USD 334.89 EUR 361.61 RUB 5.28
استانا:

دەكلاراسيا - زامانا شەجىرەسى

23 قاراشادا ەلوردامىزدا وتكەن پارلامەنت پالاتالارىنىڭ بىرلەسكەن وتىرىسىندا حالىق قالاۋلىلارى قازاقستان رەسپۋبليكاسى تاۋەلسىزدىگىنىڭ جيىرما بەس جىلدىعى دەكلاراسياسىن قابىلدادى. جاڭا قۇجاتتىڭ تۇپكى-مان-مازمۇنىنا مۇقيات زەر سالعان جان بالاسى كەشەگى وداق شەڭبەرىندە بولعان، حح عاسىر سوڭىنا تامان ٴوز ەگەمەندىگىن العان، بۇگىندە جىگىتتىك مۇشەلگە تولعان جاس مەملەكەتتىڭ شيرەك عاسىرداعى جەتىستىگىن ايقىن سەزىنەدى. وتاندىق ٴوندىرىستى وركەندەتۋگە، شاعىن كاسىپكەرلىكتى دامىتۋعا دەن قويعان، وسى نەگىزدە الەۋمەتتىك سالانىڭ ٴىسىن ىلگەرىلەتكەن ماقساتتى باعىت ٴوز جەمىسىن بەرىپ تە جاتىر. «قازاقستاندا جاسالعان» بەلگىسىمەن دۇكەن سورەلەرىنەن ورىن العان، يمپورتتى الماستىرعان وتاندىق تاۋارلاردىڭ ۇلەس سالماعى ارتىپ كەلەدى. «100 ناقتى قادام: بارشاعا ارنالعان قازىرگى زامانعى مەملەكەت» ۇلت جوسپارى نەگىزگى قوس جۇيەنىڭ دامۋىن جان-جاقتى قامتي وتىرىپ ،الەمدە ورىن العان داعدارىس جاعدايىندا بارشا قازاقستاندىقتاردىڭ تۇراقتى جۇمىسپەن، قالىپتى تابىسپەن، زەينەتاقىمەن ۋاقتىلى قامتىلۋىنا ٴجىتى ٴمان بەرىلدى.بۇل دا ەلباسىنىڭ حالىقتىڭ ٴال-اۋقاتىن السىرەتپەۋدى نەگىزگە العان ساياساتىنىڭ ٴبىرى. ال ەلىمىز تاۋەلسىزدىك العان شاقتا بەيبىت ومىرگە باعىت ۇستاعان يگى قادامى - سوناۋ 1991 جىلدىڭ 29 تامىزى ەدى. ٴدال وسى تۇڭعىش پرەزيدەنتىمىزدىڭ ەڭ العاشقى جارلىعىمەن سەمەي يادرولىق سىناق پوليگونى جابىلدى. بۇۇ دەڭگەيىندە ماقۇلدانعان بۇل يگى ٴىس ارمەن قاراي يادرولىق قارۋسىز الەم قالىپتاستىرۋعا بارشانى شاقىرعان ۇندەۋمەن ۇيلەسىم تاۋىپ كەلەدى. ٴبىر عاجابى: ەلباسى ۇسىنعان يگى باستاما بارشانىڭ جۇرەگىنە جول تابادى، الىس-جاقىن شەت ەل وكىلدەرىنىڭ، ٴتۇرلى مارتەبەلى ۇيىم جەتەكشىلەرىنىڭ قولداۋىن يەلەنەدى. باستى ماقسات - ىشكى قاۋىپسىزدىك، وسىناۋ بەيمازا قوعامدا الەم كەڭىستىگىندەگى بارشا ۇلىستاردىڭ ٴتۇرلى توسىن وقيعالاردان اماندىعى. قازاقستاننىڭ ٴتۇرلى ٴىرى حالىقارالىق ۇيىمدارعا ٴار جىلدارى ٴتوراعالىق ەتكەنى، مۇشەلىگىنە ەنگەنى - الەم ەلدەرى اراسىندا مەملەكەت مارتەبەسىن تاعى ٴبىر ساتى جوعارىلاتتى. كەلەسى جىلعى حالىقارالىق ەكسپو كورمەسىنىڭ وتكىزىلەتىنى ەلىمىزدى بارشاعا تاعى دا جاڭا قىرىنان تانىتاتىن بولادى. كۇن ساناپ، جىل ساناپ جاڭارىپ-جاسانعان باس قالا - استانامىزدىڭ بۇگىندە قارجىلىق- ەكونوميكالىق، مادەني-عىلىمي ورداعا اينالعانى، زاماناۋي ساۋلەتتى كەلبەتىمەن بارشانى تامساندىرعانى بولاشاقتىڭ جارقىن كەلبەتى ىسپەتتەس. ٴتۇرلى زامان اعىمىندا بارشا ۇلتتىڭ بالاسىن جاتسىنباي باۋىرىنا باسقان،ٴبىر شاڭىراق اياسىنا توپتاستىرعان، ەكىنشى وتانىنا اينالدىرعان قازاق ەلىندەگى قازاقستان حالقى اسسامبلەياسىنىڭ ساليقالى قىزمەتى دوستىق پەن بىرلىكتىڭ، شىنايى تاتۋلىق پەن ىنتىماقتاستىقتىڭ التىن بەسىگىمەن پارا-پار. «ماڭگىلىك ەل» بولۋدى باستى قاعيداسىنا اينالدىرعان، جارقىن بولاشاققا ۇكىلى ۇمىتپەن ادىمداعان ەلدىڭ بولاشاعى باياندى، ٴاربىر باسقان ٴىز-جولى قۇتتى، ۇرپاعى زەردەلى دە بىلىكتى، جاڭاشىل ەكونوميكاسى نىعايعان، مادەني-سپورتتىق ومىردە دە تولىمدى ناتيجەگە جەتكەن باي-قۋاتتى ەل بولاتىنىمىز انىق.

ن.مۇراتبەك ۇلى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي