USD 336.23 EUR 360.3 RUB 5.28
استانا:

قازاق-تۇرىك ليسەيلەرى ەندى بيل اتاۋىن يەلەنۋى مۇمكىن

قازاقستان مەن تۇركيا اراسىنداعى ٴبىلىم بەرۋ سالاسىنداعى ەكىجاقتى ىنتىماقتاستىقتى دامىتۋ ماقساتىندا ەكى ەل پرەزيدەنتتەرىنىڭ تىكەلەي قولداۋىمەن قۇرىلعان «katev» حالىقارالىق قوعامدىق قورى قازاق-تۇرىك ليسەيلەرىنىڭ اتاۋىن «ٴبىلىم-يننوۆاسيا ليسەيى» دەپ اتاۋ تۋرالى ۇسىنىس جاسادى، دەپ حابارلايدى قازاقپارات.

«قور باسشىلىعىنىڭ (قوردىڭ قۇرىلتايشىلار كەڭەسى مەن قوردىڭ عىلىمي-ادىستەمەلىك كەڭەسى)، قتل ٴبىلىم الۋشىلارىنىڭ اتا-انالار قاۋىمداستىعى، ليسەي ديرەكتورلارىنىڭ شەشىمىمەن قتل اتاۋىنا «رەبرەندينگ» جاساۋ، ياعني ٴبىلىم بەرۋ ۇيىمىنىڭ قوعامداعى ورنى مەن مارتەبەسىن جايلى جايعاستىرۋ ماقساتىندا اتىن اۋىستىرۋدى، جانە دە ونى قازاقستان رەسپۋبليكاسى تاۋەلسىزدىگىنىڭ 25 جىلدىق مەرەيتويىنا ورايلاستىرىپ، اتاۋىن «ٴبىلىم-يننوۆاسيا ليسەيى» دەپ وزگەرتۋ تۋرالى باستاما كوتەرىپ وتىر»،-دەپ حابارلانعان قوردىڭ ٴباسپاسوز قىزمەتى تاراتقان اقپاراتتا.
قوردىڭ ٴباسپاسوز قىزمەتى تاراتقان اقپاراتقا سۇيەنسەك، قر پرەمەر-مينيسترىنىڭ ورىنباسارى يمانعالي تاسماعامبەتوۆ قوردىڭ قامقورشىلىق كەڭەسىنىڭ ٴتوراعاسى بولىپ، ال قر ٴبىلىم جانە عىلىم ٴمينيسترى ەرلان ساعاديەۆ اتالعان كەڭەستىڭ مۇشەسى اتانعان ەكەن.
ايتا كەتەيىك، ٴقازىر «katev» حقق باسقارۋىندا 27 مەملەكەتتىك قازاق-تۇرىك ليسەيى بار. قور قازاقستان رەسپۋبليكاسى زاڭناماسىنا، حالىقارالىق نورمالارعا، سونداي-اق، قۇرىلتايشىلار اراسىنداعى جارعى ەرەجەلەرىنە سايكەس قىزمەت اتقارادى. قوردىڭ قۇرىلتايشىلار قۇرامى ٴۇش ادامنان تۇرادى، بارلىعى قازاقستان رەسپۋبليكاسىنىڭ ازاماتتارى. قازاق-تۇرىك ليسەيلەرى وسى 24 جىل بويى ەلىمىزدىڭ ٴبىلىم بەرۋ سالاسىن جاڭا ساپالىق دەڭگەيگە كوتەرۋ تۇرعىسىندا، ونى حالىقارالىق ارەنادا ابىرويمەن اتقارىپ كەلەدى.
ليسەي وقۋشىلارىنىڭ 2015-2016 وقۋ جىلى جەتكەن جەتىستىكتەرى:
حالىقارالىق پاندىك وليمپيادالار - 129;
حالىقارالىق عىلىمي جوبا جارىستارى - 238;
رەسپۋبليكالىق پاندىك وليمپيادا - 253
رەسپۋبليكالىق عىلىمي جوبا جارىستارى - 62.
ال، الدىڭعى قاتارلى وقۋ ورىندارىنا ٴتۇسۋ بويىنشا 2015-2016 وقۋ جىلىندا قر جوو-ىنا (گرانتتار) 821 تۇلەك تۇسكەن. نازاربايەۆ ۋنيۆەرسيتەتىنە - 148، تمد جانە الىس شەت ەلدەردىڭ جوو - 267 ٴبىتىرۋشى قابىلدانعان.

kyzylorda-news.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي