USD 336.23 EUR 360.3 RUB 5.28
استانا:

جالعان اقپارات جاقسىلىققا اپارمايدى

قازاقستان رەسپۋبليكاسىنىڭ قىلمىستىق كودەكسىنە جاڭا وزگەرىستەر مەن تولىقتىرۋلار جاسالىپ، 2015 جىلدىڭ 01 قاڭتارىنان باستاپ كۇشىنە ەنگەنى بەلگىلى. جاڭا زاڭنامالارعا ەنگىزىلگەن تۇبىگەيلى جاڭا نورمالاردىڭ نەگىزىندە بىرنەشە باپتاردىڭ مازمۇنى مەن توركىنى قاتاڭداتىپ وتىر. كودەكس تۇجىرىمدارىنا سايكەس، قوعامعا زيان كەلتىرۋ قاتەرىن تۋعىزاتىن ىس-ارەكەت، قىلمىس سانالاتىن – ەكسترەميزم مەن تەرروريزم ارەكەتتەرى ٴۇشىن دە جاۋاپكەرشىلىك كۇشەيتىلدى. جاڭادان قابىلدانعان زاڭناما بويىنشا تەرروريزم اكتىسى تۋرالى كورىنەۋ جالعان حابارلاۋ 273-باپ بولىپ وزگەرتىلىپ، شارا رەتىندە التى جىلعا دەيىن مەرزىمگە باس بوستاندىعىنان ايىرۋ جازاسى قولدانىلادى دەپ كورسەتىلگەن. ياعني، كۇشىن جويعان كودەكستەگى «ەكى جۇزدەن بەس جۇزگە دەيىنگى ايلىق ەسەپتىك كورسەتكىش مولشەرىندە ايىپپۇل سالۋعا نە جەتى جىلعا دەيىنگى مەرزىمگە باس بوستاندىعىن شەكتەۋگە اكەپ سوعادى» دەگەن بولىمدەر الىنىپ تاستالعانىن بايقاۋعا بولادى.

تەرروريزم اكتىسى – قوعامدىق قاۋىپسىزدىكتى بۇزۋ، حالىقتى ۇرەيلەندىرۋ، مەملەكەتتىك ورگانداردىڭ، وزگە مەملەكەتتەردىڭ جانە حالىقارالىق ۇيىمداردىڭ شەشىم قابىلداۋىنا ىقپال ەتۋ نەمەسە مەملەكەت، قوعام قايراتكەرلەرىنىڭ قىزمەتىن توقتاتۋ جانە بۇرىس دەپ ەسەپتەگەن ىس-ارەكەتى ٴۇشىن كەك الۋ ماقساتىندا جەكە تۇلعالارعا، ۇيىمدارعا قارسى جاسالاتىن نەمەسە جاسايمىن دەپ قورقىتۋ ارەكەتى بولىپ تابىلادى.
اتالعان قىلمىستى جاساعان ازاماتتار نەمەسە كامەلەتكە تولماعان تۇلعالاردىڭ اتا-اناسى قر قىلمىستىق كودەكسىنە سايكەس جاۋاپكەرشىلىككە تارتىلادى. سونداي-اق، قىلمىستىق كودەكستە كورسەتىلگەن جاۋاپكەرشىلىكتەن بولەك اتالعان قۇقىققا قارسى ارەكەتى ٴۇشىن مەملەكەتتىك ورگاندارعا كەلتىرگەن زالالىن تولىق مولشەردە وتەيدى.
2016 جىلدىڭ كولەمىندە ٴوىىد-تى جەدەل باسقارۋ ورتالىعىنىڭ پۋلتىنە 2 جالعان حابارلاما تۇسكەن. جۇرگىزىلگەن ارنايى جەدەل-ىزدەستىرۋ شارالارى بارىسىندا جالعان حابارلاما تاراتقان كۇدىكتى ازاماتتار ۇستالىپ، ولارعا قاتىستى قىلمىستىق ىستەر قوزعالىپ، ٴتيىستى شەشىم قابىلدانۋ ٴۇشىن قىزىلوردا قالالىق سوتىنا جولداندى.
وسىعان وراي، وبلىس تۇرعىندارىنان وزدەرىمەن بىرگە جولعا الىپ شىققان زاتتارعا باس-كوز بولىپ، قاراۋسىز قالدىرماۋدى سۇراي وتىرىپ، اتالعان ىس-ارەكەتتەر حالىق اراسىندا ۇرەي تۋدىراتىندىعىن ەسكە سالامىز.
اتالعان قىلمىستىق ىس-ارەكەت اۋىر قىلمىستار ساناتىنا جاتقىزىلاتىنىن ەسكەرە وتىرىپ، بۇگىنگى كۇنى قولدا بار زاماناۋي تەحنيكالىق قۇرالدارمەن تەرروريزم اكتىسى تۋرالى كورىنەۋ جالعان حابارلاما بەرگەن ازاماتتاردىڭ جۇرگەن جەرىن جانە جەكە باسىن انىقتاۋ ەشبىر قيىندىق تۋعىزبايتىنىن بىلگەنى ٴجون.

قىزىلوردا ٴوىىد ٴباسپاسوز قىزمەتى

kyzylorda-news.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي