USD 334.31 EUR 355.17 RUB 5.31
استانا:

قالا ارداگەرى باس قوستى

قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي جاڭاتاس قالالىق ارداگەرلەر ۇيىمىنىڭ ۇيىمداستىرۋىمەن كوپتەگەن ٴىس-شارالار وتكىزىلۋدە. سونىڭ ٴبىرى ۇستىمىزدەگى جىلى قاراشا ايىنىڭ جيىرما جەتىسى كۇنى اۋدان ورتالىعىنداعى «شاح» ٴدامحاناسىندا قالالىق ارداگەرلەر ۇيىمىنىڭ ٴتوراعاسى بايتۋعان رىسپانوۆتىڭ ۇيىمداستىرۋىمەن تۇڭعىش پرەزيدەنت كۇنىنە وراي ارداگەرلەردىڭ باسقوسقان «ەلباسىمىز كەمەڭگەر-كوشى ٴتۇزۋ كەمەل ەل» اتتى تاقىرىپتا دوڭگەلەك ۇستەل جيىنى جانە قالا ارداگەرلەرى اراسىندا ٴان ايتىپ، مۋزىكالىق اسپاپتاردا ويناۋ ٴىس-شاراسى قوسا وتكىزىلدى. بۇل ٴىس-شارا «شاح» ٴدامحاناسىنىڭ يەسى شىنايدار ەراليەۆتىڭ دەمەۋشىلىگىمەن مەرەكەلى تۇردە ۇستەل باسىندا وتكىزىلدى.

تاۋەلسىزدىك تۋرالى جانە تۇڭعىش پرەزيدەنت كۇنىنە بايلانىستى ارداگەرلەر ب.تولەبايەۆ، ب.ابدراحمانوۆ، ت.مىسىقبايەۆ، و.ەلەۋقۇلوۆ ٴسوز سويلەپ، ارداگەرلەردى مەرەكەلەرىمەن قۇتتىقتادى. سونىمەن قاتار ٴىس-شارادا ق.بەگەشبايەۆ ٴان شىرقاپ، كۇمبىرلەتە كۇي تارتتى.

جيىن سوڭىندا قالالىق ارداگەرلەر ۇيىمىنىڭ ٴتوراعاسى ب.رىسپانوۆ قورىتىندى ٴسوز سويلەپ، قاتىسۋشىلاردى مەرەكەمەن قۇتتىقتادى. سونداي-اق، «شاح» ٴدامحاناسىنىڭ يەسى ش.ەراليەۆكە شاپان جاۋىپ جانە ٴىس-شاراعا جاقسى اتسالىسقان ارداگەرلەرگە باعالى سىيلىقتار تارتۋ ەتتى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي