USD 336.23 EUR 360.3 RUB 5.28
استانا:

نۇرلان قاشاقباي ۇلى ٴپىرىموۆ: تاريفتەر نەگىزسىز وزگەرمەيدى

- نۇرلان قاشاقباي ۇلى، قاراپايىم حالىقتىڭ قالتاسىنا اجەپتاۋىر سالماق تۇسىرەتىن كوممۋنالدىق قىزمەتتەردىڭ باعاسىنا توقتالساڭىز...

- اعىمداعى جىلدا رەتتەلىپ كورسەتىلەتىن كوممۋنالدىق قىزمەتتەردىڭ تاريفتەرى، نەگىزىنەن 2015 جىلداعى قولدانىستاعى تاريفتەردىڭ دەڭگەيىندە وزگەرىسسىز قالدى. 2016 جىلى دەپارتامەنتكە 29 ٴوتىنىم ٴتۇسىپ، ولاردىڭ 20-نا ۇسىنىلعان قۇجاتتارى بەلگىلەنگەن تالاپتارعا سايكەس ەمەستىگىنە بايلانىستى قاراۋدان باس تارتىلدى، 4 - سۋبەكتى وزدەرى قايتارىپ الدى، ال 1 ٴوتىنىم - قارالۋدا، 4 سۋبەكتىنىڭ تاريفتەرى بەكىتىلدى.

اتاپ ايتقاندا، ۇزاق مەرزىمدى كەزەڭگە: - «تەمىرجولسۋ-قىزىلوردا» جشس-نە سۋدى تاراتۋشى جەلىلەر ارقىلى بەرۋ قىزمەتى بويىنشا ۇزاق مەرزىمدى كەزەڭگە ٴتاريفى بەكىتىلدى. ورتاشا بوساتۋ ٴتاريفى 1 تەكشە مەترگە ققس-سىز 284 تەڭگە 57 تيىندى قۇرادى نەمەسە ۋسىنىلعان ولشەمنەن 53،2 پايىزعا تومەن; - «وركەن-سىرداريا» جشس- نە سۋمەن جابدىقتاۋ قىزمەتىنە، ياعني ورتاشا بوساتۋ ٴتاريفى 1 تەكشە مەترگە ققس-سىز 262 تەڭگە 64 تيىندى قۇرادى نەمەسە ۇسىنىلعان ولشەمنەن 41،4 %-عا تومەن; - «شيەلى-ەنەرگوسەرۆيس» جشس-نە ەلەكتر ەنەرگياسىن بەرۋ جانە ٴبولۋ قىزمەتىنە، ياعني ٴتاريفى 1 تەكشە مەترگە ققس-سىز 3 تەڭگە 53 تيىندى قۇرادى نەمەسە ۋسىنىلعان ولشەمنەن 12،8 %-عا تومەن وڭايلاتىلعان تارتىپپەن: - قازالى اۋدانىندا قىزمەت كورسەتەتىن «قازالى-تەمىرجول- جىلۋ» مكك-نى «قىزىلوردا- جىلۋەلەكترورتالىعى» مكك-نىڭ فيليالىنا جىلۋ ەنەرگياسىن ٴوندىرۋ، بەرۋ، ٴبولۋ جانە جابدىقتاۋ قىزمەتتەرىنە ورتاشا بوساتۋ ٴتاريفىن 1 گكال-عا ققس- سىز 10803،40 تەڭگەدەن 9473،59 تەڭگەگە دەيىن تومەندەتىپ تاريف بەكىتتى نەمەسە قولدانىستاعى ورتاشا بوساتۋ تاريفىمەن سالىستىرىلعاندا 15،6 پايىزعا، ونىڭ ىشىندە تۇتىنۋشىلار توپتارى بويىنشا: حالىققا - 1905،80 تەڭگە نەمەسە 20 پايىزعا، بيۋدجەتتىك، تاراپتى ۇيىمدار جانە تەمىرجول مەكەمەلەرى ٴۇشىن - 13055،41 تەڭگە نەمەسە 17،5 پايىزعا تومەندەتىلىپ بەكىتىلدى. ٴتاريفتىڭ تومەندەۋىنىڭ نەگىزگى سەبەبى مەكەمە بۋ قازاندىقتارىنىڭ قاتتى وتىننان (مازۋت) ەكونوميكالىق جاعىنان ٴتيىمدى وتىن ٴتۇرى - تابيعي گازعا كوشۋى بولىپ وتىر.

سونىمەن قاتار، اعىمداعى جىلدىڭ 18 ساۋىرىنەن باستاپ ٴبىزدىڭ ايماقتا ەلەكترمەن جابدىقتاۋ قىزمەتىنىڭ باعالارى وزگەردى. باعالاردىڭ وزگەرۋىنىڭ نەگىزگى سەبەپتەرى: جەرگىلىكتى ەنەرگيا كوزدەرىنىڭ ساتىپ الىناتىن ەلەكتر ەنەرگياسى قۋنىنىڭ ٴوسۋى- «قىزىلورداجىلۋەلەكتر- ورتالىعى» مكك-دا- 14 پايىزعا دەيىن، «كەگوك» اق-نىڭ جەلىلەرى ارقىلى ەلەكتر ەنەرگياسىن تاسىمالداۋ ٴتاريفىنىڭ 7 پايىزعا دەيىن، «قازاقستان تەمىرجولى» ۇلتتىق كومپانياسى اق-نىڭ - 72،4 پايىزعا دەيىن، «قىزىلوردا ەلەكتر تاراتۋ توراپتارى كومپانياسى» اق-نىڭ - 30 پايىزعا دەيىن، «كەگوك» اق-نىڭ ەلەكتر- ەنەرگيانىڭ ٴوندىرۋ- تۇتىنۋىن تەڭگەرىمدەۋ بويىنشا قىزمەتىنىڭ - 1،2 پايىزعا دەيىن، قۋاتتىلىقتى رەتتەۋ قىزمەتىنىڭ - 79،5 پايىزعا دەيىن وزگەرۋىنەن بولدى. دەپارتامەنتپەن جۇرگىزىلگەن ساراپتامانىڭ ناتيجەسىندە ەلەكتر ەنەرگياسى تاريفتەرىنىڭ ۇسىنىلعان 18 پايىزدان 26،1 پايىزعا دەيىنگى جوباسى تومەندەتىلىپ، ورنىنا 13 پايىز- دان 16،8 پايىزعا دەيىن وزگەردى.

ال، ەجۇ (ەلەكتر ەنەرگيانى جابدىقتاۋ بويىنشا شىعىندار) ۇستەمە اقىسى بۇرىنعى قولدانىستاعى دەڭگەيدە وزگەرىسسىز قالدىرىلدى (ۇلەسى - 3،5 پايىز). تاريفتەردى بەكىتۋ بويىنشا وتىنىمدەردى قاراۋ ناتيجەسىندە ۇسىنىلعان جوبالىق تاريفتەر دەڭگەيى بەكىتىلگەن تاريفتەرمەن سالىستىرعاندا ەكونوميكالىك تيىمدىلىك سوماسى جالپى 643 ملن.تەڭگەنى قۇرادى، ياعني وسىنداي قارجى تۇتىنۋشىلاردىڭ قالتاسىندا قالدى. دەپارتامەنت جۋمىسىنىڭ ٴبىرى - تابيعي مونوپوليا سۋبەكتىلەرىنىڭ قىزمەتىنە تۇراقتى باقىلاۋ جۇرگىزۋ، ەگەر دە سۋبەكت تاريفتىك سمەتانى ورىنداماعان جاعدايدا، سۋبەكتىنىڭ يگەرىلمەگەن قاراجاتى تۇتىنۋشىلارعا ۋاقىتشا وتەمدىك تاريفتەردى بەلگىلەۋ ارقىلى قايتارىلادى. دەپارتامەنتپەن 2015 جىلعى تاريفتىك سمەتالاردىڭ جانە ينۆەستيسيالىق مىندەتتەمەلەردىڭ ورىندالۋىنا تالداۋ جۇرگىزىلىپ، قورىتىندىسى بويىنشا 23 سۋبەكتىگە 42 ۋاقىتشا وتەمدىك تاريفتەر ەنگىزىلۋ ارقىلى تۇتىنۋشىلارعا 970 ملن.تەڭگەدەي قارجى قايتارىلدى.

2015-2016 جىلدارعا جىلىتۋ كەزەڭىندە سىرتقى اۋانىڭ ناقتى تەمپەراتۋراسىڭ ەسەپكە الا وتىرىپ جىلۋمەن جابدىقتاۋ قىزمەتى قۋنى قايتا ەسەپتەلدى جانە قورىتىندىسى بويىنشا 3 سۋبەكتىگە جالپى سوماسى 94 ملن.تەڭگەگە قايتا ەسەپتەۋ جۇرگىزۋ ٴۇشىن نۇسقاما ەنگىزىلدى. «قىزىلوردا ەلەكتر تاراتۋ توراپتارى كومپانياسى» اق-نىڭ 2015 جىل بويىنشا الىنعان ينۆەستيسيالىق مىندەتتەمەلەرىن ورىنداماعانى ٴۇشىن ٴتاريفى اعىمداعى جىلدىڭ 1 شىلدەسىنەن 4 تەڭگە 93 تيىننان 4 تەڭگە 86 تيىنعا دەيىن تومەندەتىلدى. وسىعان وراي، دەپارتامەنت ەلەكتر ەنەرگياسىمەن جابدىقتاۋشى ۇيىمداردىڭ قولدانىستاعى ەلەكتر ەنەرگياسىنىڭ باعالارى 8 تيىنعا دەيىن تومەندەتىلدى.

اتاپ ايتقاندا، 2016 جىلدىڭ 1 شىلدەسىنەن باستاپ ەلەكتر ەنەرگياسىمەن جابدىقتاۋشى ۋيىمداردىڭ ورتاشا بوساتۋ باعالارى 1 كۆت.ساعاتقا ققس-مەڭ: «ەنەرگوسەرۆيس» ەجشس - 18 تەڭگە 75 تيىننان 18 تەڭگە 67 تيىنعا; «شيەلى جارىعى» جشس - 19 تەڭگە 16 تيىننان 19 تەڭگە 8 تيىڭعا; «داۋلەتەنەرگو» جشس - 20 تەڭگە 22 تيىننان 20 تەڭگە 14 تيىنعا تومەندەدى. تيىسىنشە سارالانعان تاريفتەردە تومەندەتىلىپ ەسەپتەلىندى. قازىرگى كەزدە، «قازسۋشار» رەسپۋبليكالىق مەملەكەتتىك كاسىپورنىنىڭ «ارال» سالىنىپ جاتقان كاسىپورىنداردىڭ بىرلەسكەن ديرەكسياسى فيليالىنىڭ جاڭا وبەكتىلەردىڭ تەڭگەرىمىنە قابىلدانۋىنا بايلانىستى سۋدى ماگيسترالدىق قۇبىرلار جانە تاراتۋشى جەلىلەر ارقىلى بەرۋ قىزمەتىنە ۇزاق مەرزىمدى كەزەڭگە بەرگەن وتىنىمدەرى دەپارتامەنتپەن قارالۋدا. ەگەردە، ايماعىمىزدا توتەنشە فاكتورلار ورىن الماسا، 2017 جىلى دا رەتتەلەتىن كوممۋنالدىق قىزمەتتەردىڭ تاريفتەرى قولداڭىستاعى تاريفتەردىڭ دەڭگەيىندە قالاتىن بولادى.

رەتتەلەتىن كوممۋنالدىق قىزمەتتەرگە تاريفتەردىڭ بارلىق وزگەرىستەرى ينفلياسيانىڭ جوسپارلانعان ٴدالىزىن ەسكەرۋىمەن جۇزەگە اسادى، تاريفتەردىڭ نەگىزسىز وزگەرۋىنە جول بەرىلمەيدى.

- اۋىز سۋدىڭ باعاسى اۋەلى كوتەرىلدى، ٴبىرشاما ۋاقىتتان سوڭ قايتا ٴتۇستى. سەبەبىن ٴتۇسىندىرىڭىزشى، نەگە قىمباتتادى، نەگە ارزاندادى؟

- 2015 جىلدىڭ 1 قاراشاسىنان باستاپ “قىزىلوردا سۋ جۇيەسى” مكك-نا سۋمەن جابدىقتاۋ قىزمەتىنە 2015-2019 جىلدارعا ۇزاق مەرزىمدى كەزەڭگە مەكەمە قارجىسىنىڭ جانە ەۋروپا قايتا قۇرۋ جانە دامۋ بانكىسىنىڭ 4 ملرد. تەڭگە نەسيە قارجىسىنا ينۆەستيسيالىق مىندەتتەمەلەردىڭ قابىلدانۋى ەسكەرىلىپ، ٴتاريفتىڭ شەكتى دەڭگەيلەرى بەكىتىلدى. الايدا، 2015 جىلدىڭ قورىتىندىسى بويىنشا تاريفتىك سمەتالارىنىڭ ورىندالۋىنا جۇرگىزىلگەن تالداۋ ناتيجەسىندە دەپارتامەنتپەن ۋاقىتشا وتەمدىك تاريفتەر ەنگىزىلىپ، “قىزىلوردا سۋ جۇيەسى” مكك-نىڭ 1 تەكشە مەترگە سۋدى تاراتۋشى جەلىلەر ارقىلى بەرۋ قىزمەتىنە تۋرعىندار ٴۇشىن ققس-مەن 60،84 تەڭگە نەمەسە بەكىتىلگەن تاريفپەن سالىستىرعاندا 1،2 پايىزعا جانە 1 تەكشە مەتر سارقىندى سۋ بۇرۋ، تازارتۋ قىزمەتىنە تۇرعىندار ٴۇشىن ققس-مەن 63،26 تەڭگە نەمەسە بەكىتىلگەن تاريفپەن سالىستىرعاندا 3،9 پايىزعا تومەندەتىلدى.

- ٴسوزدىڭ ٴتۇيىنىن ايتساق، قىزىلوردا - قىمبات قالا ما؟

- بۇل ٴۇشىن بىزدەگى تاريفتەردى باسقا وبلىستاردىڭ قولدانىستاعى تاريفتەرىمەن سالىستىرايىق: قىزىلوردا قالاسى بويىنشا كوممۋنالدىق قىزمەتتەردىڭ قولدانىستاعى تاريفتەرى رەسپۋبليكانىڭ باسقا اۋماقتارىمەن سالىستىرعاندا ورتاشا دەڭگەيدە. مىسالى، قىزىلوردا قالاسى بويىنشا سۋمەن جابدىقتاۋ قىزمەتى تۇرعىندار ٴۇشىن 1 تەكشە مەترگە ققس-مەڭ 60 تەڭگە 84 تيىندى قۇرايدى، ول رەسپۋبليكا بويىنشا 10 وبلىستان تومەن. (ماڭعىستاۋ - 324 تەڭگە 25 تيىن، اتىراۋ - 113 تەڭگە 49 تيىن، اقتوبە - 74 تەڭگە 23 تيىن، قاراعاندى - 110 تەڭگە 26 تيىن، اقمولا - 70 تەڭگە 93 تيىن، قوستاناي - 78 تەڭگە 21 تيىن، سولتۇستىك قازاقستان - 76 تەڭگە 2 تيىن، جامبىل - 118 تەڭگە 8 تيىن، وڭتۇستىك قازاقستان- 77تەڭگە 17تيىن، الماتى وبلىسى - 68 تەڭگە 9 تيىن). ال، 1 ادامنىڭ بەكىتىلگەن نورماعا سايكەس (6،083م3) اۋىز سۋعا ايىنا تولەيتىنى - 370 تەڭگە 9 تيىن، بۇل 13 وبلىستىڭ تولەمىنەن از. (اتىراۋ - 1139 تەڭگە 10 تيىن، الماتى قالاسى - 466 تەڭگە 70 تيىن، استانا قالاسى - 379 تەڭگە 24 تيىن، قاراعاندى - 474 تەڭگە 12 تيىن، اقمولا - 409 تەڭگە 97 تيىن، قوستاناي - 422 تەڭگە 33 تيىن، پاۆلودار - 401 تەڭگە 86 تيىن، سولتۇستىك قازاقستان - 578 تەڭگە 6 تيىن، جامبىل - 1005 تەڭگە 10 تيىن، وڭتۇستىك قازاقستان - 818 تەڭگە، باتىس قازاقستان - 405 تەڭگە، الماتى وبلىسى - 465 تەڭگە 74 تيىن، شىعىس قازاقستان - 422 تەڭگە 3 تيىن). لاس سۋدى ايداۋ قىزمەتى تۇرعىندار ٴۇشىن 1 تەكشە مەترگە 63 تەڭگە 26 تيىندى قۇرايدى، ياعني 4 وڭىردەن تومەن. (قاراعاندى - 96 تەڭگە 41 تيىن، قوستاناي - 65 تەڭگە 53 تيىن، سولتۇستىك قازاقستان - 66 تەڭگە 9 تيىن، الماتى وبلىسى - 72 تەڭگە 27 تيىن). ٴار ادامنىڭ نورماعا سايكەس (6،083م3) لاس سۋدى ايداۋ قىزمەتىنە قىزىلوردادا 384 تەڭگە 81 تيىندى تولەيدى، بۇل سۋمما 7 وبلىستىڭ كورسەتكىشىنەن از. (اتىراۋ - 393 تەڭگە 45 تيىن، اقتوبە - 480 تەڭگە 1 تيىن، قاراعاندى - 721 تەڭگە 47 تيىن، قوستاناي - 589 تەڭگە 77 تيىن، سولتۇستىك قازاقستان - 502 تەڭگە 55 تيىن، باتىس قازاقستان - 421 تەڭگە 76 تيىن، شىعىس قازاقستان - 656 تەڭگە 96 تيىن). جىلۋمەن جابدىقتاۋ قىزمەتى بويىنشا تۇرعىنداردىڭ 1 شارشى مەترگە تولەيتىن 89 تەڭگە 47 تيىڭ تولەماقىسى باسقا ايماقتارمەن سالىستىرعاندا تومەندىگى جاعىنان 13 ورىندا تۇر. (اتىراۋ - 131 تەڭگە، اقتوبە - 119 تەڭگە 42 تيىن، قاراعاندى - 149 تەڭگە 16 تيىن، اقمولا - 130 تەڭگە، قوستاناي - 192 تەڭگە 38 تيىن، سولتۇستىك قازاقستان - 95 تەڭگە 30 تيىن، جامبىل - 106 تەڭگە 94 تيىن، وڭتۇستىك قازاقستان - 109 تەڭگە 67 تيىن، باتىس قازاقستان - 140 تەڭگە 52 تيىن، الماتى وبلىسى - 111 تەڭگە 33 تيىن جانە استانا - 104 تەڭگە 82 تيىن، الماتى قالاسى - 145 تەڭگە 63 تيىن). ەنەرگيامەن جابدىقتاۋ قىزمەتى بويىنشا تۇرعىنداردىڭ ساعاتىنا 1 كۆت-قا ورتاشا تولەيتىن 17،10 تەڭگە تولەماقىسى باسقا ايماقتارمەن سالىستىرعاندا تومەندىگى جاعىنان 4 ورىندى الىپ وتىر. (الماتى قالاسى - 18 تەڭگە 3 تيىن، قوستاناي - 17 تەڭگە 58 تيىن، باتىس قازاقستان - 17 تەڭگە 63 تيىن).

- سۇحباتىڭىزعا راحمەت!

دايىنداعان گ.ماعلۇمقىزى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي