USD 335.71 EUR 357.36 RUB 5.23
استانا:

ۇلت ساياساتى-تۇراقتىلىق كەپىلى

فوتو: РЕСПУБЛИКАЛЫҚ ТАНЫМДЫҚ ПОРТАЛЫ

پرەزيدەنت كۇنى مەرەكەسىن اتاپ ٴوتۋ الەمنىڭ وركەنيەتتى ەلدەرىندە بۇرىننان قالىپتاسقان ٴداستۇر. قازاقستاندا دا سوڭعى جىلدارى ەلىمىزدىڭ تۇڭعىش پرەزيدەنتى كۇنى مەرەكەسىنىڭ اتالىپ ٴوتۋى حالىقتىڭ كەڭ قولداۋىنا يە بولۋدا. ويتكەنى، تاۋەلسىزدىكتىڭ 25 جىلىندا قازاقستاندى وركەندەتۋدە ەلباسىنىڭ اتقارعان ەڭبەكتەرى وراسان. «ىنتىماق بار جەردى ىرىس مەكەندەيدى»- دەيدى ناقىل سوزدە. ەڭ باستىسى ەل پرەزيدەنتى نۇرسۇلتان ٴابىش ۇلى نازاربايەۆتىڭ ۇلت ساياساتىنداعى ۇستانعان جولى مەن باعدارلاماسى قازاقستانداعى تۇراقتىلىقتىڭ كەپىلى بولىپ كەلەدى.اركىمنىڭ ورتاق وتانىمەن قاتار ٴوزىنىڭ جۇرەگىنە ىستىق كىشى وتانى بار. مەن ٴۇشىن سول كىشى وتانىم وزىمە ۇزاق جىلداردان بەرى تاۋى دا، تاسى دا، ورمان سۋى دا، ازاماتتارى دا ەتەنە جاقىن بولىپ كەتكەن نارىنقول اۋىلى. اۋداندا ۇزاق جىل ورمان شارۋاشىلىعىن باسقارىپ، بۇل ولكەنىڭ سۇلۋلىعى مەن ۇلىلىعىنا ابدەن ٴتانتى بولعان ازاماتپىن.

سونىمەن قاتار اۋداننىڭ ٴار اۋىلىندا دا قۇشاعىمدى ايقارا اشىپ، ساعىنىسىپ كورىسەتىن زامانداستارىم، باۋىرداي، دوستاي بولىپ كەتكەن سىرلاستارىم بار. ەلباسىنىڭ سارابدال ۇلت ساياساتىنىڭ ناتيجەسىندە قازاقستاندا تۇراتىن ٴاربىر ۇلت تا ٴوزارا باۋىر، تۋىستاي ٴومىر سۇرۋدە. مىسالى، گەرمانياعا قونىس اۋدارعان ٴبىر نەمىس ايەلىنىڭ تاريحي وتانىنا ۇيرەنە الماي قايتادان تۋىپ-وسكەن سەمەي وڭىرىنە جەتكەندە قۋانىشتان «اينالايىن، قازاق دالاسى!» -دەگەنىن تەلەديدارداعى سۇحباتىنان ەستىگەن ەدىم. الدەبىر جۇمىسپەن سىرتقا ٴىس-ساپارعا شىعىپ ورالسام، اۋداننىڭ شەكاراسىنا جەتكەندە مەنىڭ دە جۇرەگىمنىڭ تۇپكىرىندە وسىنداي ٴبىر جىلى سەزىم تۋلاپ جاتادى. ەلباسى اتاپ وتكەندەي، ٴاربىر ازامات «قازاقستان –مەنىڭ وتانىم، مەنىڭ ەلىم» دەگەن ۇراننىڭ ماڭايىنا توپتاسسا، تابىسىمىز دا مولايا بەرمەك. ەلباسىمىزدىڭ باستاماسىمەن قولعا الىنعان ٴبىرتۇتاس رۋحاني، مادەني بايلانىستارىمىز جالعاسا بەرسىن. تۇڭعىش پرەزيدەنت كۇنى مەرەكەسى قۇتتى بولسىن، جەرلەستەر!

ۆيكتور بۋحانسوۆ، ەڭبەك ارداگەرى، نارىنقول اۋىلى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي