USD 334.89 EUR 361.61 RUB 5.28
استانا:

«جاستار داۋىسى-2016» مارەسىنە جەتتى

جىلدا اۋدان ورتالىعىندا ٴداستۇرلى اتالىپ وتەتىن «جاستار داۋىسى» فەستيۆالى بيىلعى جىلى دا ٴوز مارەسىنە جەتتى. قالا بويىنشا ٴتۇرلى ماماندىقتارمەن ٴدارىس بەرەتىن كوللەدجدەر قابىرعاسىندا ٴبىلىم الىپ جاتقان ٴۇش مىڭعا تارتا ستۋدەنت جاستار بار بولسا، سولاردىڭ اراسىندا ٴوزىنىڭ ماماندىعىمەن قاتار ونەرگە، ولەڭگە دە بەيىمى بار جاستاردىڭ بار ەكەنىن اركىم بىلە بەرمەيدى.

اۋداندىق مادەنيەت ٴۇيىنىڭ زالىندا ٴدال وسى كۇنى ينە شانشار ورىن بولمادى. وزدەرىنىڭ دوستارىنىڭ شاشباۋىن كوتەرىپ، وقىپ جاتقان كوللەدجدەردىڭ نامىسىن قولدان جىبەرمەيمىز دەپ كەلگەن قوشەمەتشىل ستۋدەنتتەردىڭ دە قاراسى مول بولدى.

بۋراباي اۋدانىنىڭ اكىمى تولەگەن تاشماعامبەتوۆكە العاشقى ٴسوز كەزەگى بەرىلىپ، اۋدان باسشىسى تاۋەلسىز ەل جاستارىنىڭ بۇگىنگى جەتىستىگىن، ونىڭ ىشىندە اۋدانداعى بەلسەندى جاستاردىڭ عىلىم، ونەر جولىنداعى ورەلىگى جايلى اۋقىمدى ويىمەن ٴبولىسىپ، باپ پەن باق قاتار سىنالاتىن ايتۋلى دوداعا قاتىسىپ وتىرعان جاستارعا شىعارماشىلىق تابىس تىلەپ، تاۋەلسىزدىكتىڭ جيىرما بەس جىلدىعىمەن جانە دە قر تۇڭعىش پرەزيدەنت كۇنىمەن قۇتتىقتادى.

بايقاۋ شارتتارى بويىنشا جاندى داۋىسپەن ٴان ايتۋمەن قاتار اكتەرلىك شەبەرلىكتى شىڭداپ، ساحنادا بۇگىنگى ەلىمىزدىڭ جەتىستىگىن ناسيحاتتاۋ، ەكونوميكالىق وسىپ-ورلەۋدەگى ساتىلىق جاعىن كورسەتۋ سياقتى تالاپتار قويىلعان. ٴيا، بۇل تالاپتاردى مۇلتىكسىز ورىنداعان ششۋچينسك قالاسىنىڭ جوعارى كوللەدج ستۋدەنتتەرى. كۇنى كەشەگى قازاق تاريحىندا ەرلىگىمەن ەل ەسىندە قالعان وتانسۇيگىش جاستاردىڭ ۇلت ازاتتىعى ٴۇشىن كۇرەسكەن بەينەسىن جانە دە توقسان ٴبىرىنشى جىلى ٴداۋىر قۇسىنداي ارمانداتىپ سان عاسىرلار بويى بابالارىمىزدىڭ كوكىرەگىن شەرگە، انالارىمىزدىڭ جانارىن جاسقا تولتىرعان ەگەمەندىكتى العان تۇستاعى شات-شادىمان قۋانىشتى كورىنىستى، ودان قالا بەردى سارىارقانىڭ ٴسانى مەن انىنە اينالعان استانانىڭ ايشىقتى اجارىن كوركەمدەگەن، الدىمىزداعى مۇقىم الەم كوز تىگەتىن ەسپو-2017 كەلە جاتقاندىعى جايلى جوعارى كوللەدج ستۋدەنتتەرىنىڭ كەرەمەت، تارتىمدى كورىنىسى كوپتىڭ كوكەيىنە وي سالعانداي اسەر بەردى. سەبەبى جاندى داۋىسپەن ٴان شىرقاعان ستۋدەنتتەردىڭ بويىنان العىرلىق، كوزدەرىندە بولاشاققا دەگەن سەنىمنىڭ ۇشپا ۇشقىنىن اڭعارعانداي بولدىق.

ٴان ورىنداۋ، بي بيلەۋدەن پەداگوگيكالىق كوللەدجدىڭ ستۋدەنتتەرى الدىنا جان سالمادى. وسى شاراعا ەرەكشە ىقىلاس قويىپ ازىرلەگەندىكتەرى بايقالىپ تۇر. مىڭ بۇرالعان بيشىلەردىڭ ۇستىندەگى كوك بايراق تۋىمىز تۇستەس ادەمى ۇلبىرەگەن كويلەكتەرى ازات ەلدىڭ بۇگىنگى تىنىس-تىرشىلىگىن ايقىنداپ كورسەتە بىلگەندەي. قاتاركول اۋىل شارۋاشىلىق كوللەدجىنىڭ ستۋدەنتتەرى بابىنا كەلتىرىپ ٴان شىرقاپ، بويلارىنداعى قۇداي بەرگەن تالانتتى مەيىلىنشە ورتاعا سالىپ، تانىمدى قويىلىمدار ارقىلى دۋمانداتىپ ساحنانىڭ كوركىن قىزدىرا ٴتۇستى.

ەكولوگيا جانە ورمان شارۋاشىلىعى كوللەدجى ستۋدەنتتەرى مەن تۋريزم جانە سەرۆيس يندۋسترياسى كوللەجىنىڭ ستۋدەتتەرى وزدەرىنىڭ وقىپ، ٴبىلىم الىپ جاتقان ماماندىقتارىنىڭ بۇگىنگى زامانعا اسا قاجەتتى ەكەنىن ناسيحاتتاپ، كورىنىستەر قويىپ، كوپشىلىك كوڭىلىنەن شىعۋعا تىرىسىپ باقتى.

«جاستار داۋىسى-2016» بايقاۋىن قورىتىندىلاپ ٴادىلقازىلار القاسى اتىنان اۋداندىق ٴماسليحاتتىڭ حاتشىسى وتەلباي بەيسەنوۆ ساحناعا كوتەرىلدى. بارلىق قاتىسۋشى ستۋدەنتتەردىڭ بويىنداعى ونەرلەرىن جەكە-جەكە تالداپ ساراپتاي كەلە، وسىنداي ستۋدەنتتەرگە ٴدارىس بەرىپ، باعىت سىلتەپ، جول سالىپ جۇرگەن ونەر ولكەسىنە قانات قاعۋعا مۇمكىندىك تۋعىزعان وقىتۋشىلار قاۋىمىنا ريزاشىلىعىن جەتكىزە كەلە، «جاستار داۋىسى-2016» بايقاۋىنىڭ باس جۇلدەسىنە ششۋچينسك قالاسىنىڭ پەداگوگيكالىق كوللەدجى ستۋدەنتتەرىن لايىق دەپ تانىپ، باعالى سىيلىق پەن ماراپات قاعازىن تابىستادى. بايقاۋعا قاتىسۋشى بارلىق كوماندالار دا سىي-كادەدەن قۇر الاقان قالمادى.

دەگەنمەن دە سايىستىڭ اتى سايىس. بىرەۋلەردىڭ بابى كەلىپ باعى جانادى، بىرەۋدىڭ باعى جانىپ اتى وزادى،-دەمەكشى ونەر سايىسى سونىسىمەن قىزىقتى. اۋدان جاستارى ٴۇشىن ونەرلەرىن شىڭداپ باق سىنايتىن بايقاۋلار جەتەرلىك. بۇل ارينە الداعى كۇندەردىڭ ەنشىسىندە.

ونەر ايدىنىندا جەڭىستى كۇندەردە جولىققانشا، اعايىن!

ج. وسپانوۆ

سسىلكي پو تەمە:
08 جەلتوقسان 2016, 15:56
«مەرگەن سارباز – 2016»
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي