USD 335.71 EUR 357.36 RUB 5.23
استانا:

قالالىقتار مادەنيەتىمەن ماقتانا الادى

اۋدان ورتالىعى مەن شۋ قالاسىندا وتكىزىلەتىن كوپتەگەن مادەني ٴىس-شارالاردىڭ لايىقتى وتۋىندە قالالىق مادەنيەت ٴۇيى قىزمەتكەرلەرىنىڭ دە وزىندىك ۇلەسى بار. بۇلاي ايتاتىن سەبەبىمىز، كوپ جاعدايدا اۋدان ورتالىعىندا وتەتىن مادەني شارالار جالعىز اۋداندىق گازەت – «شۋ ٴوڭىرى»-«شۋسكايا دولينا» گازەتىنىڭ بەتىنە ٴجيى جاريالانىپ، قالالىق مادەنيەت ٴۇيى قىزمەتكەرلەرىنىڭ اتقارعان ىستەرى مەن ەرەن ەڭبەكتەرى اۋداندىق دەڭگەيدەگى ٴىس-شارالاردىڭ كولەڭكەسىندە قالىپ قويىپ جاتادى. سوندىقتان، ٴبىز بۇل جولى قالالىق مادەنيەت ٴۇيى قىزمەتكەرلەرىنىڭ سوڭعى كەزدە اتقارعان مادەني شارالارىن كەڭىنەن ناسيحاتتاۋدى ٴجون كوردىك.

ەرماحان ازاماتوۆ باسشىلىق ەتىپ وتىرعان قالالىق مادەنيەت ٴۇيى قىزمەتكەرلەرى «ٴبىر جەڭنەن قول، ٴبىر جاعادان باس شىعارا وتىرىپ»، ٴار مەرەكەنى لايىقتى اتاپ ٴوتىپ، ودان بولەك ٴىس-شارالار جوسپارىنا ساي ٴتۇرلى كەزدەسۋلەر، دوڭگەلەك ۇستەلدەر، ادەبي كەشتەر وتكىزىپ، وسكەلەڭ ۇرپاقتىڭ ونەگەلى تاربيەسىنە ٴوز ۇلەستەرىن قوسۋدا. ٴار كەزەڭدە اتقارىلعان مادەني شارالاردىڭ وزىندىك ماڭىزدىلىعى بار. سولارعا قىسقاشا توقتالىپ وتەر بولساق، شۋ قالاسى «لوكوموتيۆ» سپورت كەشەنىندە «دەنساۋلىق فەستيۆالى-2016» شەڭبەرىندە «وتباسى – ٴبىزدىڭ الەمىمىز، ٴبىزدىڭ تىنىشتىعىمىز، ٴبىزدىڭ بولاشاعىمىز» ۇرانىمەن اكسيا، «الماس» گۋمانيتارلىق كوللەدجىندە قالالىق اكىمشىلىكتىڭ باس مامانى، ستۋدەنتتەر، مەشىت يمامىنىڭ قاتىسۋىمەن تەرروريزم مەن ەكسترەميزمگە قارسى «تەرروريزم مەن ەكسترەميزمگە جول جوق!» اتتى كەزدەسۋ كەشى، اۋىلدىق كلۋبتىڭ جازدىق الاڭىندا اۋىل جاستارى اراسىندا «تەرروريزم قوعامداعى ٴقاۋىپتى قۇبىلىس» اتتى فلەشموب، سىبايلاس جەمقورلىققا قارسى «سىبايلاس جەمقورلىقپەن كۇرەس - ورتاق پارىزىمىز»، اۋىلدىق كىتاپحانادا «جەمقورلىقپەن كۇرەس – ماڭىزدى ماسەلە» اتتى بالاباقشا تاربيەشىلەرى، كىتاپحاناشىلار، كلۋب قىزمەتكەرلەرىنىڭ قاتىسۋىمەن دوڭگەلەك ۇستەل وتكىزىلدى. وسىنداي مادەني شارالاردىڭ ىشىندەگى ەڭ كورنەكتىسى – ەل تاۋەلسىزدىگىنىڭ 25 جىلدىعىنا ارنالعان شارالار ەكەنى داۋسىز. قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي، قالالىق مادەنيەت ۇيىندە 25 يگى ٴىس-شارا ۇيىمداستىرۋ قولعا الىنىپ، ونىڭ العاشقىلارى باستالىپ تا كەتتى.

سونىڭ ٴبىرى – «تاۋەلسىزدىك – ەلىمنىڭ ەرلىك جولى» اتتى دوڭگەلەك ۇستەل. وعان شۋ قالالىق اكىمشىلىگى اپپاراتىنىڭ باس مامانى ا.دانياروۆا، اۋداندىق جاستار ورتالىعىنىڭ قىزمەتكەرلەرى، س.سەيفۋللين اتىنداعى ورتا مەكتەپتىڭ وقۋشىلارى، №3 قالالىق كىتاپحانا قىزمەتكەرلەرى قاتىستى. تاعى ٴبىر تاربيەلىك ٴمانى زور شارا - قالالىق مادەنيەت ٴۇيىنىڭ قولداۋىمەن، بىرلىك اۋىلدىق كلۋبىنىڭ ۇيىمداستىرۋىمەن قازاقستان حالقى تىلدەرى كۇنى مەرەكەسىنە وراي، ٴارتۇرلى ۇلت وكىلدەرىنىڭ اندەرى مەن بيلەرىنەن وتكىزىلگەن «ٴتىل - دوستىقتىڭ ايناسى» اتتى بايقاۋ. بىرلىك اۋىلدىق كلۋبىندا وتكىزىلگەن بۇل بايقاۋعا وزگە ۇلت وكىلدەرىنەن قۇرالعان سەگىز ۇمىتكەر قاتىسىپ، ٴوزارا باق سىنادى. ولار بايقاۋ تالابىنا ساي ٴتۇرلى ۇلتتىڭ ٴانىن شىرقاپ، بيلەرىن بيلەدى. اسىرەسە، ورىس ۇلتىنىڭ وكىلدەرى بەلسەندىلىك تانىتتى. بايقاۋعا اۋدان اكىمدىگى مادەنيەت جانە تىلدەردى دامىتۋ ٴبولىمىنىڭ باس مامانى ق.بايجول باستاعان قازىلار القاسى تورەلىك ەتىپ، ٴادىل باعالارىن بەردى. ناتيجەسىندە ٴان جانە بي نوميناسيالارى بويىنشا جەڭىمپازدار انىقتالىپ، ولار ارنايى سىيلىقتارمەن ماراپاتتالدى (سۋرەتتە). بايقاۋعا قاتىسقان جاسوسپىرىمدەردىڭ اتا-انالارى ۇيىمداستىرۋشىلارعا بايقاۋدى جوعارى دەڭگەيدە وتكىزگەندەرى ٴۇشىن ريزاشىلىقتارىن ٴبىلدىردى. شۋ قالالىق مادەنيەت ۇيىنە قاراستى بىرلىك اۋىلدىق كلۋبىندا وتكەن «ماڭگىلىك ەل - ونەر قۇشاعىندا» اتتى مادەنيەت پەن ونەر سالاسىنداعى ۇزدىك اۋىل بايقاۋىنىڭ دا ورنى ەرەكشە. سونداي-اق، قالالىق مادەنيەت ٴۇيىنىڭ ونەرپازدارى قورداي اۋدانى، گۆاردەيسك قالاسىندا ورنالاسقان 21450 اسكەري ٴبولىمىنىڭ بازاسىندا وتكەن اسكەري جيىنعا قر تاۋەلسىزدىگىنىڭ 25 جىلدىعىنا وراي، سازدى باعدارلاما ۇسىندى. دىتتەپ كەلگەندە، مۇنىڭ بارلىعى مادەنيەت پەن ونەر سالاسى قىزمەتكەرلەرىنىڭ تىنىمسىز تىرلىگى مەن زور ىزدەنىسىنىڭ ارقاسىندا كورىنىس بەرەتىن دۇنيە ەكەندىگىن ەسكەرگەن ٴجون. سوندىقتان، ولاردىڭ الداعى قىم-قۋىت تىرلىگى مەن تىڭ جوسپارلارىنا ساتتىلىك سەرىك بولىپ، اۋدان جۇرتشىلىعى وكىلدەرىن جاعىمدى جاڭالىقتارمەن قۋانتا بەرۋىنە تىلەكشى بولايىق.

دينارا باتىرحايروۆا.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي