USD 335.71 EUR 357.36 RUB 5.23
استانا:

قاڭىلتىر شىعاراتىن كاسىپورىن ٴوندىرىس كولەمىن ۇلعايتپاق

«بيزنەستىڭ جول كارتاسى 2020» باعدارلاماسى ارقىلى اشىلعان كاسىپكەرلىك نىسان 1 جىل ىشىندە 100 توننا ٴونىم ٴوندىردى. ەندى كورسەتكىشتى 300 تونناعا جەتكىزۋدى كوزدەپ وتىر. قىزىلوردالىقتار پروفناستيل ونىمدەرىن، قاڭىلتىر قورشاۋلار مەن شاتىرلاردى نەگىزىنەن وزگە وڭىرلەردەن اكەلەدى، دەپ جازادى 24.kz سايتى.

سوندىقتان جەرگىلىكتى نارىقتا وعان سۇرانىس كوپ جانە باعاسى دا قىمباتتاۋ. وسى رەتتە سەمەنت ساتۋمەن اينالىسىپ جۇرگەن الەكساندر كيم مەتاللپروفيل باعىتىندا سەح اشۋعا بەل بۋادى. كاسىپكەر بيزنەس-جوسپارىن جۇزەگە اسىرۋ ٴۇشىن مەملەكەتتىك قولداۋعا يەك ارتتى.
الەكساندر كيم، كاسىپكەر:
- جوبامدى قارجىلاندىرۋ ٴۇشىن «دامۋ» قورى ارقىلى 92 ملن تەڭگە جەڭىلدەتىلگەن نەسيە الدىم. ٴقازىر سەحتا وزىمنەن بولەك 3 جۇمىسشى بار. قىزىلوردادا قۇرىلىس قارقىندى ٴجۇرىپ جاتىر جانە ٴونىمىمىز ساپالى بولعاندىقتان وعان سۇرانىس كوپ. ەندى جۋىردا تاعى 2 وندىرىستىك جەلىنى ىسكە قوسۋدى كوزدەپ وتىرمىز. جاڭاباي رىسبايەۆ جەكە بيزنەسىن 55 جاسىندا باستاپ وتىر. 30 جىل مەملەكەتتىك اۋرۋحانادا جۇرەك اقاۋلارىن ەمدەگەن دارىگەر بيىل كارديولوگيالىق كلينيكا اشتى. ايماقتاعى جالعىز جەكە كارديو-مەديسينالىق نىسان وزىق ۇلگىدەگى قوندىرعىلارمەن جابدىقتالعان. بۇل رەتتە دە «بجك-2020» باعدارلاماسى اياسىندا مەديسينالىق قۇرىلعىلاردى الۋعا قاجەت بولعان نەسيەنىڭ 85 پايىزى كەپىلدەندىرىلدى. جالپى كەپىل مۇلكى جەتىسپەۋشىلىگى ماسەلەسىن «دامۋ» قورى ارقىلى شەشكەن كاسىپكەرلەر قاتارى كوپ. سونىڭ ارقاسىندا جۋىردا نان مەن كونديتەرلىك جانە جارتىلاي دايىن ازىق-تۇلىك ونىمدەرىن شىعاراتىن كاسىپورىن ىسكە قوسىلدى.
- قازىرگى تاڭدا وندىرىستىك جەلىلەردى ىسكە قوستىق. قاجەتتى ناۋبايحاناشى، كونديتەر، ەت قاقتاۋشى سىندى مامانداردى بۇرىنعى ماماندىقتارىنا قاراماي ٴوزىمىز قايتا دايارلاپ جاتىرمىز. ازىق-تۇلىك ونىمدەرى ەشقانداي سينتەتيكالىق تالشىقتارسىز، دامدەۋىش قوسپالارسىز دايىندالادى. سوندىقتان بولار، كۇن ساناپ تۇتىنۋشى قاتارى كوبەيىپ كەلەدى. «بيزنەستىڭ جول كارتاسى 2020» باعدارلاماسى اياسىندا جىل باسىنان بەرى جالپى 50 سۋبسيديالاۋ كەلىسىم-شارت جاسالدى. كەپىلدەندىرۋ قۇرالىن پايدالانعان 30 جەكە كاسىپكەرلىك قۇرىلىمنىڭ ٴىسى ورگە باستى، - دەيدى باس تەحنولوگ اليونا رەيۆاح.
- 6 جىل ىشىندە «بجك-2020» باعدارلاما اياسىندا قىزىلوردا وبلىسى بويىنشا 373 كاسىپكەرلىك سۋبەكتىسى قولداۋ الىپ، سونىڭ ىشىندە 131 كاسىپكەر «دامۋ» قورىنىڭ كەپىلدەندىرۋ ينسترۋمەنتتەرىن قولداندى. مەملەكەت قولداۋ ارقاسىندا سىر بويىنىڭ باس شاھارى ينۆەستيسيا تارتۋ، قۇرىلىس قارقىنى جانە ايماق قازىناسىنا تۇسەتىن سالىق تولەمدەرى جونىنەن وڭ كورسەتكىشتەرگە يە. ٴبىر كەزدەرى تەك اۋىل شارۋاشىلىعىنا نەگىزدەلگەن ٴوڭىر بۇگىندە كاسىپكەرلىكتىڭ ٴتۇر-تۇرىن جانداندىرىپ وتىر، – دەيدى «دامۋ» كاسىپكەرلىكتى دامىتۋ قورى» اق ايماقتىق فيليالىنىڭ باس مەنەدجەرى انار قوجانيازوۆا.

kyzylorda-news.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي