USD 335.61 EUR 361.32 RUB 5.26
استانا:

جەتەيىن دەسە، جەتە الماي…

ارمەنيا ازاماتى ارمەن اكوپيان ٴوزىنىڭ كامەلەتتىك جاسقا تولماعان ەكى بالاسىن كورۋ ٴۇشىن قر شەكاراسىن بىرنەشە مارتە زاڭسىز كەسىپ وتكەن. بالالارى ليساكوۆ قالاسىندا اناسىمەن تۇرادى. دەنيسوۆ اۋدانىنىڭ سوتى "رەسيديۆيست-اكەنى" التى ايعا باس بوستاندىعىنان ايىردى. جازاسىن وتەي سالىسىمەن شەكارادان شىعارىلىپ، قازاقستان اۋماعىنا كىرۋىنە 5 جىلعا شەكتەۋ قويىلادى. ال ازىرگە ول جازاسىن جالپى رەجيمدەگى مەكەمەدە وتەمەك. "اكوپيان كوشى-قون پوليسياسىنداعىلارعا وتە جاقسى تانىس.

مامىر ايىندا ليساكوۆتىق سوت ونى قر اۋماعىندا جۇمىسقا ورنالاسۋعا رۇقساتى بولماسا دا جۇمىس ىستەپ جۇرگەنى ٴۇشىن كىنالى دەپ تاۋىپ، ەلدەن قۋىلعان ەلدى. بۇل ۇكىمنەن سوڭ دا بىربەتكەي اكە قازاق جەرىنە كىرۋگە بىرنەشە رەت تالپىنىس جاساعان، الايدا وتكىزۋ بەكەتىندەگىلەر ونى قايتا-قايتا كەيىن قايتارىپ جىبەرگەن. سودان كەيىن ارمەنيا ازاماتى قارتالى-توبىل تەمىر جولى ارقىلى شەكارانى جاياۋ باسىپ وتۋگە بەلىن بەكەم بۋادى. ناتيجەسىندە، 20 تامىز كۇنى دەنيسوۆ اۋدانىنىڭ اقسۋ بەكەتىنە اياعى تيگەن زاڭ بۇزۋشىنىڭ جولىن ٴتارتىپ ساقشىلارى كەس-كەستەدى"، — دەلىنەدى ٴىس ماتەريالدارىندا. سونداي-اق، بالاجان اكە 2014 جىلى دا ناق وسىنداي زاڭبۇزۋشىلىق ٴۇشىن قىلمىستىق جاۋاپكەرشىلىككە تارتىلعان ەدى. ول جولى اقمولا وبلىسىنىڭ ەسىل اۋداندىق سوتى ونىڭ شارتتى تۇردە ەكى جىلعا باس ەركىن شەكتەگەن بولاتىن.

www.kostanaytany.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي