USD 334.89 EUR 361.61 RUB 5.28
استانا:

جامبىل اۋدانىنىڭ اكىمى جانداربەك دالابايەۆ بارشانى مەرەكەمەن قۇتتىقتايدى

ٴقادىرلى قاۋىم!

بارشاڭىزدى 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنىمەن شىن جۇرەكتەن قۇتتىقتايمىن! تۇڭعىش پرەزيدەنت كۇنى – بۇل تاريحي تاڭداۋ كۇنى، بارلىق قازاقستاندىقتاردىڭ ۇلت كوشباسشىسىنىڭ توڭىرەگىنە توپتاسۋ كۇنى. 1991 جىلدىڭ ٴ1-شى جەلتوقسانىندا رەسپۋبليكا جۇرتشىلىعى تۇڭعىش رەت نۇرسۇلتان ٴابىش ۇلى نازاربايەۆتى قازاقستان رەسپۋبليكاسىنىڭ پرەزيدەنتى ەتىپ سايلادى. سول جىلدىڭ 16 جەلتوقسانىندا قازاقستان ٴوزىنىڭ عاسىرلار بويى ارمانداعان مەملەكەتتىك تاۋەلسىزدىگىنە قول جەتكىزدى. وسىدان 25 جىل بۇرىنعى تاۋەلسىزدىگىمىز باستاۋ العان تاريحي كەزەڭگە كوز جىبەرسەك، وتە كۇردەلى ۋاقىتتى باستان وتكىزگەنىمىزدى كورەمىز. كەڭەس وداعى تاراتىلىپ، ونىڭ ورنىندا پايدا بولعان مەملەكەتتەردىڭ بارلىعى دا ورتاق داعدارىسقا ۇشىرادى. قالىپتاسقان ورتالىقتاندىرىلعان جۇيە ىدىرادى، زاۋىت-فابريكالار كۇيرەدى، بالاباقشالار مەن مەكتەپتەر، سپورت عيماراتتارى مەن مادەنيەت ورتالىقتارى جابىلدى. ەكونوميكا كۇردەلى جاعدايعا تاپ بولىپ، حالىق كۇيزەلىسكە ۇشىرادى. جۇرت بويىندا ەرتەڭگى كۇنگە دەگەن سەنىمسىزدىك پايدا بولىپ، ۇرەي بيلەدى. وسىنداي ٴبىر قيىن دا كۇردەلى كەزەڭدە ەلدىكتى، ەگەمەندىكتى ساقتاپ قالۋدىڭ تاريحي مىندەتى ۇلت كوشباسشىسى، قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ٴابىش ۇلى نازاربايەۆقا جۇكتەلدى. قيىن-قىستاۋ كەزەڭدە قوس قۇرلىقتىڭ اراسىنداعى ۇلان-بايتاق كەڭىستىكتەگى بابادان قالعان ۇلان-عايىر قونىسقا يە بولىپ، اتادان قالعان كوك بايراقتى اسقاقتاتا ۇستاپ، ٴوز الدىنا ەل بولىپ، ەڭسە كوتەرۋ وڭايعا تۇسپەدى. ۇلى ابىلاي حان دۇنيەدەن وتەر ساتىندە: «ەلىمدى بەيبىت ومىرگە جەتكىزە المادىم، حالقىم جەر يگىلىگىن كورە المادى، قالا، كەنت سالا المادى، ەلدىڭ باسىن بىرىكتىرە المادىم» دەپ، ورىندالماعان ٴۇش ارمانىن ايتىپ كەتكەن ەكەن.

ۇلى ابىلايدىڭ وسى ارماندارىن تاۋەلسىز ەلىمىزدىڭ تۇڭعىش پرەزيدەنتى، حالقىنىڭ اسىل پەرزەنتى نۇرسۇلتان ٴابىش ۇلى نازاربايەۆ جۇزەگە اسىردى. تاۋەلسىزدىك جىلدارىندا ەگەمەندىگىن العان قازاق ەلى تۇڭعىش پرەزيدەنتىنىڭ باسشىلىعىمەن قيىندىقتاردى ەڭسەرىپ قانا قويماي، ماكروەكونوميكالىق تۇراقتىلىق پەن ۇزاقمەرزىمدى ستراتەگيالىق مىندەتتەردى ٴساتتى شەشۋگە ارنالعان بەرىك ىرگەتاستى قامتاماسىز ەتەتىن جۇيەلى سيپاتتاعى رەفورمالاردى جۇزەگە اسىردى. قازاقستان رەسپۋبليكاسى بۇكىل الەمدى مويىنداتقان ىرگەلى مەملەكەتكە اينالىپ، كوپعاسىرلىق تاريحىنداعى ەڭ باقىتتى داۋرەنگە قول جەتكىزدى. دامۋدىڭ وركەنيەتتى جولىنا تۇسكەن ەل ومىرىندەگى بارلىق جاقسىلىق، ٴاربىر ٴساتتى قادام ەلباسى ەسىمىمەن تىكەلەي بايلانىستى. ٴجۇز وتىزدان استام ەتنوس وكىلىن بىرىكتىرەتىن قازاقستان حالقى اسسامبلەيا- سىن قۇرۋ، باتىس پەن شىعىستى وركەنيەتتى قارىم-قاتىناسقا تارتۋ، وتانىمىزدىڭ جۇرەگى، تاۋەلسىزدىگىمىزدىڭ تىرەگى – استانا قالاسىن سالۋ جانە ەلوردامىزدا دۇنيەجۇزىلىك ەحرو-2017 حالىقارالىق كورمەسىن وتكىزۋ جانە تاعى باسقا دا كوپتەگەن تولاعاي تابىستارىمىزدىڭ بارلىعى دا يگى ىستەردىڭ كوشباسشىسى – قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ٴابىش ۇلى نازاربايەۆتىڭ سارابدال ساياساتىنىڭ تولايىم جەمىسى. «قازاقستان – 2030» جانە «قازاق- ستان – 2050» ستراتەگيالارى تاۋەلسىزدىكتى نىعايتۋدىڭ باستى ماقساتتارى مەن مىندەتتەرىنىڭ ناقتى پايىمىن كورسەتىپ بەردى.

مەملەكەت باسشىسىنىڭ «نۇرلى جول – بولاشاققا باستار جول» جولداۋى مەن بەس ينستيتۋتتىق رەفورمانى ىسكە اسىرۋدىڭ 100 ناقتى قادامى – ۇلت جوسپارىندا بەلگىلەنگەن ماقساتتار قازاقستاندىقتاردىڭ بىرىگۋى مەن توپتاسۋىنىڭ قۋاتتى فاكتورى بولىپ تابىلادى. بۇگىنگى قازاقستان تەرەڭ الەۋمەتتىك- ەكونوميكالىق جاڭعىرۋ، ينتەگراسيالانۋ مەن جاھاندانۋ ٴۇردىسىن كۇن ساناپ نىعايتا تۇسۋدە. قازاقستاندىق قوعامدى جاڭا يندۋستريالدىق-يننوۆاسيالىق جاعدايلارداعى ومىرگە دايىنداۋ، ۇدەمەلى ەكونوميكالىق دامۋ مەن ازاماتتاردى قوعامدىق يگىلىكتەرمەن كەڭىنەن قامتاما- سىز ەتۋ – مەملەكەتتىك ساياساتتىڭ باستى ماقساتى. ٴقادىرلى قاۋىم! اقىندار مەن باتىرلار ەلى اتانعان – كيەلى جامبىل اۋدانىنىڭ تۇرعىندارى! «ەرىم دەيتىن ەل بولماسا، ەلىم دەيتىن ەر قايدان بولسىن» دەگەن قاناتتى ٴسوزى بار. بۇگىندەرى ەلباسىعا تىرەۋ بولىپ، باستار ىسكە دەمەۋ بولىپ جۇرگەن تەكتى حالىقتىڭ ۇرپاعى مىنا سىزدەرسىزدەر، قادىرمەندى اعايىن. قيىن-قىستاۋ كەزەڭدەردە جۇدىرىقتاي جۇمىلۋدىڭ ۇلگىسىن تانىتىپ، دارحان پەيىلدىڭ ارقاسىندا ۇلت پەن ۇلىستىڭ پاناسى بولعان كەڭ جۇرەكتى حالقىنا سەنىم ارتقان تۇڭعىش پرەزيدەنتىمىز «ەل كوشىن باستاۋ – ماعان سىن، مەنى قوستاۋ – ەلگە سىن...» دەپ، دانالىقتىڭ ۇلگىسىن پاش ەتتى. ەلباسى سەنىمىنە لايىقتى بولىپ، ٴاردايىم ەلدىگىمىز بەن بىرلىگىمىزدى كورسەتە ٴبىلۋ سىزدەر مەن بىزگە سىن. بارشاڭىزدى قازاقستان رەسپۋبليكاسىنىڭ تۇڭعىش پرەزيدەنتى كۇنىمەن قۇتتىقتاي وتىرىپ، شاڭىراقتارىڭىزعا شاتتىق، ەڭبەكتەرىڭىزگە تابىس، ەلىمىزگە تىنىشتىق پەن بەرەكە-بىرلىك تىلەيمىن! ەلباسىمىز – عۇمىرلى، تاۋەلسىزدىگىمىز – تۇعىرلى بولسىن اعايىن!

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي