USD 336.23 EUR 360.3 RUB 5.28
استانا:

ٴۇرجارلىقتار 20 توننا قاربىز اكەلدى

وبلىس ورتالىعىندا «تۋعان ەل – التىن بەسىگىم» اكسياسىنىڭ اياسىندا ٴۇرجار اۋدانىنىڭ كۇندەرى ٴوتتى. ونەرپازدارى مەتاللۋرگتەر مادەنيەت سارايىندا اننەن شاشۋ شاشسا، شارۋالارى «فرەش ماركەت» فەرمەرلىك گاسترونومىنىڭ اۋلاسىندا قولجەتىمدى باعامەن ٴوز ونىمدەرىن حالىققا ۇسىندى.

ٴۇرجارلىق ونەرپازدار وبلىس تۇرعىندارىنا تارتۋ رەتىندە "تاۋەلسىزدىگىم - ماڭگىلىك" اتتى جاڭا باعدارلامامەن كەلىپتى.

انشىلەردىڭ اۋەلەتكەن اندەرى كوبىندە پاتريوتتىق باعىتتا ورىندالدى. گالا-كونسەرتتە ٴۇرجار اۋداندىق مادەنيەت ٴۇيىنىڭ "كوڭىل تولقىنى" حالىق اسپاپتار وركەسترى، "بارقىتبەل"، "اققۋ سازى" قازاق فولكلورلىق انسامبلدەرى ٴوز ونەرلەرىمەن كورەرمەن كوڭىلىنەن ورىن تاپقانى ٴسوزسىز. بيىل عانا قۇرىلعان "دارابوز" ەتنوگرافيالىق توبى مەن "ٴىنجۋ-مارجان" فولكلورلىق ٴان-بي ٴانسامبلىنىڭ تۇساۋكەسەرلەرى دە وسى كۇنگە ساي كەلىپتى. ەل تاۋەلسىزدىگىنىڭ 20 جىلدىعى، جەلتوقسان وقيعاسىنىڭ 30 جىلدىعى، سەمەي پوليگونىنىڭ جابىلۋىنىڭ 25 جىلدىعى كونسەرتتىك باعدارلامادان تىس قالعان جوق.

كونسەرتتىڭ باعدارلاماسىن جاساپ شىققان قازاقستاننىڭ مادەنيەت قايراتكەرى جانات زامانبەكقىزى ونەرپازداردىڭ ۇلكەن دايىندىقپەن كەلگەنىن ايتتى. راس، از عانا ۋاقىتتىڭ ىشىندە ٴۇرجاردىڭ باي مادەني مۇراسى مەن انشى-بيشىلەردىڭ ونەرلەرى بىردەن كورىندى.

ەرتەسىندە وسكەمەندىكتەر ٴۇرجارلىقتاردىڭ ۇسىنعان ونىمدەرىن الۋعا اسىقتى. جارمەڭكەنى وبلىس اكىمىنىڭ ورىنباسارى دۇيسەنعازى مۋسين ارالاپ شىعىپ، اتقارىلىپ جاتقان شارۋاعا وڭ باعاسىن بەردى. «فرەش ماركەت» فەرمەرلىك گاسترونومىنىڭ اۋلاسىندا ٴوتىپ جاتقان جارمەڭكەدەن وسكەمەن جۇرتى عانا ەمەس، قالا قوناقتارى دا قالماۋعا تىرىسادى. اۋىلدان جەتكەن جاس ەت، كوكونىس، ٴسۇت ونىمدەرى اركىمنىڭ سۇرانىسىنا يە. ونىڭ ۇستىنە باعاسى دا اناعۇرلىم ارزان. ەت 950-1000 تەڭگەدەن ساتىلسا، بال 900 تەڭگەدەن قويىلدى. جارمەڭكەگە جالپى 1 توننا جىلقى ەتى، 8 توننا سيىر، 2،5 توننا قوي ەتى اكەلىندى. سونىمەن قاتار، 8 توننا كارتوپ، 5 توننا ورامجاپىراق، 4 توننا ٴسابىز، 2 توننا بالىق جەتكىزىلدى. ال 20 توننا قاربىز تۇسكە دەيىن بىرەۋى قالماي ٴوتىپ كەتتى.

مەرەي قاينار ۇلى

didar-gazeti.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي