USD 335.71 EUR 357.36 RUB 5.23
استانا:

ەلىمىزدىڭ كەي جەرلەرىندە قار جاۋادى

سارسەنبى، 19 قازان كۇنى قازاقستان ايماقتارىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى كەي جەرلەردە قار تۇرىندەگى جاۋىن-شاشىن كۇتىلەدى. وڭتۇستىكتە جانە وڭتۇستىك-شىعىستا جاۋىن-شاشىن مول جاۋادى، جاۋىن-شاشىنسىز كۇن رايى تەك باتىستا بولجانىپ وتىر. كەي ايماقتاردا سونداي-اق، تۇمان، كوكتايعاق، جاياۋ بۇرقاسىن بولادى، 15-23 م/س جىلدامدىقتا جەل تۇرادى، دەپ حابارلايدى قازاقپارات «قازگيدرومەتكە» سىلتەمە جاساپ.

اتاپ ايتقاندا، جامبىل وبلىسىنىڭ جەكەلەگەن جەرلەرىندە تۇمان، كوكتايعاق كۇتىلەدى، 15-20 م/س-پەن سوققان جەلدىڭ ەكپىنى 23 م/س-قا جەتەدى. قىزىلوردا وبلىسىنىڭ كەي جەرلەرىندە كوكتايعاق، 15-20 م/س جىلدامدىقتاعى جەل 23 م/س-قا كۇشەيەدى. باتىس قازاقستان، قاراعاندى، شىعىس قازاقستان وبلىستارىنىڭ كەي جەرلەرىندە تۇمان، كوكتايعاق كۇتىلەدى، جەل 15-20 م/س كۇشەيەدى. اقمولا، سولتۇستىك قازاقستان، پاۆلودار وبلىستارىنىڭ جەكەلەگەن اۋماقتارىندا كوكتايعاق، بۇرقاسىن بولىپ، 15-20 م/س جىلدامدىقتا جەل تۇرادى. قوستاناي وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن بولادى، جەلدىڭ ەكپىنى - 15-20 م/س. الماتى وبلىسىنىڭ جەكەلەگەن اۋماقتارىندا تۇمان، كوكتايعاق، 15-20 م/س جىلدامدىقتا جەل بولجانادى. ماڭعىستاۋ وبلىسىنىڭ كەي جەرلەرىندە تۇمان كۇتىلەدى.

kyzylorda-news.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي