USD 334.89 EUR 361.61 RUB 5.28
استانا:

قىزىلوردا - قازاقستانداعى ەڭ ٴقاۋىپسىز قالا

فوتو: Новости - Информ-Вест

olx ونلاين حابارلاندىرۋلار قىزمەتى تۇتىنۋشى­لارىنان وزدەرى تۇراتىن قالانىڭ قاۋىپسىزدىك جاعدايىن باعالاۋدى سۇراپ، ساۋالناما جاريالاپ، 13 مىڭ ساۋال­نا­ماعا قاتىسۋشىلاردىڭ جاۋاپتارىن سارالاي كەلىپ، وسىنداي قورىتىندى جاساعان. رەيتينگ 10 دەڭگەي بويىنشا سارالانىپ، 1-دەن 7 باللعا دەيىن باعالانعان. بۇل رەتتە قالانىڭ قاۋىپسىزدىگى، تازالىعى، ساۋدا-ساتتىق، كولىك ينفراقۇرىلىمدارىنىڭ جاي-كۇيى، سپورتتىق، بالا­لار ويىن الاڭدارىمەن قامتىلۋى، كوممۋنالدىق قىزمەت ساپاسى، قورشاعان ورتانىڭ لاستانۋ دەڭگەيى، ٴتىپتى «كورشىلەردىڭ كەڭپەيىلدىلىگى» دەگەن جاعداي دا نازارعا الىنعان. وسىنداي دا وسىنداي جاعداي بويىنشا كەي تۇستا ىلگەرى، كەي تۇستا قالىس دەگەندەي جاي-كۇيمەن قالا­مىز ٴبىرىنشى ورىنعا شىعىپ تۇر ەكەن. دەگەنمەن، 7 باللدىق كورسەتكىشتەن ەداۋىر تومەن 4،8 بالل كورسەتكەن. قىزىل­وردادان كەيىنگى ورىندى قوستاناي يەلەنگەن، ونىڭ كورسەتكىشى 4،7 بالل. كوكشەتاۋ، اتىراۋ، اقتاۋ 4،6 باللدىق باعاعا يە بولعان. شىمكەنت، ورال قالالارى 4،5 بالل، تالدىقورعان، پاۆلودار 4،3 بالل يەلەنگەن. ەلوردا­مىز دا ەلىمىزدەگى ٴقاۋىپسىز قالالار بەستىگىنە ەنگەن، باعاسى 4،3 بالل. ال اسەم قالا الماتىمىز بۇل رەيتينگ بويىنشا تومەن 3،7 بالل العان.

وسى ورايدا اتاپ وتەرلىگى، الماتى قالاسى الەم قالالارىن 39 كورسەتكىش بويىنشا باعالايتىن بەدەلدى، حالىق­ارالىق ٴqualىty of ٴlىvىng survey رەي­تينگى بويىنشا دا 230 قالا اراسىندا 170 ورىندى يەلەنگەن ەكەن.

كومىرلى ٴوڭىر ەكىباستۇز دا ومىرگە اسا قولايلى ەمەس كورىنەدى، دەگەنمەن باعاسى ەكىدەن جوعارى 3،7 بالل. جارتى ميلليون جۇرتى بار قاراعاندى قالاسىنا تۇرعىندارى «تولىق» 4 قويىپتى، ياعني كورسەتكىش 4 بالل بول­عان. دەگەنمەن، قاراعاندى تۇرعىندا­رىنىڭ پىكىرى ەكىگە جارىلىپ، ٴبىر توبى «بىزدە ٴبارى جاقسى» دەگەن پىكىر بىلدىرسە، تاعى ٴبىر توبى «مۇلدەم ەشتەڭە قاناعاتتاندىرمايدى» دەگەن باعا بەرگەن.

نەگىزى، ۇلكەن قالالاردىڭ تۇر­عىندارى بارىنەن بۇرىن قالانىڭ كوركى مەن ينفراقۇرىلىمدىق قولاي­لىلىعىنا ٴمان بەرەدى ەكەن. تۇرعىن­داردى تۇنگى قالانىڭ جارىقتاندى­رىلۋى، جول ساپاسىمەن قابات قالا كوشەلەرىندەگى قوزعالىس قاۋىپسىزدىگى، جول ساقشىلارىنىڭ قىزمەتى ساپاسى دەگەندەي ماسەلەلەر الاڭداتادى. دەگەنمەن، تۇرعىندار باعامداۋى بويىنشا 20 قالانىڭ بىردە بىرەۋى ورتادان تومەن باعا الماعان. ياعني، «ٴۇش بار جەردە، كۇش بار» دەمەكشى، جالپى جاعداي ورتاشا، «قوڭىرتوبەل» دەسە دە بولعانداي. ال ەندى قىزىل­وردانىڭ وزىق كورسەتكىشىنە نەگىز بارشىلىق دەيمىز. ويتكەنى، كەيىنگى جىلدارى قىزىلوردانى قولايلى، ٴقاۋىپسىز قالا جاساۋ باعىتىندا ەداۋىر جۇمىستار جاسالىپ جاتقانى بەلگىلى. ۇلكەن اۋقىممەن جولدار جوندەلۋدە، اپاتتىق ۇيلەر ورنىنا جاڭادان ۇيلەر سالىنۋدا، بالالاردىڭ ويىن الاڭ­دارى دەگەن قالىپتى كورىنىسكە اينا­لۋدا، قالا تازالىعىنا قارايتىن تەحنيكالار سانى كوبەيدى، كوشەلەر كوپتەپ جارىقتاندىرىلۋدا، بەي­نەباقىلاۋ كامەرالارى دا بارشىلىق. ايالدامالار سالىنىپ، باعدارشامدار جاڭارتىلۋدا، جاڭا قوعامدىق كولىك­تەر قاتارى كوبەيتىلۋدە. ارينە، قالانىڭ كەي تۇستارىندا، نەگىزىنەن شەت ايماعىندا مۇنداي تۇرمىستىق يگىلىكتەردى ٴالى دە ارمان ەتىپ جۇرگەن تۇرعىندار دا جەتەرلىك. ايتسە دە «كوش جۇرە تۇزەلەدى» دەگەندەي، جاعدايدىڭ جىلدان-جىلعا جاقسارا تۇسكەنى انىق.

ال، ەندى «كورشىلەردىڭ كەڭپەيىل­دىلىگى» دەگەن كورسەتكىش تۇرعىسىنان قاراعاندا قىزىلوردا بۇكىل الەم قالالارى الدىنا شىعارى حاق. قازا­قى قالا قىزىلوردادا بۇل تاراپتا «ادام ادامعا دوس، باۋىر» قاعيداتى ساقتالعان دەسە دە بولادى. بىزدە كورشىمەن قاتىسپاۋ دەگەن نەكەن-ساياق جاعداي.

ج.ايماعانبەتوۆا

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي