USD 336.23 EUR 360.3 RUB 5.28
استانا:

قاي مەرەكە كۇندەرى دەمالامىز؟

2017 جىلعا ارنالعان وندىرىستىك كۇنتىزبە قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ سايتىندا جاريالاندى، - دەپ حابارلايدى tengrinews.kz ٴتىلشىسى.

ەڭبەك شارتىندا جۇمىس ۋاقىتىنىڭ قالىپتى ۇزاقتىعى ٴۇشىن تولەنەتىندەي تولەماقىمەن ۇزاقتىعى ازىراق جۇمىس ۋاقىتى كوزدەلۋى مۇمكىن. سونداي-اق كودەكستە قىزمەتكەرلەردىڭ جەكەلەگەن ساناتتارى ٴۇشىن جۇمىس ۋاقىتىنىڭ قىسقارتىلعان ۇزاقتىعىن بەلگىلەۋ كوزدەلگەن:
ون ٴتورت جاستان ون التى جاسقا دەيىنگى قىزمەتكەرلەر ٴۇشىن - اپتاسىنا 24 ساعاتتان اسپايتىن (كودەكستىڭ 69-بابى);
ون التى جاستان ون سەگىز جاسقا دەيىنگى قىزمەتكەرلەر ٴۇشىن - اپتاسىنا 36 ساعاتتان اسپايتىن (كودەكستىڭ 69-بابى);
اۋىر جۇمىستاردا، ەڭبەك جاعدايلارى زياندى (ەرەكشە زياندى) جانە (نەمەسە) ٴقاۋىپتى جۇمىستاردا ىستەيتىن قىزمەتكەرلەر ٴۇشىن اپتاسىنا 36 ساعاتتان اسپايتىن (كودەكستىڭ 69-بابى);
ٴبىرىنشى جانە ەكىنشى توپتاعى مۇگەدەك قىزمەتكەرلەرگە اپتاسىنا 36 ساعاتتان اسپايتىن (كودەكستىڭ 69-بابى).
ەڭبەك شارتىندا، ۇجىمدىق شارتتا كودەكستىڭ 69-بابىندا كورسەتىلگەن جۇمىس ۋاقىتىنىڭ قالىپتى ۇزاقتىعىنان از جۇمىس ۋاقىتى كوزدەلۋى مۇمكىن.
كودەكستىڭ 79-بابىنا سايكەس ۇيىمداردا قىزمەتكەردىڭ ناقتى جۇمىس ىستەگەن جۇمىس ۋاقىتىن ەسەپكە الۋ جۇزەگە اسىرىلۋعا ٴتيىس. بەس كۇندىك جۇمىس اپتاسى كەزىندە كۇندەلىكتى جۇمىستىڭ (جۇمىس اۋىسىمىنىڭ) ۇزاقتىعى اپتالىق نورما 40 ساعات بولعاندا - 8 ساعاتتان، اپتالىق نورما 36 ساعات بولعاندا - 7 ساعات 12 مينۋتتان اسپاۋعا ٴتيىس; التى كۇندىك جۇمىس اپتاسى كەزىندە كۇندەلىكتى جۇمىستىڭ (جۇمىس اۋىسىمىنىڭ) ۇزاقتىعى اپتالىق نورما 40 ساعاتقا تەڭ بولعاندا - 7 ساعاتتان، اپتالىق نورما 36 ساعات بولعاندا - 6 ساعاتتان اسپاۋعا ٴتيىس جانە ت.ب.
وسىعان بايلانىستى جۇمىس ۋاقىتىنىڭ ۇزاقتىعى تومەندەگىنى قۇرايدى:
40 ساعاتتىق جۇمىس اپتاسىندا:
بەس كۇندىك جۇمىس اپتاسى كەزىندە - 8 ساعاتتان بەس جۇمىس كۇنى;
التى كۇندىك جۇمىس اپتاسى كەزىندە - 7 ساعاتتان بەس جۇمىس كۇنى جانە ۇزاقتىعى 5 ساعات بولاتىن ٴبىر جۇمىس كۇنى.
36 ساعاتتىق جۇمىس اپتاسىندا:
بەس كۇندىك جۇمىس اپتاسى كەزىندە - 7 ساعات 12 مينۋت بولاتىن (7،20 ساعات) بەس جۇمىس كۇنى; التى كۇندىك جۇمىس اپتاسى كەزىندە - 6 ساعاتتان التى جۇمىس كۇنى.
"قازاقستان رەسپۋبليكاسىنداعى مەرەكەلەر تۋرالى" قازاقستان رەسپۋبليكاسىنىڭ 2001 جىلعى 13 جەلتوقسانداعى № 267 زاڭىنا (بۇدان ٴارى - زاڭ) سايكەس قازاقستان رەسپۋبليكاسىنداعى ۇلتتىق جانە مەملەكەتتىك مەرەكەلەر اتاپ وتىلەتىن كۇندەر قازاقستان رەسپۋبليكاسىنىڭ ەڭبەك زاڭناماسىنا سايكەس مەرەكە كۇندەرى دەپ تانىلادى.
قازاقستان رەسپۋبليكاسىنداعى مەرەكە كۇندەرى جۇمىس كۇندەرىنە كىرمەيدى.
دەمالىس جانە مەرەكە كۇندەرى سايكەس كەلگەن جاعدايدا مەرەكەدەن كەيىنگى جۇمىس كۇنى دەمالىس كۇنى بولىپ تابىلادى.
قازاقستان رەسپۋبليكاسىنداعى اتاپ وتىلەتىن مەرەكە كۇندەرى:
ۇلتتىق مەرەكە:
16-17 - جەلتوقسان - تاۋەلسىزدىك كۇنى;
مەملەكەتتىك مەرەكەلەر:
1-2 قاڭتار - جاڭا جىل;
8 ناۋرىز - حالىقارالىق ايەلدەر كۇنى;
21-23 ناۋرىز - ناۋرىز مەيرامى;
1 مامىر - قازاقستان حالقىنىڭ بىرلىگى مەرەكەسى;
7 مامىر - وتان قورعاۋشى كۇنى;
9 مامىر - جەڭىس كۇنى;
6 شىلدە - استانا كۇنى;
30 تامىز - قازاقستان رەسپۋبليكاسىنىڭ كونستيتۋسياسى كۇنى.
1 جەلتوقسان - قازاقستان رەسپۋبليكاسىنىڭ تۇڭعىش پرەزيدەنتى كۇنى.
وسىعان وراي، 2017 جىلعى جۇمىس ۋاقىتىنىڭ بالانسىن قۇرۋ كەزىندە زاڭنىڭ نورمالارىن ەسەپكە الا وتىرىپ، دەمالىس كۇندەرىنە (سەنبى، جەكسەنبى) سايكەس كەلەتىن مەرەكە كۇندەرى مەرەكەدەن كەيىنگى جۇمىس كۇنىنە اۋىستىرىلدى:
بەس كۇندىكتە:
1 قاڭتاردان 3 قاڭتارعا;
7 مامىردان 8 مامىرعا;
16 جەلتوقساننان 18 جەلتوقسانعا;
17 جەلتوقساننان 19 جەلتوقسانعا;
التى كۇندىكتە:
1 قاڭتاردان 3 قاڭتارعا;
7 مامىردان 8 مامىرعا;
17 جەلتوقساننان 18 جەلتوقسانعا;
كودەكستىڭ 84-بابىنا سايكەس بەس كۇندىك جانە التى كۇندىك جۇمىس اپتاسىندا جەكسەنبى جالپى دەمالىس كۇنى بولىپ تابىلادى. بەس كۇندىك جۇمىس اپتاسىنداعى ەكىنشى دەمالىس كۇنى ۇجىمدىق شارتتا نەمەسە ەڭبەك تارتىپتەمەسى قاعيدالارىندا بەلگىلەنەدى.
مۇسىلمان كۇنتىزبەسى بويىنشا اتاپ وتىلەتىن قۇربان ايتتىڭ ٴبىرىنشى كۇنى، 7 قاڭتار - پراۆوسلاۆيەلىك روجدەستۆو دەمالىس كۇندەرى بولىپ تابىلادى.
2017 جىلى قۇربان ايتتىڭ ٴبىرىنشى كۇنى 1 قىركۇيەككە تۋرا كەلەدى.
وندىرىستىك كۇنتىزبەدە اي، توقسان جانە 2017 جىلدىڭ تۇتاستاي جۇمىس كۇندەرى (ساعاتتارى) بويىنشا جۇمىس ۋاقىتىنىڭ نورماسى كەلتىرىلگەن. ول 40 ساعاتتىق جانە 36 ساعاتتىق جۇمىس اپتاسىندا سەگىز، جەتى جانە التى ساعاتتىق جۇمىس كۇنىنىڭ نەگىزىندە بەس كۇندىك جانە التى كۇندىك جۇمىس اپتاسىنىڭ كۇنتىزبەسى بويىنشا ەسەپتەلگەن.
2017 جىلى جۇمىس ۋاقىتىنىڭ نورماسى:
40 ساعاتتىق جۇمىس اپتاسىندا:
بەس كۇندىك - 1960 ساعاتتى (245 كۇن * 8،00 ساعات);
التى كۇندىك - 1972 ساعاتتى (246 كۇن * 7،00 ساعات + 50 كۇن * 5،00 ساعات);
36 ساعاتتىق جۇمىس اپتاسىندا:
بەس كۇندىك - 1764 ساعاتتى (245 كۇن * 7،20 ساعات);
التى كۇندىك - 1776 ساعاتتى (296 كۇن * 6،00 ساعات) قۇرايدى.
2017 جىلعا ارنالعان جۇمىس كۇندەرىنىڭ ورتاشا ايلىق سانى:
بەس كۇندىك جۇمىس اپتاسىندا - 20،42 كۇندى;
التى كۇندىك جۇمىس اپتاسىندا - 24،67 كۇندى قۇرايدى.
2017 جىلعا ارنالعان كۇنتىزبەلىك كۇندەردىڭ ورتاشا ايلىق سانى (قازاقستان رەسپۋبليكاسىنىڭ زاڭناماسىندا بەلگىلەنگەن مەرەكە كۇندەرىن قوسپاعاندا) 29،ٴ25-تى قۇرايدى.

kyzylorda-news.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي