USD 334.31 EUR 355.17 RUB 5.31
استانا:

جەر باپتاپ، جەمىسىن كورگەن

ەڭبەك اۋىلى قىدىر دارىپ، باق قونعان قۇتتى مەكەن. قاسيەتتى ولكەنىڭ توپىراعىن عالىم م.بايدىلدايەۆتان باستاپ، قوعام قايراتكەرلەرى مەن ەل اعالارى، اقىندار تۇلەپ ۇشقان. بۇگىندە اۋىل حالقى بەرەكەلى ٴومىر كەشۋدە. شارۋاسىن دوڭگەلەتىپ وتىرعان شارۋا قوجالىقتارى اۋىلدىڭ الەۋمەتتىك دامۋىنا دەم بەرىپ، ىرىسىن ارتتىرىپ وتىر. ۇلكەننەن ونەگە الىپ وسكەن جاستار دا ەڭ الدىمەن تۋعان ولكەنىڭ دامۋىنا «تەڭىزدىڭ تامشىسىنداي ٴوز ۇلەسىمىزدى قوسساق» دەگەن نيەتتە. وسىنداي ٴبىلىمى مەن كۇش-جىگەرى ٴبىر ارناعا توعىسقان جالىندى جاستىڭ ٴبىرى – التىنبەك يسابايەۆ. ەڭبەك اۋىلىنىڭ تۋماسى التىنبەك قازىرگى تاڭدا «اتامەكەن» شارۋا قوجالىعىندا باس اگرونوم قىزمەتىن اتقارادى. ول قورقىت اتا اتىنداعى ٴقمۋ-دىڭ «اگروتەحنيكالىق» فاكۋلتەتىنىڭ اگرونوميا ماماندىعى بويىنشا ٴوز بىلىكتىلىگىن العان.

–التىنبەك جىگىتكە ماماندىق تاڭداۋ – ومىرلىك ماڭىزى بار قادامنىڭ ٴبىرى ەكەندىگى بەلگىلى. ٴسىز اۋىل شارۋاشىلىعى سالاسىنا قالاي كەلدىڭىز؟

–مەن وسى سالاعا اڭداۋسىزدا كەلدىم دەسەم بولادى. بالا كەزىمنەن مەكتەپتە ٴبىلىم الىپ جۇرگەندە ٴتىس دارىگەرى بولۋدى ارمانداۋشى ەدىم. ٴبىز ۇبت تاپسىرار الدىندا مەكتەپتەگى ٴبىلىم بەرگەن ۇستازدارىم، اتا-انامىز بولاشاعىمىزعا الاڭداۋشىلىقتارىن ٴبىلدىردى. دەگەنمەن، «كەلىسىپ پىشكەن تون كەلتە بولمايدى» دەگەندەي ۇستازداردىڭ ايتقان اقىلىنا دا قۇلاق استىق. ماماندىق تاڭداۋ ومىردەگى ەڭ ماڭىزدى ساتىلاردىڭ ٴبىرى بولعاندىقتان، جەتى ولشەپ ٴبىر كەسۋگە تۋرا كەلدى. ٴالى ەسىمدە م.بايدىلدايەۆ اتىنداعى №232 ورتا مەكتەپ ديرەكتورى اقشونتايەۆا شىنار اپايىم وسى اگرونوم ماماندىعىن تاڭداۋىما كەڭەس بەردى. قازىرگى تاڭدا اۋىل شارۋاشىلىعى سالاسىنداعى ەڭ ٴبىر جاۋاپتى ماماندىقتا ٴبىلىم الىپ، تاجىربيەمدى وسى سالاعا ارناپ جۇرگەنىمە ەش وكىنبەيمىن.

ٴ–وز ماماندىعىڭىزدىڭ قىزىعى مەن قيىنشىلىعى جايلى ايتساڭىز!

–ارينە، ٴار ماماندىقتىڭ قيىندىعى مەن قىزىقشىلىعى قاتار جۇرەدى. بىردەن ٴىستى دوڭگەلەتىپ الىپ كەتۋ وڭاي شارۋا ەمەس. قاي جۇمىستا ۋاقىت پەن تاجىربيەنى ۇشتاستىرا ٴبىلۋ ماڭىزدى. «ەگىنشى جىلدا ارماندا» دەمەكشى ٴبىز جىلدا جەر-انادان مول نەسىبە كۇتەمىز. ەرتە كوكتەمنەن باستاپ جەردى كۇتىپ باپتاۋعا، سۋ رەجيمىن قالىپتى ساقتاۋعا كوڭىل ٴبولىنىپ، اگروتەحنيكالىق شارالارى مەرزىمىمەن ورىندالۋىنا قىزمەت جاسايمىز. كۇرىش «بالا» سەكىلدى، كۇتىپ باپتاعاندى جاقسى كورەدى. بيىل شارۋا قوجالىق 1447 گەكتارعا ەگىس ەگىپ، ونىڭ 1200 گەكتارىنان ٴونىمدى دەر كەزىندە جيناۋعا مۇمكىندىك الدى. اۋا رايىنا بايلانىستى ساعات 11-دەن باستاپ، كەشكى ساعات 7-گە دەيىن استىقتىڭ جينالۋ جۇمىستارى جۇرەدى. سەبەبى، تاڭعى ۋاقىتتا شىق تۇسەتىندىكتەن، كۇرىش ىلعالدىلىعىن ٴبىراز ۋاقىت ساقتاپ قالادى. بۇل جۇمىستىڭ ٴبارى جىلدا قامبانى استىققا تولتىرۋعا سەپتىگىن تيگىزەدى. بۇگىندە «اتامەكەن» شارۋا قوجالىعىندا 100-گە جۋىق جۇمىسشى نەسىبەسىن قارا جەردەن ەڭبەك ارقىلى كورىپ وتىر. سوندىقتان ٴونىمدى ەسەلەپ الۋ ٴۇشىن بارشا ەڭبەك ادامدارى مەن اگرونوم تالماي ەڭبەك ەتۋى ٴتيىس. جەردى كۇتىپ باپتاۋدان بولەك، 6 اي بويى ەگىننىڭ قاتار، گەربيسيدتەرىن ەسەپتەپ، تىڭايتقىشتاردى ٴوز مولشەرىمەن بەرۋ دە اگرونومنىڭ باستى مىندەتىنە سانالادى. سوندىقتان ٴوز جۇمىسىمىزعا جاۋاپكەرشىلىكپەن قاراۋىمىز قاجەت.

–ومىرلىك ۇستازىڭىز رەتىندە كىمدى ايتا الاسىز!

–«ٴومىردىڭ ٴوزى ۇلى ۇستاز» دەگەن ناقىل ٴسوز بەكەر ايتىلماسا كەرەك. وسى جۇمىسقا العاش قادام باسقان جىلدارى مەنى شارۋا قوجالىقتاعى ٴاربىر ەڭبەككەردىڭ بەل جازباي قىزمەت ەتكەنى ٴسۇيسىندىردى. اسىرەسە 30 جىل ماڭداي تەرىن توككەن باس اگرونوم رىسبەك جۇباتقانوۆ اكەمىزدىڭ جانىندا 1 جىلداي ىس-تاجىربيەسىن كورىپ، شارۋا ادامىنىڭ اقىل-پاراساتىنان كوپ ونەگە الدىم دەسەم بولادى. ال ومىرلىك ۇستازىم رەتىندە «اتامەكەن» شارۋا قوجالىعىنىڭ ٴتوراعاسى شاكيزاتحان يسكاكوۆ اعامىزدى ەرەكشە ٴقادىر تۇتامىن. اۋىلدىڭ ارداقتى ازاماتى ٴوزىنىڭ قاجىر-قايراتىن وسى اۋىلدىڭ الەۋمەتتىك جاعدايىنىڭ جاقسارۋىنا اتسالىسىپ جۇرگەندىكتەن، اعامىزدىڭ ٴومىرى جاستارعا ونەگە بولىپ ەسەپتەلەدى.

–جالپى جاستاردىڭ باسىم كوپشىلىگى ەڭبەك جولىن اۋىلدان باستاۋعا جۇرەكسىنەدى. جوعارعى ٴبىلىمدى مامانداردىڭ اۋىلعا تابان تىرەمەۋىنە نە سەبەپ دەپ ويلايسىز؟!

–مەنىمەن بىرگە جوعارعى وقۋ ورنىندا 30-عا جۋىق ستۋدەنت وقىدى. ٴبىرازى ٴوز ماماندىقتارىمەن قىزمەت اتقارماسا دا، جۇمىس تاپشىلىعىنان ٴار ٴتۇرلى سالالارعا كەتىپ جاتتى. قازىرگى تاڭدا كوپ جاستار استانا، الماتى سىندى ٴىرى قالالاردا قىزمەتكە ورنالاسقاندى قالايدى. «اۋىلدا جۇمىس كوزى جوق»، «اۋىلعا بارعاندا نە بىتىرەمىز» دەپ ويلايدى. ارينە بارلىق ادام جوعارى ٴبىلىم العانىمەن، دايىن بىلىكتى مامان رەتىندە جۇمىسقا ورنىعىپ كەتە المايدى. ٴسال سابىرلىق ساقتاپ، قيىندىقتارعا شىدامدىلىق تانىستا «الىنبايتىن قامال جوق» دەپ ويلايمىن.

–تاۋەلسىزدىكتىڭ ٴتول قۇرداسى رەتىندە ەل دامۋىنا قانداي ۇلەسىڭىزدى قوسۋداسىز؟

–ارينە، «ەرىم دەيتىن ەل بولماسا، ەلىم دەيتىن ەر قايدان شىعادى» دەگەن ماقال بار ەمەس پە! ەلدىڭ ٴاربىر ازاماتى ەل دامۋىنا ٴوز شاما-شارقى كەلگەنشە ۇلەس قوسسا ٴبىزدىڭ تيگىزگەن پايدامىز سول دەپ ويلايمىن. مەن ٴوز ماماندىعىمنان ەش ۋاقىتتا شارشاعان ەمەسپىن. ەگىس ناۋقانى كەزىندە 6 اي سارىلىپ ۋايىمدا جۇرەر بولساق، قىسقى ماۋسىمدا تاعى قىزۋ جۇمىستار اتقارۋعا تۋرا كەلەدى. استىق بولعان جەردە ەلدىڭ بەرەكەسى مول بولادى. ۇلكەننىڭ ونەگەسىن الىپ، ومىرلىك تاجىربيەسىنەن ٴبىر جاقسى قاسيەت الار بولساق ٴاربىر جاستان كەلەشەك تۇلعا قالىپتاسادى. ٴوز تاربيەمىز بەن ٴبىلىم كۇشىمىزدى اۋىلدىڭ كوركەيۋىنە جۇمساساق «تاۋەلسىزدىككە تارتۋ» دەگەن سول بولار.

–اڭگىمەڭىزگە راقمەت!

اڭگىمەلەسكەن، جاينا شەرنيازوۆا.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي