USD 335.61 EUR 361.32 RUB 5.26
استانا:

نۇرسۇلتان بولاشاقتا ەلباسى جايلى كىتاپ شىعارۋدى ارماندايدى

قازاقستاندى ٴۇزىلىسسىز باسقارىپ كەلە جاتقان پرەزيدەنت نۇرسۇلتان نازاربايەۆتىڭ قۇرمەتىنە 1991 جىلدان بەرى قازاقستان بويىنشا 30 مىڭنان استام ادامنىڭ ەسىمى نۇرسۇلتان دەپ قويىلعان ەكەن.

ٴبىزدىڭ اۋدانىمىزدا دا 270-كە تارتا ازاماتتارعا نۇرسۇلتان ەسىمى قويىلعان. سولاردىڭ ٴبىرى 1995 جىلى تۋىلعان ەرمەكوۆ نۇرسۇلتان تۋعانباي ۇلى.

ول بۇگىنگى تاڭدا م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىندە ٴبىلىم الۋدا. ٴوزىنىڭ ەسىمى ەلباسىنا ىرىمدالىپ قويعانىن ماقتان تۇتاتىن نۇرسۇلتان بۇگىنگى كۇننىڭ وزىندە ەل اۋزىندا جۇرگەن ازامات. ٴوزىنىڭ ەرەكشە داۋىسىمەن، تاپقىرلىعى جانە ىزدەنۋىنىڭ ارقاسىندا توپ الدىندا ٴسوز تاۋىپ، شەشەندىكتى جانىنا سەرىك ەتىپ ٴجۇر. ونىڭ مەكتەپ جاسىندا جۇرگەن كەزىنىڭ وزىندە-اق «ساعىنىش سامالى» اتتى كىتابى جارىققا شىققان. م.اۋەزوۆ اتىنداعى مەكتەپ-گيمنازياسىنىڭ تۇلەگى، ٴتورت پەرزەنتتىڭ اراسىندا وسكەن جاس جىگىتتىڭ بويىندا وتانسۇيگىش قاسيەت بار. ونى وتتاي جايناعان ەكى كوزىنەن، كۇلىمدەپ، ۇلكەنگە قۇرمەتپەن ٴتىل قاتقان سوزىنەن-اق اڭعارۋعا بولادى. اناسى ايگۇل دە ۇلىنىڭ كەلەشەگىنەن ۇلكەن ٴۇمىت كۇتەدى. جاستايىنان ەلباسىنىڭ ٴاربىر سارابدال ىستەرىن كورىپ، كوڭىلگە ٴتۇيىپ وسكەن جىگىت پرەزيدەنت جايلى وننان اسا ماقالا، شىعارمالار جازسا، شابىتتانىپ جازعان جىرلارىنا سان جەتپەيدى. بولاشاقتا ەلباسى جايلى كىتاپ شىعارىپ، ٴوز قولىمەن ٴوزى قاسيەت تۇتقان پرەزيدەنتكە اپارىپ بەرگىسى كەلەتىنىن ٴسوز اراسىندا ايتىپ قالعان نۇرسۇلتانعا ٴبىز دە ارمانىڭ ورىندالسىن دەگەن ىزگى نيەتىمىزدى جەتكىزدىك.

بەتتى دايىنداعان: داريحا ۇمبەتياروۆا، «سارىسۋ»

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي