USD 334.31 EUR 355.17 RUB 5.31
استانا:

جالپىۇلتتىق كواليسيانىڭ كەزەكتى وتىرىسى ٴوتتى

كواليسيا وتىرىسىنا كواليسيا مۇشەلىگىندەگى پارتيالاردىڭ جەتەكشىلەرى مەن بەلسەندىلەرى، مەملەكەتتىك ۇيىمدار مەن ۇەۇ وكىلدەرى، قازاقستان حالقى اسسامبلەياسىنىڭ مۇشەلەرى، ارداگەرلەر، پارتيا بەلسەندىلەرى، جاسوتاندىقتار جانە باق وكىلدەرى قاتىستى، دەپ حابارلايدى پارتيانىڭ رەسمي سايتى.

كەڭەس وتىرىسىن «نۇر وتان» پارتياسى قىزىلوردا وبلىستىق فيليالى ٴتوراعاسىنىڭ ٴبىرىنشى ورىنباسارى يبادۋللا قۇتتىقوجايەۆ اشىپ، جينالعاندارى تاۋەلسىزدىگىمىزدىڭ 25 جىلدىعى جانە تۇڭعىش پرەزيدەنت كۇنىمەن قۇتتىقتاپ، كەڭەس وتىرىسىنىڭ نەگىزگى ماقساتىنا توقتالدى.
فيليال ٴتوراعاسىنىڭ ٴبىرىنشى ورىنباسارى ەلباسىنىڭ سىندارلى ساياساتى ارقاسىندا قازاقستان ەكونوميكاسى قارقىندى دامىعان، تابىسقا جەتۋدىڭ بىرەگەي تاجيريبەسى بار ساياسي تۇراقتى مەملەكەت ەرتىندە قالىپتاسقانىن اتاپ ٴوتتى.
پارلامەنتتىڭ قوس پالاتاسىنىڭ بىرلەسكەن وتىرىسىندا قابىلدانعان «دەكلاراسيا» تاۋەلسىز ەلىمىزدە ساناۋلى ۋاقىتتا اتقارىلعان جۇمىستاردى ايشىقتاعان تاريحي قۇجات، - دەدى يبادۋللا قۇتتىقوجايەۆ.
كواليسيا وتىرىسىنىڭ كۇن تارتىبىنە دەكلارسيانى قولداۋ، «قازاقستان-2050» ستراتەگياسىنداعى «جاڭا قازاقستاندىق ٴپاتريوتيزمدى قالىپتاستىرۋ»، «100 ناقتى قادام» ۇلت جوسپارىنىڭ «بىرتەكتىلىك پەن بىرلىك» باعىتتارىنىڭ ايماعىمىزدا جۇزەگە اسىرىلۋى سونداي-اق، ايماقتىق كواليسيانىڭ جاڭا رەگلامەنتىن بەكىتۋ سەكىلدى ماسەلەلەر قارالدى.
جيىن قورىتىندىسى بويىنشا ايماقتىق كواليسيا وكىلدەرى سىر ٴوڭىرىنىڭ تۇرعىندارىنا تاۋەلسىزدىك جەتىستىكتەرى – قازاقستاننىڭ تۇڭعىش پرەزيدەنتى كوشباسشىلىعى، جالپىۇلتتىق بىرلىك، بارشا قازاقستاندىقتاردىڭ جانكەشتى ەڭبەگى مەن ىنتا-جىگەرى پاش ەتىلگەن ۇندەۋ قابىلدادى.
سونداي-اق، «ماڭگىلىك ەل» ۇلتتىق يدەياسى سالاسىندا «نۇرلى جول» باعدارلاماسىن ىسكە اسىرۋعا، مىقتى جانە باسەكەگە قابىلەتتى قازاقستاندى قالىپتاستىرۋعا باعىتتالعان ۇلت جوسپارىن ىسكە اسىرۋعا بارشا ازاماتتاردى، بارشا قوعامدىق كۇشتەردى جۇمىلدىرۋ ماقساتىندا كواليسيا مۇشەلەرى اراسىنداعى ٴوزارا ىنتىماقتاستىقپەن ارىپتەستىكتى دامىتۋ جونىندەگى مەموراندۋمعا قول قويدى.

kyzylorda-news.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي