمىز شامامەن ەكى-ۇش جىل بۇرىن جاقىن تانىسىمنىڭ قۇربىسى سۇيىكتىسىمەن رەنجىسىپ قالعان بولاتىن. ٴبىرشاما ۋاقىت حابارلاسپاي جۇرگەن. جىگىتى بوتەن قىزعا ۇيلەنەدى دەپ ەستىدىك. الايدا، تويىنا از ۋاقىت قالعاندا ولار قايتا تاتۋلاسقان. ال، قالىڭدىعى بولسا تۇرمىسقا شىعاتىنىنا سەنىمدى. سوڭىندا جىگىت ۋəدەسىندە تۇرماي، بۇرىنعى عاشىعىنا ورالعان. ول كەزدە دە ەكى جاق تويعا ساقاداي ساي، دايىن دالىپ قويعان ەكەن. اقىرىندا جىگىتتىڭ اتا-اناسى قارسى تاراپتان كەشىرىم سۇراپ، بارلىق شىعىنىن وتەپ بەرىپتى-مىس. مۇنداي جايتتار سوڭعى كەزدە جيىلەپ كەتكەن سەكىلدى. ەستىگەن سايىن ماسقارا دەۋمەن بولاسىڭ. جىگىتتەردىڭ وسىنداي قىلىقتارىن كورگەندە ەرىكسىز ويعا شوماسىڭ. ولار وسىنشالىق جاۋاپسىز بولعانى ما؟

ۇيلەنىپ، ٴۇي بولۋعا ٴاتۇستى قارايتىنداي تəربيەنىڭ اقساعانى ما؟ əلدە قوعامداعى ەركىندىكتىڭ سالدارى ما ەكەن؟ بۇگىندە تاڭداۋ əركىمنىڭ ٴوز ەركىندە. دەگەنمەن، ٴوزىم بىلەمگە سالىنىپ، بىرەۋدىڭ ار- نامىسىن تاپتاپ، ابىرويىن توگۋدىڭ قاجەتى قانشا؟ وزىنە سەنىمسىز بولسا، جاۋاپتى قادامدى قالاي جاساعان؟ بۇدان əسىرەسە، باۋىر ەتىم بالام دەيتىن اتا-انانىڭ جۇرەگىنە قاياۋ تۇسەرى ٴسوزسىز.

ەرتە كەزدە كەيبىر اعا-əپكەلەرىمىز ٴوز سۇيگەندەرىنە قوسىلا الماي مۇڭلىقتىڭ كۇيىن كەشتى. سوعان قاراماستان، وتباسىلىق قۇندىلىقتى جوعارى قويدى. بالاسىنىڭ قامىن ويلاپ، باسقا تۇسكەنگە كوندى. ال، ٴقازىر جەتى رەت ولشەپ ٴبىر رەت كەسۋگە مۇمكىندىك بار. ادامنىڭ جەكە كوزقاراسى، تاڭداۋ ەركى ەسكەرىلگەن زاماندا دۇرىس باعىتتان وڭاي جاڭىلاتىنىمىز وكىنىشتى. جىگىتتەردىڭ وسىلاي ۇساقتالىپ جات قانىنا ىشتەي قىنجىلاسىڭ. ونداي ادامدار بولاشاق ۇرپاعىنا قانداي ٴتəلىم- تəربيە بەرمەك؟ وتباسىنىڭ تىرەگى سانالاتىن ولارعا تەك جۇرەكتىلىك جاراسادى ەمەس پە؟ سەزىمگە بەرىلىپ، سەرگەلدەڭگە ٴتۇسۋ جىگىتتەرگە جاراماس. راسىندا، ۇيلەنۋ ەرىككەننىڭ ەرمەگى ەمەس، ادامنىڭ تاعدىرى. قازاق جىگىتتەرى وزگەگە ەلىكتەمەي وسىنى ەسكەرسە ەكەن. سەندەرگە تەك جىگىتتىك قاسيەت تəن. وسىنى ۇمىتپايىق...

ايدانا سەيىل.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي