USD 334.31 EUR 355.17 RUB 5.31
استانا:

قىزدارعا ەركىن جۇرگەن جاراسا ما؟

فوتو: Тоқтама.KZ

جاھاندانۋ جولىندا كەلە جاتقان ۇلتىمىز كۇن سايىن نەبىر سۇمدىق وقيعالاردىڭ كۋاسى بولۋدا. اسىرەسە، قالالى جەرلەردە قىزداردى زورلاۋ، ٴتىپتى سابيلەرگە زورلىق كورسەتۋ سياقتى جاعا ۇستاتاتىن جايتتاردى ەستىپ، كورىپ جاتامىز. وسىنىڭ بارلىعى ادامداردىڭ يمانسىزدىعىنان بولسا، ٴبىر جاعى قىزداردىڭ اشىق-شاشىق كيىنىپ، جالاڭاشتانۋىنان با دەپ تە ويلايسىڭ.

ويتكەنى، شاريعاتتا "ٴتانىڭدى وزگە ەركەكتەرگە كورسەتۋ ارقىلى ونى وزىڭە قاراتىپ، ٴناپسىسىن وياتۋ ارقىلى وزىڭە ەسەلەپ كۇنا جينايسىڭ" دەگەن عوي. ٴقازىر ٴدىن جولىنا تۇسكەن اپاي-سىڭلىلەرىمىز باستارىنا ورامال تاعىپ، ەتەكتەرىن جاۋىپ جۇرەدى. كورگەن كوز سۇيسىنەتىندەي. بۇل مەنىڭ جەكە پىكىرىم. بۇلارعا ايتىلاتىن قوعامدا كەرەعار پىكىرلەر دە بار. "جاپ-جاسسىڭ، نەسىنە باسىڭا ورامال تاعىپ ٴجۇرسىڭ؟" دەپ ايتاتىندار دا جوق ەمەس.

شاريعاتتىڭ وزىندە "ساقالدان ورامالدىڭ ۇكىمى جوعارى" دەلىنگەن. حالقىمىز "ٴبىرىنشى بايلىق - دەنساۋلىق، ەكىنشى بايلىق - اق جاۋلىق" دەگەن ٴسوزىنىڭ وزىندە اق جاۋلىقتىلارىمىز امان بولسىن، ەرتەڭگى ەلدىڭ كەلەشەگى سولار دەگەن ٴسوزدى استارلاعان عوي. ال، ٴقازىر قالاي بوپ كەتتى. جاس قىزدارىمىزدىڭ اراسىندا شاشتى جايىپ، اشىق-شاشىق كيىنۋ كەزدەسىپ جاتادى. ال، ەندى قاراڭىز، قىزدارىمىزعا قىسقا كيىم كيگىزىپ تايراڭداتامىز. ومىراۋلارىن اشىپ تويلارعا بارادى. وسىنىڭ بارلىعى كۇنا دەگەن ٴسوز ايتا-ايتا جاۋىر بولعانى بەلگىلى. قاراپايىم عانا مىسال، ەتتى اشىق تاستاپ كەتسەڭىز ساسىپ كەتە مە؟ ساسيدى. نە نارسە مۇسىلمان بولعاندىقتان جابىق ٴارى تازا بولۋى شارت. قىز بالالاردى دا سولاي ٴتانىن جاۋىپ جۇرۋگە ۇيرەتۋ ابزال سياقتى. "ەركىندىك" دەيمىز باتىسقا ەلىكتەپ. ونىڭ استارىندا دا ۇلكەن سۇمدىقتار جاتىر. "مەن قىزىمدى ەمىن-ەركىن تاربيەلەيمىن" دەگەن كوپتەگەن اتا-انالار بالالارىنان ايىرىلىپ قالعاندىعىن تەلەديداردان كوردىك. نەشە ٴتۇرلى اعىمداردىڭ جەتەگىنە ىلەسىپ، شەتەل اسىپ كەتە بارعان. مال ەكەش مالدىڭ ىشىندەگى ەركىندىكتى جاقسى كورەتىنى ەشكى بايقۇس. ەڭ الدىمەن قاسقىردىڭ اۋزىن مايلايتىن دا سول. ال، ەندى ويلاپ قاراڭىزشى، ەمىن-ەركىن وسكەن قىز بالا ەرتەڭگى كۇنى تۇنگى كلۋبتىڭ بيكەشىنە اينالىپ، اناشانىڭ قۇربانى بولماسىنا كىم كەپىل؟! سوندىقتان، قىز بالا بولعان سوڭ اشىق- شاشىق ٴجۇرۋدىڭ استارىندا نە جاتقانىن ۇققان شىعارمىز. ۇلتقا جانى اشىعان ادام ٴبىرىنشى قىزدارىنىڭ ەتەگىن قىمتاعانى ابزال. قازاق "قىزىڭ جامان بولسا، جەتى اتاڭنىڭ بەتىنە شىركەۋ بولار" دەگەن ٴسوزدى ويدان شىعارماسا كەرەك.

ماقپال ماراتقىزى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي