USD 335.71 EUR 357.36 RUB 5.23
استانا:

تۇعىرى مىقتى تاۋەلسىز ەلدىڭ تۇڭعىش پرەزيدەنتى

بارشا ۇلتتى باۋىرىنا باسقان باۋىرمال قازاق حالقى بىرەۋدى ارتىق، بىرەۋدى كەم دەپ كورمەگەن. تاتۋلىق پەن دوستىقتا تۇرۋدى ەجەلدەن سەرىك ەتكەن. قازاقستان - ٴوز ۇلتى، حالقى، ٴدىنى، ٴتىلى، مادەنيەتى، تاريحى، ٴسالت-داستۇرى بار قۇدىرەتتى ەل. قازاققا ٴتان اتا-بابالارىمىزدان قالعان ار-نامىس، جىگەر-قايرات، قايتپاس قانات مۇرا رەتىندە كەلەشەك ۇرپاققا دەيىن جەتكەن. تاريحقا ۇڭىلە وتىرىپ: «كەشە كىم ەدىك، بۇگىن كىمبىز، ەرتەڭ كىم بولامىز؟» - دەپ ويلانساق، بۇل - تۋعان ەلىنىڭ، حالقىنىڭ وتكەنى مەن كەلەشەگىنە كوز جىبەرگەن ٴاربىر ازاماتتىڭ جۇرەك تۇكپىرىندەگى ٴسوزى. قازاق ەلى تاۋەلسىز بولسا دەگەن ارمان ۇشقىن شاشسا، بۇگىنگى تاڭدا قازاقستان رەسپۋبليكاسى قازاق ەلىنىڭ سوڭعى جيىرما بەس جىل تۇتقاسىن ۇستاپ، تۋىن كوتەرگەن تۇرلاۋلى دا تۇعىرلى تۇلعاسى – تۇڭعىش پرەزيدەنتىمىز ن.ٴا.نازاربايەۆتىڭ باسشىلىعىمەن الەم مويىنداعان، جاھانعا اتى جەتكەن مەملەكەتكە اينالدى.

ۇلى دالانىڭ تاعدىر-تاريحىن بارلىق دەم تىنىسىمەن ٴتۇسىنىپ، ەلىنىڭ ەندىگى تاريحىن سول ۇلىلار رۋحىندا ودان ٴارى جاڭعىرتا، جاسارتا الىپ كەتەتىن ەر، كوزسىز باتىر، تاپ-تازا ار - نامىستان جارالعان قايتپاس-قايسار قايراتكەر، ەلىن باسقارىپ، قوس باتىردىڭ ٴىسىن ىستەي الاتىنداي ەرەكشە تۇلعانى تاپ باسىپ تاڭداپ، تاعدىرىن قولىنا بەرگەنىندە جازا باسىپ جاڭىلعان جوق ەدى. نۇرسۇلتان ٴابىش ۇلى — جەر بەتىنە ٴسوزىن وتكىزىپ وتىرعان بۇگىنگى زاماننىڭ كورنەكتى ساياساتكەرى، قازاقستاننىڭ تاۋەلسىز مەملە- كەتىن قۇرۋدىڭ باسىندا تۇرعان، وسى جولداعى نە قيلى تار جول، تايعاق كەشۋدى حالقىمەن بىرگە ٴوتىپ، قيىنشىلىقتارىن بولىسكەن، بۇگىندە الەم مويىنداپ وتىرعان جاڭا مەملەكەتتى قالىپتاستىرعان، وعان جاڭا استانا جاساپ، جاڭا قالا تۇرعىزعان، قازىرگى ەلدى يندۋستريالاندىرۋدىڭ جاڭا جوباسىن ومىرگە كەلتىرىپ، بولاشاققا باعىتتاپ بارا جاتقان ۇلى تۇلعا، ٴتورت قۇبىلانى تۇگەندەپ، كەمەل ويلى، كەمەڭگەر اتا-بابالارىمىزدىڭ جولىمەن جۇرگەن، قاسيەت دارىعان قايراتكەر.

تاريحتىڭ تاعدىر-تالايى شەشۋشى ساتىندە مەملەكەت باسىنا كەلىپ، شەكسىز ۇلتجاندىلىقپەن رۋح بيىكتىگىن كورسەتىپ، ەلىن ورلەۋ مەن گۇلدەنۋ جولىنا ٴتۇسىرىپ، ىركىلمەي باستاپ كەلە جاتقان ىزگى جان تۋرالى جىلى لەبىزدەردى كوپتەپ كەلتىرۋگە بولادى. سونىڭ ٴبىرى 2015 جىلى قازاق حالقىنا جاريالاعان «ۇلت جوسپارى – 100 ناقتى قادام» بۇل جاھاندىق جانە ىشكى سىن-قاتەرلەرگە جاۋاپ جانە سونىمەن ٴبىر مەزگىلدە، جاڭا تاريحي جاعدايلاردا ۇلتتىڭ دامىعان مەملەكەتتەردىڭ وتىزدىعىنا كىرۋ جونىندەگى جوسپارى. «100 ناقتى قادام» ەلىمىزگە «2050-ستراتەگياسىن» جۇزەگە اسىرۋ مەن قازاقستان مەملەكەتتىلىگىن نىعايتۋعا، جولدان اداسپاۋعا، كۇردەلى كەزەڭنەن سەنىمدى وتۋگە جاعداي تۋعىزاتىن بەرىكتىك قورىن جاساپ بەرەتىن بولادى. جوسپارلاردىڭ نەگىزگى ماقساتى «اۋرۋلاردىڭ سىرتقى بەلگىلەرىن» سىلاپ-سيپاپ قويۋ ەمەس، ولاردى «جۇيەلى ەمدەۋ» بولىپ تابىلاتىن قوعام مەن مەملەكەتتى تۇبەگەيلى قايتا وزگەرتۋگە نەگىز قالايدى. پرەزيدەنت بولامىن دەگەن كىسى اقىلى مەن قايراتىن، جىگەرىن، ٴىرى ساياساتكەر تالانتىمەن، ەل باسقارۋ ىسىندەگى مول تاجىريبەسىمەن ۇشتا- ستىرا وتىرىپ، ەلدىڭ بىرلىگى، حالىقتىڭ تىنىشتىعى، مەملەكەتتىڭ تاۋەلسىزدىگى مەن قادىر-قاسيەتىنىڭ ارتۋى ٴۇشىن ەڭبەك ەتۋى شارت. نۇرسۇلتان نازاربايەۆ بۇل شارتتاردان مۇدىرمەي ٴوتتى، ول ەلدىڭ، مەملەكەتتىڭ اقىل-ويىن بايىتۋعا، ابىرويىن اسىرۋعا، ار - وجدانىن ارداقتاۋعا قىزمەت ەتتى جانە قىزمەت ەتىپ كەلەدى.

ماسەلەن، قازاقستان رەسپۋبليكاسى ەلباسى ن.ٴا.نازاربايەۆتىڭ سارا باسشىلىعىمەن دەموكراتيالىق قۇندىلىقتاردى قۇرمەتتەۋ، اشىق قوعام قۇرۋ، ادام قۇقىن قورعاۋ مەن ٴسوز بوستاندىعىن وركەنيەت ورىسىنە ساي قامتاماسىز ەتۋ سالالارىندا اۋىز تولتىرىپ ايتارلىقتاي تابىستارعا جەتتى. ەلىمىزدىڭ ەكونوميكاسىن كوتەرىپ، حالقىمىزدىڭ ٴال-اۋقا- تىن ارتتىرۋ، ساياسي رەفورمالار جۇرگىزىپ، باسقارۋدىڭ ٴتيىمدى تەتىك- تەرىن قالىپتاستىرۋ باعىتتارىندا دا قوماقتى شارۋالار اتقارىلدى. رەسپۋبليكامىز قازىرگە دەيىن ٴبىرقاتار حالىقارالىق اۋقىمدى شارالارعا باستاماشى بولىپ ۇلگەردى. الەمدىك، وڭىرلىك دەڭگەيدەگى قۇرىلىمداردى ومىرگە اكەلۋدىڭ كوش باسىندا ٴجۇردى. ەل ىشىندەگى ەتنوسارالىق تاتۋلىق پەن ٴدىنارالىق كەلىسىم ۇدەرىستەرى وزگەلەرگە ۇلگى ەتەرلىكتەي دارەجەگە كوتەرىلدى.

دۇنيەجۇزىلىك، ايماقتىق قاۋىپسىزدىكتى قامتاماسىز ەتۋ سالاسىنداعى كۇش-جىگەرىمىز دە حالىقارالىق قوعامداستىق تاراپىنان وڭ باعالانىپ كەلەدى. جەر شارىنىڭ كوپتەگەن مەملەكەتتەرىمەن تەك دوستىق، ىنتىماقتاستىق تۇرعىسىندا قارىم-قاتىناس ورناتتىق. كەڭەس وكىمەتىنىڭ قۇلاعان سارايىن كۇرەپ تاستاپ، اتا-بابامىزدىڭ اقبوز ٴۇيىن تىگە قويۋ وڭاي بولعان جوق. ەلباسى ەگەمەندىگىمىزدىڭ العاشقى كۇنىنەن باستاپ، جاتسا-تۇرسا ويلايتىنى دا، ايتاتىنى دا كوپۇلتتى ەلىمىزدىڭ تىنىشتىعى مەن بىرلىگىن ساقتاپ قالۋ بولدى. حالىقتى اشتىققا، جالاڭاشتىققا ۇرىندىرماي، قيىن وتكەلدەن الىپ شىعۋىنىڭ بىردەن-بىر جولى — شەتەلدەردىڭ قارجىسىن قازاقستاننىڭ ەكونوميكاسىن وركەندەتۋگە جۇمساۋ، ٴوزىمىزدىڭ تەڭگەمىزدى تۇراقتاندىرۋ، دامىعان ەلدەرمەن بايلانىس جاساپ، جەر بەتىندە قازاقستان اتتى مەملەكەتتىڭ بارىن تانىتۋ بولدى. وتپەلى كەزەڭ قيىنشىلىقتى بولعانمەن، مەملەكەتتىڭ الدىنداعى وزەكتى ماسەلەلەردە ەلباسى بىردەن-بىر باياندى باعىت ۇستاندى. مەملەكەتتىڭ قوعامدىق-ساياسي احۋالىنىڭ تۇراقتىلىعىن قالىپتاستىرۋدا بۇرىن-سوڭدى بولماعان جەتىستىككە جەتتى. جاڭا باسقارۋ جۇيەسى، ونىڭ باسقارۋشى، باقىلاۋشى جانە اتقارۋشى ورگاندارى مەن ينستيتۋتتارى قۇرىلدى. قازاق ەلىنىڭ تەرريتوريالىق تۇتاستىعىنىڭ، ٴبىرتۇتاس مەملەكەتتىگىنىڭ زاڭدى نەگىزى قالاندى. ەل ەگەمەندىگىن الىسىمەن، بۇۇ- عا مۇشە ەتىپ ەنگىزدى. قازاقستان وسى كۇننەن باستاپ جانە جەر جۇزىندەگى جۇزدەن استام ەل تانىعان ەگەمەن ەل بولدى. پرەزيدەنتىمىزدىڭ ەل تاۋەلسىزدى- گىنەن كەيىن ەڭ ٴبىر باتىل، شەشىمى - استانانى اقمولاعا كوشىرۋى.

قايدا جۇرسە دە، كىندىك كەسىپ، كىر جۋعان تۋعان جەرىن ويلاعان ازامات ونىڭ ەرتەڭگى ٴومىرىن دە قامداپ ويلايدى. استانانى الاتاۋدىڭ باۋىرىنان ارقاعا اۋىستىرۋ وڭايعا تۇسكەن جوق. ارقا توسىنە قونىس اۋدارعان ەلورداعا باق پەن داۋلەت تىلەگەن ەلباسى: «بۇل بولاشاعىمىزعا كەرەك، قىزىعىن كەلەر ۇرپاقتار كورەدى»،- دەگەن بولاتىن. بۇگىندە ٴار قازاقتىڭ جۇرەگىندە وتانسۇيگىشتىك دەگەن ۇلى سەزىم ۇلعايا ٴتۇستى، كوڭىلگە قونىپ، تامىرى تەرەڭ «بايتەرەكتەي» شارتاراپقا قۇلاش جايدى. قازاق حالقىنىڭ ساناسىنا استانا بىرلىگىمىز بەن تىرشىلىگىمىزدىڭ ايشىقتى بەلگىسى - سيمۆولى بولىپ قالىپتاستى. «استانا - تاۋەلسىزدىك تاق-تۇعىرى، بار قازاق ارمان جولىن باسقارادى» - دەسەك، شىن مانىندە، استانا ۇلتىمىزدىڭ، مەملەكەتىمىزدىڭ مىزعىماس تاق-تۇعىرىنا اينالدى. ٴار مەملەكەتتىڭ استاناسى — ونى بيىكتەرگە باستايتىن باسپالداعى، بەدەلى مەن بەرەكەسىنىڭ دىڭگەگى.

استانا ٴار قازاقتىڭ جۇرەك تۇكپىرىنەن ورىن الاتىن كيەلى مەكەن. استانانىڭ سيمۆولى – «بايتەرەك» مونۋمەنتىن بۇگىندە كوپتەگەن مەملەكەتتەردىڭ ازاماتتارى بىلەدى. پرەزيدەنتتىڭ ايتۋىنشا، بۇل قۇرىلىستىڭ ٴمانى ٴۇش نەگىزگى فيلوسوفيالىق قۇرىلىمدى بىلدىرەدى: جەر، ٴومىر جانە اسپان. سارىارقا تورىنەن ۇلتتىعىمىزعا ۇلى شاڭىراق كوتەرۋ – تۇڭعىش پرەزيدەنتىمىزدىڭ كەمەڭگەرلىگى، كورەگەندىگى. ٴبىزدىڭ پرەزيدەنتىمىزدى دۇنيەجۇزى تانيدى جانە ونى ٴوز باۋىرىنداي، دوسىنداي، اقىلشىسىنداي، ٴتىپتى وزدەرىنىڭ باسشىسىنداي كورەتىنىن ماقتان تۇتامىن. ەلباسى ۇلىتاۋ وڭىرىندە ٴارقاشان ۇمىتپاي، ەلىمىزدىڭ كيەسى جانە كىندىگى قاسيەتتى ۇلىتاۋعا كەلىپ تاعزىم ەتۋدى دە ەستەن شىعارمايدى. ەلباسى ٴومىرى مەن قىزمەتى ەلى مەن جەرى، ونىڭ بولاشاق دامۋىنا ارنالعان. ەلباسىنىڭ دەنساۋلىعى، مىقتى بولىپ تاۋەلسىز ەلىمىزدىڭ مارتەبەسى بيىك بولعاي!

ە.كەنجەعالي، ۇلىتاۋ اۋدانى پروكۋراتۋراسىنىڭ ٴىس جۇرگىزۋشىسى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي