USD 334.48 EUR 355.62 RUB 5.25
استانا:

"شاكەن" اتاۋى قايدان شىقتى؟

اتتىڭ جالى، تۇيەنىڭ قومىندا عۇمىر كەشكەن بابالارىمىز باسىنان وتكەرگەن ساتتەردى ۇرپاعىنا تاريح قىلىپ قالدىرعانى بەلگىلى. سونىڭ اسەرىنەن ٴاربىر قونىس پەن قىستاۋ اتاۋىنىڭ وزىندىك دەرەگى قالىپتاسقانىن ەشكىم جوققا شىعارا المايدى. اۋداننىڭ سولتۇستىك بەتكەيىندە، قاراقۇم وڭىرىندە ورنالاسقان شاكەن ٴدال وسىنداي قىزىقتى شەجىرەسى بار ەلدى مەكەن سانالادى. ەل ىشىندەگى دەرەككە جۇگىنسەك، اۋىلدىڭ اتالۋى قۇتتىق رۋىنان تاراعان شاكەن دەگەن باي كىسىنىڭ ەسىمىمەن تىعىز بايلانىستى. ٴدال وسى جەردە اتاقتى بايدىڭ قيساپسىز مالىن سۋاراتىن، تەرەڭنەن ونەتىن، سۋ كوزى ەشقاشان ازاي- مايتىن قۇدىعى بولىپتى دەسەدى. ەل اعالارىنىڭ ايتۋىنشا، قۇدىق 1951 جىلى قازىلعان-دى. سودان بەرگى ۋاقىتتا حالىقتىڭ يگىلىگىنە جاراپ كەلەدى ەكەن.

داۋلەتى اسقان شاكەن قىس مەزگىلىندە سىر بويىن قىستاسا، كۇن جىلىنىسىمەن قۇدىقتىڭ ماڭىن جايلايتىنعا ۇقسايدى. شاكەن مەن تاپەن اعايىندى ادامدار بولسا، شاكەن ۇلكەنى. وسىناۋ قۇت قونعان بەرەكەلى جەرگە العاشقىدا توڭىرەكتەگى مالشىلار قونىستانسا، كەيىن ىرگەلى اۋىلعا اينالدى. كەيىننەن وسى جەردى قونىستانعان جۇرتشىلىق بايدىڭ قۇدىعىن ٴوز قاجەتتەرىنە پايدالانىپتى. «شولدەن قۇدىق قازعان مول ساۋاپ ارقالايدى» دەگەن بار. شاكەننىڭ اتىنىڭ ۇرپاقتان-ۇرپاققا جالعاسۋىنىڭ سىرى وسىندا جاتسا كەرەك. شاكەنگە قاراستى ٴشيلى بولىمشەسى اۋىل- دان جيىرما شاقىرىم قاشىقتىقتا ورنالاسقان. اتالۋىنىڭ ٴوزى اڭعارتىپ تۇرعانداي بۇل جەردە ۋاقىتىندا شي قالىڭ ٴوسىپتى. وسىندا قونىستانعان مالشىلار قاۋىمى كيىز ۇيگە شي سۋىرىپ، توقىپ يگىلىكتەرىنە جاراتقان. ال بەرىرەكتەگى ٴشولقۇم بولسا، اتىنا ساي ٴشولدى، جال-جال قۇمدا شوعىرلان قونىس. ناقتى كەزەڭدە شاكەن اۋىلىندا №134 ورتا مەكتەپ، مەكتەپ جانىنداعى ينتەرنات، اۋىلدىق ەمحانا، كلۋب، كىتاپحانا، جىلجىمالى پوشتا بولىمشەسى، باسقا دا حالىققا قىزمەت كورسەتۋ ورىندارى جۇمىس جاسايدى. جۋىردا اۋىل ورتالىعىنان كوپشىلىكتىڭ جۇمىلۋىمەن اسار ٴتاسىلى ارقىلى مەشىت سالىنىپ، پايدالانۋعا بەرىلدى. بارشاعا يماندىلىق نۇرىن سەبەتىن ٴۇي سىر وڭىرىنە ەسىمى كەڭىنەن ٴمالىم، ەل ىشىنە «قارامولدا» دەگەن اتپەن تانىلعان ەمشى ٴارى اۋليە ال-مۇحاممەد قالدىباي ۇلىنىڭ ەسىمىن يەلەندى.

دايىنداعان: ەسەت تابىنبايەۆ.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي