USD 335.61 EUR 361.32 RUB 5.26
استانا:

قازاقستاندىقتار قونىس تويىن تويلادى

بايعانين اۋدانىنداعى قازاقستان اۋىلىنىڭ تۇرعىندارى قونىس تويىن تويلادى. “بولاشاعى جوق” اۋىلدان اۋدان ورتالىعىنا كوشىپ كەلىپ جاتقان قازاقستاندىق التى وتباسىعا پاتەر كىلتىن اۋدان اكىمى مامىرعالي دوسقۇل ۇلى سالتاناتتى جاعدايدا تابىستادى. «جۇمىسپەن قامتۋ 2020» باعدارلاماسىنىڭ 3-باعىتى «ەڭبەك رەسۋرستارىنىڭ ۇتقىرلىعىن ارتتىرۋ» بويىنشا قازاقستان ەلدى مەكەنىنەن اۋدان ورتالىعىنا 6 وتباسى قونىس اۋداردى. سالتاناتتى شاراعا اقتوبە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى وتاروۆ قايرات ورىنباسار ۇلى قاتىستى.

بۇل كۇنى كۇننىڭ ىزعارىنا قاراماستان جاڭا ۇيلەردىڭ اۋلاسىندا كوڭىلدى اۋەن قوسىلىپ، جۇزىنەن قۋانىشتىڭ لەبى سەزىلگەن قازاقستان اۋىلىنىڭ بۇرىنعى تۇرعىندارىمەن ولاردىڭ قۋانىشىن بولىسۋگە كەلگەن اۋىلداستاردىڭ قاراسى كوپ بولدى. شارادا اۋدان اكىمى م.اققاعازوۆ جاڭا پاتەر يەلەرىن قۋانىشتارىمەن قۇتتىقتادى. رەسپۋبليكالىق بيۋدجەتتەن قاراۋىلكەلدى اۋىلىنداعى ەكى پاتەرلىك ٴتورت جالدامالى كوممۋنالدىق تۇرعىن ٴۇي قۇرىلىسىنا 47015089 مىڭ تەڭگە بولىنگەن. ارنايى كونكۋرستىڭ جەڭىمپازى اتانعان «ساق گرۋپپ» جشس - ٴى اعىمداعى جىلدىڭ قىركۇيەك ايىندا تۇرعىن ٴۇي قۇرىلىسىنىڭ مونتاجداۋ جۇمىسارىن تولىعىمەن اياقتاعان. نىساننىڭ سىرتقى ينجەنەرلىك جەلىلەر مەن اباتتاندىرۋ جۇمىستارىنا رەسپۋبليكالىق بيۋدجەتتەن 14132،911 مىڭ تەڭگە جەرگىلىكتى بيۋدجەتتەن 6974،000 تەڭگە ٴبولىنىپ قازان ايىندا قۇرىلىس تولىعىمەن اياقتالعان.

مەرەكە قارساڭىندا قاراۋىلكەلدى اۋىلدىق وكرۋگىنە قاراستى قازاقستان ەلدى مەكەنىنىڭ تۇرعىندارى اسقار ماديەۆ، وتەگەن تاناۋوۆ، نۇربولات قىدىربايەۆ، نۇرلان تۋرەحانوۆ، الپامىس باكتياروۆ، تۇرعالي تولەبايدىڭ وتباسىلارى اۋدان اكىمى م. اققاعازوۆتىڭ قولىنان پاتەر كىلتتەرىن الدى. سالتاناتتى راسىمدە قۋانىش يەلەرى اتىنان ٴسوز سويلەگەن تۇرعالي تولەباي ەلباسىنىڭ باستاماسىمەن جۇزەگە اسىرىلعان باعدارلامالار باسپانا الۋدا قاراپايىم تۇرعىندار ٴۇشىن تيىمدىلىگى زور ەكەنىن ايتىپ، اۋدان باسشىسى مەن «ساق گرۋپپ» ٴجشس-ى وكىلدەرىنە ەرەكشە ريزاشىلىعىن ٴبىلدىردى. لەنتا قييۋ راسىمىنەن كەيىن اۋدان اكىمى باستاعان توپ جاڭا پاتەرلەردىڭ ٴىشىن ارالاپ كوردى.

«جەم - ساعىز» اقپارات

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي