USD 334.89 EUR 361.61 RUB 5.28
استانا:

مادەنيەتتىڭ مايەگى – مادەنيەت ۇيىنە 40 جىل

ەلباسى ن.نازاربايەۆ «ٴبىزدىڭ الدىمىزدا ەل بولاشاعىن سەنىپ تاپسىراتىن، ٴتول مادەنيەتىن جاقسى بىلەتىن، تۋعان تاريحىن سۇيەتىن ەستيار ۇرپاق دايىنداۋ مىندەتى تۇر» دەگەن بولاتىن. وسى مىندەتتى تار جولدان تايماي، ٴوز جۇمىسىن اتقارىپ كەلەتىن اۋداندىق مادەنيەت ٴۇيىنىڭ جانە اۋداندىق ورتالىقتاندىرىلعان كىتاپحانا جۇيەسىنىڭ 40 جىلدىق تويى تاۋەلسىزدىكتىڭ 25 جىلدىعىمەن تۇسپا-تۇس كەلىپ، دۇيسەنبىدە اتاپ ٴوتتى. كەز-كەلگەن ەل ونەرىمەن، مادەنيەتىمەن تىنىلىپ، باعالاناتىنى انىق. وسىناۋ ونجىلدىقتىڭ تورتەۋىن ارتقا سالعان مادەنيەت وشاعىنىڭ وسى جىلدار ارالىعىنداعى جەتكەن جەتىستىگىمەن قوسا، رۋحاني وسۋىندە دە وزگەگە ۇقسامايتىن وزگەشە سيپاتى بار. ەرەكشە ارلەنىپ، اسپەتتەلگەن ساحنادا مەرەيلى مەرەكەگە ارنالعان سالتانات شاعىن قويىلىممەن اشىلدى. ۇلكەن كيەلى ساحنامەن سىرلاسقان «دارىن» جاستار تەاترىنىڭ مۇشەسى قىمبات قۋانتايەۆا، سىرتىنان قاراعاندا داڭعاراداي عيماراتتىڭ ىشىنە بۇككەنى، كوپ جىلدان بەرى جيعان ويى مەن سوزىنە قۇلاق ٴتۇردى. ول عيماراتتىڭ بيىك ىرگەلەرىمەن، ساحناداعى جىلدار بويى بارىنە كۋا بولىپ كەلەتىن ۇلكەن جاپقىشتارمەن، ٴتىپتى ورىندىقتارمەن ۇندەسىپ، ولارعا ٴتىل ٴبىتتى. تالايدىڭ تالانتىنا كۋا بولعان ونەردىڭ قارا شاڭىراققا اياق باسقان جۇلدىزدار، ەلىمىزگە ەڭبەگى سىڭگەن مادەنيەت قايراتكەرلەرى، وبلىستا ويىپ ورىن الار ونەرپازدار، ونەر جولىنا جاڭا كەلگەن جاس تالانتتار دا تەك قانا وسى قاسيەتتى ساحناعا ايان ەدى. ال تالاي زاماننىڭ كۋاگەرىمەن مۇڭداس، سىرلاس بولعان كىتاپتارعا تولى سورەلەر، حالىققا رۋحاني ازىق بەرىپ، ٴومىردىڭ ٴمانىن تۇسىنۋگە جەتەلەگەن كەزدەرى دە از بولمادى. 1976 جىلى اۋدان جۇرتشىلىعىنا ەسىگىن ايقارا اشقان بۇل ادەمى جانە بيىك سارايدىڭ قابىرعاسىندا 40 جىلدا قانشاما ادام ەڭبەك ەتتى. وسى كۇنى ولاردىڭ ەسىمدەرى دە ايرىقشا اتالدى. ولار، ارداگەرلەر – ف.م.شا- كيروۆ، ر.ا.ەرداۋلەتوۆا، ن.د.بارت، ا.ك.يابلۋنوۆسكيي، ر.ح.باۋن، ي.ە.ميحەل، ت.ۆ.نەستەرەنكو، ز.ۆ.شارتون، گ.ي.تىششەنكو، ل.ۆ.تاراسوۆا، ۆ.ي.- بەسپالكو، ۆ.ن.بەسپالكولاردىڭ ەسىمدەرى ەرەكشە ىقىلاسپەن اتالىپ، قانداي اۋىر بولماسىن ۋاقىتقا باعىنباي، مادەنيەتتىڭ دامۋىنا جەڭ سىبانا ۇلەس قوسقاندارى ايتىلدى. ٴقازىر مادەنيەت ٴۇيىنىڭ ديرەكتورى جاس ٴارى بەلسەندى جانار الجانوۆانىڭ قاراماعىندا ٴوزى سەكىلدى جاس تالانتتار، ماماندار ەڭبەك ەتۋدە. سول جىلى وبلىستا العاش بوپ مارتوك اۋدانى كىتاپحاناشىلارىنىڭ بەلسەندى قاتىسۋىمەن كىتاپحا- نالاردىڭ جاپپاي ورتالىقتاندىرىلۋى قولعا الىنىپ، ونىڭ قۇرامىندا 32 كىتاپحانا جانە اۋداندىق ور- تالىق، بالالار كىتاپحانالارى بولدى. بۇل باعىتتا دا جۇيەلى جۇمىس اتقارعان، ٴوز ىسىنە بەرىلگەن، قانشاما بالعىندارعا كىتاپ سىرىن تۇسىندىرگەن كىتاپحاناشىلار دا اتالدى. ولاردىڭ قاتارىندا س.ب.تابانوۆا، ە.ۆ.پتاشنيك، ۆ.ن.پروكوپوۆا، ج.س.نۋرتازينا، م.ق.يمانالينا، گ.ي.دەنگا، ر.ي.- شەۆچەنكو، ز.ۆ.دۋشكو، ل.ي.بويكو، ە.ب.ونيسكوۆا، گ.ايتكۋلوۆالار. بۇگىندە اتالعان جۇيەنى ۇزاق جىلدار بويى ٴومىرىن وسى سالاعا ارناپ كەلەتىن نازىمگۇل نۋرتازينا شەبەرلىكپەن باسقارىپ كەلەدى. تاجىريبەلى ماماندار دا بارشىلىق. وسىنداي بايتەرەكتەي الىپ، سان تاراۋلى تامىرى تەرەڭ مەكەمەنىڭ ارداگەرلەرى مەن قىزمەتكەرلەرىن اۋدان اكىمىنىڭ ورىنباسارى باعجان تىلەگەنوۆ قۇتتىقتاپ: - بۇگىنگى تاۋەلسىزدىكتىڭ 25 جىلدىعىنا وراي وتكىزىلىپ وتىرعان 40 جىلدىق مەرەيلى مەرەكە قۇتتى بولسىن. اۋدان مادەنيەتىن كوتەرۋگە اتسالىسىپ كەلەتىن قوس ۇجىمعا ٴارقاشان دا ۇزدىكتەر قاتارىنان كورىنە بەرسىن دەمەكپىن. دۋماندى كۇندەر كوپ بولعاي، - دەي كەلە، عاسىرلار بويى اتادان بالاعا ميراس بولعان مادەنيەتىمىزدى جاس ۇرپاققا جەتكىزۋ جولىنداعى ەلەۋلى ەڭبەكتەرى ٴۇشىن اۋدان اكىمىنىڭ العىس حاتىمەن ا.ك.يابلۋنوۆسكييدى، م.د.تادجەنلۆتى، ر.ج.ٴرابينوۆيچتى، ە.ب.ٴارتىستى، ع.ن.بەكوۆانى، ل.ۆ.شالايەۆانى، ا.س- .بايساگيزوۆانى، ل.ي.ۆولكوۆانى، ا.ب.ۋمبەتوۆانى ماراپاتتادى. كەلەسى بوپ مەرەكەمەن وبلىستىق حالىق شىعارماشىلىق ٴۇيىنىڭ ٴبولىم مەڭگەرۋشىسى گۇلنار رومانوۆا دا اق تىلەگىن ارناي وتىرىپ، اقتوبە وبلىسىنىڭ مادەنيەت، ارحيۆتەر جانە قۇجاتتاما باسقارماسى باسشىسى ق.ايتبايەۆتىڭ العىس حاتىن الماگۇل كنيازبايەۆا، روللان سەرىكبايەۆ، گۇلميرا ٴتاجىباي، ادىلبەك مۇقانوۆتارعا تابىس ەتتى. مەرەكەنىڭ ٴسانىن ونەردىڭ ورەسى بيىك، ايدىنى كەڭ اۋدانىمىزدىڭ ونەرپازدارى مەن وبلىستىق فيلارمونيا ونەرپازدارىنىڭ كونسەرتتىك باعدار لاماسى كەلتىردى. ساحنا تورىندە قازاقتىڭ قۋانىشى مەن مۇڭىن قوس ىشەگىنە سىيعىزعان قارا دومبىرا كۇمبىرلەپ، كۇي توگىلىپ، تەرمە مەن ارناۋ تىڭدالدى.

جەز تاڭداي انشىلەرىمىز ادىلەت كۇزەمبايەۆ، گۇلميرا ٴتاجىباي، فيلارمونيا انشىلەرى گۇلحان مەن ەركەبۇلان قۇماروۆ، امانعوس تابىنشايەۆتىڭ جەتەكشىلىگىمەن جاس دومبىراشىلار انمەن وراپ، كۇيگە بولەدى. ال ادىلبەك مۇقانوۆتىڭ ورىنداۋىنداعى مارتوك گيمنى كوپشىلىكتى تۋعان جەرىن ماقتان ەتۋگە ىقىلاستاندىرا ٴتسۇتى. رايسا ەرداۋلەتوۆا، ارداگەر: - ٴوزىمىز تالاي جىلدار ەڭبەك ٴسىڭىرىپ كەتكەن مادەنيەت ٴۇيىنىڭ جىلدىعانا كەلىپ وتىرمىز. عاسىرعا جۋىقتاعان مەرزىم ىشىندە قىزمەت جاساعاندار از بولمادى. مەن 1964 جىلدان بەرى وسى اۋداننىڭ مادەنيەت سالاسىندا قىزمەت اتقاردىم. 1976 جىلى توعىز جىل بويى سالىنىپ، اشىلعان عيما- رات بولدى. كىتاپحانادان ەڭبەك جولىمدى باستاپ، جاڭا مادەنيەت ٴۇيىنىڭ كىلتىن قولىنا العان فاريد مۇحامەدزيانوۆيچتىڭ قاراماعىندا 20 جىل ىستەدىم. بۇرىننان دوستىق پەن بىرلىكتى تۋ ەتكەن اۋداندا ۇلتقا بولىنبەي، يىق تىرەسىپ، ٴبىراز قيىندىقتاردى دا ەڭسەردىك. «ٴۇيىڭدى تاستان قورشاما، دوسپەن قورشا» دەپ قازاق ايتپاقشى، ٴبىر كىسىنىڭ بالاسىنداي جۇمىلا جۇمىس جاسادىق. ول كەزدە وڭاي بولعان جوق. وبلىستا وسى مادەنيەت ٴۇيى ەڭ العاشقى تولقىنىنىڭ باسىندا جۇردىك. وسى جەردە تىرعان ارداگەرلەر كۋا، كىتاپحانا نەمەسە مادەنيەت دەپ بولمەي، بىرلەسە وتىرىپ، بارلىق سسەنارييلەردى جاساعان كىتاپحانا بولدى. انشىلەردى تابۋ، كونسەرت قويۋ دا قازىرگىندەي وڭاي بولعان جوق. ٴبىر يدەيامەن العا جىلجىپ وتىردىق. قازىرگى زاماندا ارينە بارلىعى وزگەشە. اۋدان دامىپ، اتالعان سالا دا قاتار ٴوسىپ، وركەندەدى. بۇگىنگى ۇجىمعا شىعارماشىلىق تابىس، بيىك بەلەستەردى تىلەيمىن.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي