USD 334.31 EUR 355.17 RUB 5.31
استانا:

ەلباسىمەن كەزدەسۋ-مەن ٴۇشىن ەرەكشە وقيعا

ٴداستۇر بويىنشا بيىلعى جىلى دا ميلليونداعان قازاقستاندىقتار تۇڭعىش پرەزيدەنت كۇنىن اتاپ وتۋگە اسىعادى. بۇل ەرەن ەڭبەك يەسى، الەم مويىنداعان ۇلى تۇلعاعا دەگەن تۋعان حالقىنىڭ قۇرمەت- قوشەمەتى بولسا كەرەك. ەلىمىزدە ەڭكەيگەن قاريادان ەڭبەكتەگەن بالاعا دەيىن ەلباسىن تانيدى، بىلەدى دەسەك، ارتىق ايتپاعان بولار ەدىك. ەلباسىن كوزبەن كورىپ، ونىمەن جۇزدەسۋ قۋانىشى كەز كەلگەن جانعا بۇيىرا بەرمەيتىن باق. دەسەك تە ەلباسىمەن كەزدەسىپ، ونىڭ جىلى لەبىزىن ەستىگەن جاندار ارامىزدا بار. سونداي جاننىڭ ٴبىرى – «شاپاعات» جاۋاپكەرشىلىگى شەكتەۋلى سەرىكتەستىگىنىڭ ديرەكتورى ەشنيازوۆ سەرعالي سىدىق ۇلى ٴتورت رەت ەلباسىمەن كەزدەسۋ باقىتىنا يە بولعان. – ەلباسىن العاش رەت كورگەنىم 2005 جىلدىڭ 28 ٴساۋىرى بولاتىن. بۇل كۇنى قىزىلوردا قالاسىندا ستۋدەنتتەر سارايىندا كاسىپكەرلەر مەن جۇمىس بەرۋشىلەردىڭ «اتامەكەن» جالپىۇلتتىق وداعىنىڭ ٴى سەزى ٴوتتى. سەزگە ەلباسى نۇرسۇلتان ٴابىش ۇلى نازاربايەۆ قاتىستى. ول كەزدە ايماقتى يكرام ادىربەكوۆ باسقاراتىن. ايماقتاردا كاسىپكەرلەر وداعى قۇرىلعان تاريحي كەز ەدى. كەزدەسۋدە كاسىپكەرلىك جايىندا كەلەلى اڭگىمەلەر قوزعالىپ، ايماقتىڭ سالاداعى باعىت-باعدارى ايقىندالدى.

پرەزيدەنت القالى جيىننان سوڭ ٴبىر توپ كاسىپكەرلەرمەن ەسكەرتكىشكە سۋرەتكە ٴتۇستى. قولىمىزدى الدى. –كۇندە كەزدەسە بەرمەيمىز، بىرگە سۋرەتكە تۇسەيىك،-دەپ ٴوزى ۇسىنىس جاسادى. ەلباسىمەن جارقىن جۇزدەسۋ ماعان عانا ەمەس، سىر بويى كاسىپكەرلەرىنە تىڭ سەرپىلىس بەرگەنى ٴسوزسىز. 2005 جىلدىڭ 17 قاراشاسىندا استانا قالاسىندا رەسپۋبليكا كاسىپكەرلەرىنىڭ سلەتى بولدى. ەلباسىمەن ەكىنشى رەت وسى شارادا جۇزدەستىم. ال، ٴۇشىنشى رەت بايقوڭىر عارىش ايلاعىنىڭ 35 جىلدىق مەرەيتويىن مەرەيتويىندا، ٴتورتىنشى رەت الماتى قالاسىندا 1996 جىلدىڭ 25 مامىرىندا پرەزيدەنتتىك سوڭعى قوڭىراۋدا كەزدەسۋدىڭ ٴساتى ٴتۇستى. بالام نۇرجان ول كەزدە №27 دارىندى بالالارعا ارنالعان مەكتەپتەن 3 رەت قاتارىنان بيولوگيا ٴپانى بويىنشا رەسپۋبليكالىق وليمپيادا جەڭىمپازى اتاندى. ەلباسى جىل كولەمىندە جەتىستىككە جەتكەن جاس دارىندىلاردى قابىلداپ، ماقتاۋ قاعازىن تاپسىردى. سىيعا ساعات سىيلادى،-دەيدى كاسىپكەر مارقايا سويلەپ. ايماققا تانىمال كاسىپكەر ٴدارىحانا كاسىبىمەن اينالىسادى. وسى كاسىپپەن شۇعىلدانا باستاعانىنا ۇستىمىزدەگى جىلدىڭ 27 جەلتوقسانىندا 20 جىل تولماق. بۇگىنگى تاڭدا ول جارى الما يسابەكوۆامەن بىرگە 8 ادامدى جۇمىسپەن قامتىپ وتىر. «شاپاعات » جشس اۋدان سالىعىنا جىلىنا 3-3،5 ملن. تەڭگە كولەمىندە ٴتۇسىم ٴتۇسىرىپ كەلەدى. كاسىپكەرلىك وركەن جايعان وتباسىندا 3 پەرزەنت دۇنيەگە كەلگەن. جانۇيانىڭ تۇڭعىشى نۇرجان استانا قالاسىندا قازاق مەملەكەتتىك زاڭ اكادەمياسىنىڭ حالىقارالىق قۇقىق فاكۋلتەتىندە اعا وقىتۋشى بولىپ قىزمەت ەتەدى. جوو-نىڭ دوكتورانتى. ەرجان كاسىپكەر، ەربول ٴال-فارابي اتىنداعى قازاق مەملەكتتىك ۇلتتىق ۋنيۆەرسيتەتىنىڭ «مەحانيكا-ماتەماتيكا » فاكۋلتەتىنىڭ ىزدەنۋشىسى. – ەلباسىمەن ٴاربىر كەزدەسۋىم-مەن ٴۇشىن ەرەكشە وقيعالار. وسىنداي باقىتقا يە بولعانىمدى ماقتانىش ەتەمىن. ول كىسىمەن بولعان جۇزدەسۋلەردەگى ۇلاعاتتى سوزدەرىنەن العان اسەرىمدى ايتىپ جەتكىزۋ مۇمكىن ەمەس. مىنە، ەلىمىز ٴۇشىن تۇڭعىش پرەزيدەنت كۇنى مەرەكەسى دە جاقىنداپ قالدى. تاۋەلسىزدىگىمىزدىڭ 25 جىلدىعى مەرەكەسىمەن تۇسپا- تۇس كەلىپ وتىرعان سالتاناتپەن بارشا جەرلەستەرىمدى قۇتتىقتايمىن،-دەيدى كاسىپكەر اقجارما تىلەكپەن.

سارسەنكۇل جاۋداتبەكقىزى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي