USD 334.89 EUR 361.61 RUB 5.28
استانا:

عانيبەك قازانتايەۆ: داعدارىس زامانىندا بيۋدجەتتى ورىنداماۋ قىلماس

فوتو: Призыв

سىرداريا اۋدانىنىڭ اكىمى قازانتايەۆ عانيبەك قونىسبەك ۇلى ەندى ٴبىر ايدا ەسكىر­گەلى تۇرعان جىلدى ٴوز ەلەگىنەن وتكىزۋ، ٴوزى باسقارىپ وتىرعان اۋدان اۋماعىندا جىل باسىنان بەرى اتقارىلعان اۋقىمدى ىستەردى ەل نازارىنا جەتكىزۋ ماقساتىمەن وبلىس اكىمدىگىنىڭ ورتالىق كوممۋنيكاسيالار قىزمەتىندە بۇقارالىق اقپارات قۇرال­دارىنا ارناپ بريفينگ وتكىزدى.

العى سوزىنەن-اق ايتارىنىڭ سالماعىن ايقىن اڭعارتقان اۋدان اكىمى عانيبەك قونىسبەك ۇلى:

- ەلىمىزدىڭ جاڭا تاريحىنداعى ماڭىزدى وقيعا – تاۋەلسىزدىكتىڭ 25 جىلدىق مەرەيتويىمەن سىرداريا اۋدانى حالقى مەن اۋدان اكىمدىگى اتىنان بارشانى قۇتتىقتايمىن. ەلباسىنىڭ سارابدال ساياساتى ارقاسىندا ەگەمەندىك جىلدارى ەلىمىزدىڭ الەۋمەتتىك-ەكونوميكالىق جانە قوعامدىق ساياسي دامۋىندا ۇلكەن جەتىستىكتەرگە قول جەتكىزدىك. بۇل – بۇكىل حالىق پەن بارشا قازاقستاننىڭ ورتاق قۋانىشى. بۇگىندە سىرداريا اۋدانىنىڭ الەۋمەت­تىك-ەكونوميكالىق، رۋحاني جانە مادەني سالالارى قارقىندى دامۋ ۇستىندە. قازىناسى مول سىر وڭىرىندەگى وڭ جەتىستىكتەردە سىرداريالىقتاردىڭ دا ىنتىماق پەن بىرلىككە نەگىزدەلگەن قاجىرلى ەڭبەگى مەن اق پەيىلى جاتىر – دەدى.

الەۋمەتتىك دۇكەن ٴالى دە جالعاسىن تابا بەرەدى. ەكونوميكانىڭ ەرەكشە كەزەڭىندە مۇقتاج ازاماتتارعا اتاۋلى كومەك كورسەتۋ جونىندە وبلىس اكىمىنىڭ بەرگەن تاپسىرماسىنا سايكەس وتكەن جىلدىڭ جەلتوقسان ايىندا اۋدان ورتالىعى تەرەڭوزەك كەنتىندە الەۋمەتتىك دۇكەن اشىلدى.

دۇكەندە كەنتتەگى از قامتىلعان 170 وتباسىنا 30-50 پايىز ارزان باعامەن، ونىڭ ىشىندە 9،8،7، بالاسى بار وتباسىلارعا 50 پايىز، ال قالعان ازاماتتارعا 30 پايىز جەڭىلدىكپەن ازىق-تۇلىك ونىمدەرى قويىلىپ كەلەدى. قيىندىعى كوپ كەزەڭدە وڭىردە العاش بولىپ كوتەرىلگەن وسى باستامانىڭ الداعى تاعدىرىنا الاڭ بولعان جۋرناليست ساۋالىنا اۋدان اكىمى عانيبەك قونىسبەك ۇلى:

- قازىرگى كەزدە الەۋمەتتىك دۇكەن ۇستاۋ دا قيىن ٴىس. ٴبىراق كەلەسى ايدا جىلعا تولعالى تۇرعان وسى جوبامىزدى جالعاستىراتىن بولامىز. 700-دەن استام ادامعا 30-50 پايىزعا ارزان ٴونىم ۇسىنۋ وڭاي جۇمىس بولماسا دا، بۇل تاراپقا كاسىپكەرلەردى تارتۋ، شارۋاشىلىقتاردى شاقىرۋ سەكىلدى شارالاردى قولعا الىپ، ەل اعالارى مەن «نۇر وتان» پارتياسى قولداۋىنا جۇگىنىپ، الەۋمەتتىك دۇكەن جۇمىسىن 2017 جىلى دا جالعاستىراتىن بولامىز. بۇل جەردە اۋدان حالقىنا ٴتيىمدى تۇسى الەۋمەتتىك دۇكەنگە نارىق باعاسىنىڭ اسەر ەتە المايتىندىعى – دەپ جاۋاپ بەردى.

100%-عا ورىندالادى. اۋدان اكىمى بيىلعى جىلعا ارنالعان اۋدان بيۋدجەتىنە ارنايى توقتالدى. ونىڭ ىشىندە كىرىس بولىگى 7 ملرد.268،4 ملن. تەڭگە، ٴوز كىرىستەرى 4 ملرد. 328،3 ملن.تەڭگە كولەمىندە ەكەندىگىن ناقتىلادى. قازىنا قارجىسىنىڭ قاي ماقساتتارعا جۇمسالعانىن تىزبەلەپ شىققان اكىم:

- اۋدان بيۋدجەتى وتكەن جىلى 100 پايىزعا ورىندالعان بولاتىن. بيىلعى جىلى دا تولىق ورىندايمىز. سەبەبى، داعدارىس زامانىندا بيۋدجەتتى ورىنداماۋ – قىلمىس،-دەدى.

«اۋدان تۇرعىنى رەتىندە ٴوزىم دە ريزا­مىن». اۋىز سۋ تاقىرىبى تاپتاۋرىن بولعان، ۇنەمى الدا تۇرار ماسەلەلەردىڭ ٴبىرى ەكەندىگى بەلگىلى. بۇل تاراپقا ايرىقشا توقتالعان اۋدان اكىمى:

- ەلىمىزدىڭ 2020 جىلعا دەيىنگى ستراتەگيالىق دامۋ جوسپارىندا حالىقتى ساپالى اۋىز سۋمەن قامتاماسىز ەتۋ ماڭىزدى مىندەتتەردىڭ قاتارىنا جاتقىزىلعان. بۇل رەتتە، بيىل س.سەيفۋلين اۋىلىندا قۇنى 41،4 ملن.تەڭگە قارجىعا تۇرعىن ۇيلەرگە سۋ قۇبىرىن جەتكىزۋ جەلىلەرىنىڭ قۇرىلىسى اياقتالدى. سونىمەن قاتار، تۇتىنۋشى تۇرعىن ۇيلەر­دىڭ شەكاراسىنا دەيىن سۋ قۇبىرىن جەتكىزۋ 2 ەلدى مەكەندە، اتاپ ايتقاندا، ايدارلى مەن قوعالىكول اۋىلدارىندا 124،9 ملن.تەڭگە قارجى ٴبولىنىپ، جۇمىستار تولىعىمەن اياقتالدى. بۇگىنگى تاڭدا اۋدان حالقى 100 پايىز ورتالىقتاندى­رىلعان سۋ كوزىنەن تازا اۋىز سۋ ٴىشىپ وتىر. ايتايىن دەگەنىم، بۇل ٴۇشىن كوپ كۇش جۇمسالىپ، ۇلكەن جۇمىستار جۇرگىزىلدى. ال ٴقازىر اۋدان حالقى ريزا دەپ نىق سەنىممەن ايتا الامىن. سول اۋداننىڭ تۇرعىنى رەتىندە اۋىز سۋ يگىلىگىن كورىپ جۇرگەن ٴوزىم دە ريزامىن – دەدى.

ٴوز بيۋدجەتىنەن كلۋب سالعان... اكىم قۇرىلىس سالاسىنا توقتالىپ، جىل باسىنان بەرى 11200 شارشى مەترگە تۇرعىن ٴۇي سالىنىپ، وتكەن جىلمەن سالىستىرعاندا 105،9 پايىزدى قۇراعانىن اتاپ ٴوتتى.

- اۋداندىق بيۋدجەت ەسەبىنەن ن.ٴىلياسوۆ اۋىلىنداعى اكىمشىلىك عيماراتىن سالۋعا 35،6 ملن.تەڭگە قارجى ٴبولىنىپ، ٴتيىستى جۇمىستار اتقارى­لۋدا. اۋداندىق ماڭىزى بار 98 شاقىرىم جول­دار­دى اعىمداعى جوندەۋ جانە كۇتىپ ۇستاۋعا اۋداندىق بيۋدجەتتەن 18،3 ملن.تەڭگە قارجى ٴبولى­نىپ، يگەرىلە باستادى. اۋداندىق بيۋدجەت ەسەبىنەن تەرەڭوزەك كەنتى توقتىبايەۆ كوشەسىنەن «ايتەك» كانالى كوپىرىنەن «قىزىلوردا – جالاعاش» اۆتو­جو­لىنا دەيىنگى اۆتوموبيل جولىنىڭ قۇرىلىسىنا 43 ملن.تەڭگە جانە 5 ەلدى مەكەندە 16 كوشەنى ورتاشا جوندەۋگە 200 ملن.تەڭگە قارجى ٴبولىنىپ، ٴتيىستى جۇمىستار اتقارىلۋدا. سونىمەن قاتار، 25 جىلدىق ەركىندىك تاريحىندا ايماقتا ٴوز بيۋدجە­تىنە كلۋب سالعان العاشقى اۋدان ەكەندىگىمىزدى دە ماقتانىشپەن ايتا الامىن – دەيدى اۋدان اكىمى.

مۇنان بولەك، اۋداننىڭ قۇرىلىس سالاسىندا اۋداندىق بيۋدجەتتەن سمەتالىق قۇنى 2،5 ملن.تەڭگەنى قۇرايتىن تەرەڭوزەك كەنتىنە جۇرگىزىلەتىن گاز قۇبىرىنىڭ جانە كۆارتال ىشىلىك گاز قۇبىرلارى قۇرىلىسىنىڭ جوباسى ازىرلەنىپ، بيۋدجەتتىك ٴوتىنىم قر ۇلتتىق ەكونوميكا مينيسترلىگىنە وتكىزىلگەن.

كۇننەن قۋات الماق. - اۋدانعا شەتەل ينۆەس­تيسياسىن تارتۋ ماقساتىندا گەرمانيا جانە ۇلى­بريتانيادا ورنالاسقان ٴىرى كاسىپورىن باسشىلا­رىمەن كەلىسسوزدەر جۇرگىزىلىپ، «كۇن كوزىنەن ەلەكتر قۋاتىن شىعاراتىن ستانسا سالۋ» جوباسىن جۇزەگە اسىرماقپىز – دەيدى اكىم.

الاش بولىپ اسىعا كۇتىپ جۇرگەن استانا كور­مەسىنىڭ باستى تاقىرىبى — «بولاشاق قۋاتى» ەكەندىگىن، كورمە نازارىنا ۇسىنىلماق عيماراتتار جەل، كۇن جانە باسقا دا تابيعات كوزدەرىنەن الىنعان «جاسىل» ەنەرگيامەن جابدىقتالاتىنىن ەسكەرسەك، ەلەڭ ەتكىزبەي قويمايتىن بۇل جوبا كەلەسى جىلى جۇزەگە اسا باستايتىنىن ايتقان اۋدان اكىمى الداعى كوكتەمدە ٴسۇيىنشى حاباردىڭ دا ەستىلۋى مۇمكىن ەكەندىگىن جەتكىزدى.

سونىمەن قاتار، ەكىنشى دەڭگەيگە كوشكەن ۋاقىتىندا ستانسامەن قاتار شاعان اۋىلدىق وكرۋگىندە ورنالاسقان 3000 باس مال بورداقىلاۋ الاڭىن قوسا قامتىماق جوبانى جۇزەگە اسىرۋ ماقساتىندا «گرينكۆەست سىرداريا»جشس قۇرىلعاندىعى ٴمالىم بولدى.

بۇگىندە اۋدان اكىمدىگى جانە سەرىكتەستىك جەتەكشىلەرىمەن مەموراندۋمعا قول قويىلعان. جوبانىڭ قۇنى 40 ملرد.تەڭگە. جوبا تولىق ىسكە اسقاننان كەيىن 30 مىڭ ادام تۇراقتى جۇمىسقا تارتىلادى. بۇگىنگى كۇنى 200 گەكتار جەر ۋچاسكەسىنە توپوگرافيالىق زەرتتەۋ جۇمىستارى جۇرگىزىلگەن.

***

اكىم ايتقان اڭگىمەدەن قالامىزعا ارەدىكتە ىلىكتىرگەنىمىزدىڭ ۇلى جوباسى وسى. ال قالعانى جاداعاي دەرەك، جايداق ەسەپ بولماعانىمەن، قاتارداعى ٴسوز بەن قالىپتى جاعدايلاردىڭ بايانداماسى دەۋگە بولادى. ەندى شامامىزشا بايانداعان بريفينگ بارىسىن اكىمنىڭ ٴوز سوزىمەن قورىتىندىلاساق...

سىرداريا اۋدانى اكىمى قازانتايەۆ عانيبەك قونىسبەك ۇلى:

- «اۋدانىمىزدا ٴبىلىم سالاسى بويىنشا 2015-2016 وقۋ جىلىندا 2700 بالا بالاباقشامەن قامتىلىپ، 3-6 جاستاعى بالالاردى مەكتەپكە دەيىنگى بىلىممەن قامتۋ 100 پايىزعا ورىندالدى. ۇستىمىزدەگى جىلى شاعان اۋىلىنداعى №37 ورتا مەكتەپ عيماراتىن 75 ورىندىق بالاباقشاعا لايىقتاندىرىپ، قايتا جاڭعىرتۋ جۇمىستارىنا اۋداندىق بيۋدجەتتەن 96،1 ملن.تەڭگە قارجى ٴبولىنىپ، جۇمىستار جاقىن كۇندەردە اياقتالادى. ايدارلى اۋىلىنداعى بۇرىنعى كلۋب عيماراتىن 50 ورىندىق بالاباقشاعا لايىقتاپ قايتا جاڭعىرتۋ ٴۇشىن 6،7 ملن.تەڭگەگە جوبا-سمەتالىق قۇجات دايىندالدى.

اۋدان تۇرعىندارىنىڭ الەۋمەتتىك-ەكونوميكالىق جاعدايىن جاقسارتۋ مەن قوعامدىق-ساياسي تۇراقتىلىقتى ساقتاۋ ماقساتىندا بارلىق ەلدى مەكەندەردە وبلىس اكىمىنىڭ قولداۋىمەن قۇرىلعان قوعامدىق كەڭەستەر ۇرپاق تاربيەسى، ەلدەگى اۋىزبىرلىك پەن تاتۋلىقتى، تازالىقتى ساقتاۋدا بۇگىنگى كۇنى تابىستى ەڭبەك ەتۋدە. مىنە وسىنداي جۇمىستار ناتيجەسىندە بۇگىنگى كۇنى اۋداندا قوعامدىق-ساياسي احۋال تۇراقتى.

ٴبىزدىڭ ەڭ باستى ماقساتىمىز – بارلىق الەۋمەتتىك مىندەتتەمەلەردى ۋاقىتىلى ورىنداۋ، حالىقتى جۇمىسپەن قامتۋ جانە الەۋمەتتىك تۇراقتىلىقتى ساقتاۋ بولىپ تابىلادى. مۇنىڭ ٴبارى ەكونوميكانىڭ قۋاتىن ەسەلەيتىن، حالىقتىڭ تابىسىن ارتتىرىپ، ٴومىر ٴسۇرۋ دەڭگەيىن كوتەرۋدى كوزدەيتىن نەگىزگى باعىتتار».

ب.ساتجانوۆ

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي