USD 334.89 EUR 361.61 RUB 5.28
استانا:

بولاشاعىمىز بىرلىكتە

ەل ەگەمەندىگىن جاريالاعان كۇنىنىڭ 25 جىلدىق مەرەيتويىن رەسپۋبليكا كولەمىندە اۋقىمدى اتاپ وتۋدە. مەرەكەگە وراي " ۇلى دالا ەلى - تاۋەلسىزدىكتىڭ 25 نەگىزى" تاقىرىبىندا ۇستىمىزدەگى جىلدىڭ قاراشا ايىنىڭ 21 جۇلدىزى مەن 15 جەلتوقسان ارالىعىندا ٴىس-شارالار جوسپارى بەكىتىلگەن بولاتىن. سونىڭ نەگىزىندە 21 قاراشا كۇنى قىزىلوردا وبلىستىق ىشكى ساياسات باسقارماسى مەن "اۋعان سوعىسىنىڭ ارداگەرلەرى مەن مۇگەدەكتەرى" قوعامدىق قورىنىڭ ۇيىمداستىرۋىمەن "مۇز ايدىنى" كەشەنىندە "بولاشاعىمىز بىرلىكتە" اتتى وبلىستىق پاتريوتتىق فورۋمى وتكىزىلدى.

اتالمىش فورۋم وڭىرىمىزدەگى تاۋەلسىزدىكتىڭ 25 نەگىزىنە ارنالعان شارالاردىڭ باستاماسى. فورۋمعا تاۋەلسىزدىككە قول جەتكىزگەن جىلداردان بەرىگە دەيىن ايماقتىڭ دامۋىنا اتسالىسىپ كەلگەن سان ٴتۇرلى سالانىڭ ۇزدىكتەرى مەن ازاماتتىق قوعام ينستيتۋتتارىنىڭ وكىلدەرى جانە دە بەلسەندى جاستار قاتىستى. شارانى العىسوزىمەن باستاعان قىزىلوردا وبلىسى اكىمىنىڭ ورىنباسارى رۋسلان رۇستەموۆ مەرەكەنىڭ ماڭىزدىلىعىنا توقتالدى. - ٴبىزدىڭ اتا-بابالارىمىز سوناۋ ەرتە عاسىرلاردان بەرى ماڭگىلىك ەل بولۋدى ارماندادى. بۇل كۇنگە جەتۋ جولىندا ۇلكەن ناۋبەتتى جىلداردى باستان وتكەردى. قانشاما قيىن كەزەڭدەردەن وتسە دە ولار اسقاق ارماندارىنان، العا قويعان ماقساتتارىنان ەشقاشان اينىعان ەمەس. مىنە، سول رۋحتى كۇشتىڭ ناتيجەسىندە ۇلى ارماندارى مەن ۇلكەن مۇمكىنشىلىكتەرىنە بۇگىن بابالاردىڭ ۇرپاعى مىنا بىزدەر جەتىپ وتىرمىز. سول سەبەپتى دە تاۋەلسىزدىگىمىزدى كوزدىڭ قاراشىعىنداي ساقتاي ٴبىلۋىمىز كەرەك. بۇگىنگى جاستار ول ەرتەڭگى كەلەشەگىمىز، باياندى بولاشاعىمىز، ماڭگىلىك ەلدىڭ ماڭگىلىك ۇرپاعى، -دەدى رۋسلان رۇستەموۆ. مۇنان كەيىن ٴوز سالاسىندا ۇزدىك ناتيجەلەرگە قول جەتكىزىپ، ەل ٴۇشىن ەڭبەك ەتۋدى پەرزەنتتىك پارىزى سانايتىن بەلسەندىلەردى ارنايى نوميناسيا بويىنشا ماراپاتتادى.

اتاپ ايتقاندا، جاس كاسىپكەر ٴو.قۇربانوۆ "كاسىبىنىڭ ۇزدىگى"، گاندبولدان قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى ۆ. كولوتينسكايا "سالاماتتى سپورتشى"، قارماقشى اۋدانى، ٴىىى ينتەرناسيونال اۋىلىنداعى، 108 ورتا مەكتەبىنىڭ ٴمۇعالىمى د.بايراحتاروۆا "ۇلاعات"، قىزىلوردا قالالىق ىشكى ىستەر باسقارماسى، جەرگىلىكتى پوليسيا قىزمەتىنىڭ ينسپەكتورى ن.نۇرتاي ۇلى "قاجىرلى قايرات"، "نۇر وتان" پارتياسىنىڭ "جاس وتان" جاستار قاناتى قىزىلوردا قالالىق فيليالىنىڭ باسشىسى ت.تىلەسوۆ "جىگەرلى جاس"، كورەي ەتنومادەني بىرلەستىگى ٴتوراعاسىنىڭ ورىنباسارى ۆ.شين "پاتريوت"، اۋعان سوعىسىنىڭ ارداگەرى ٴا.جاروۆ "قوعامعا قىزمەت"، 5547 اسكەري ٴبولىمىنىڭ جەدەل ماقساتتاعى باتالونىنىڭ بولىمشە ساربازى ا.بەركەبايەۆ "بەيبىت كۇننىڭ باتىرى"، وبلىستىق مەديسينا ورتالىعىنىڭ نەۆروپوتولوگ دارىگەرى م.جۇسىپبەكوۆا "ٴۇمىت پەن سەنىم"، قىزىلوردا وبلىستىق ن.بەكەجانوۆ اتىنداعى قازاق مۋزىكالىق دراما تەاترىنىڭ ٴارتىسى ا.كوشىمبايەۆ "شىعارماشىلىق جەڭىس" نوميناسيالارى يەگەرلەرى اتاندى. فورۋمدا قىزىلوردا قالاسىنىڭ قۇرمەتتى ازاماتى، قر جازۋشىلار وداعىنىڭ مۇشەسى، "قۇرمەت" وردەنىنىڭ يەگەرى ش.ابدىكارىموۆ تاۋەلسىزدىككە ارناۋىن وقىسا، كورەي ەتنومادەني بىرلەستىگى ٴتوراعاسىنىڭ ورىنباسارى ۆ.شين ەل ەگەمەندىگى تۋراسىندا جاستارعا ايتار ويىن جەتكىزدى. فورۋمنىڭ قورىتىندى بولىمىندە ٴسوز العان "اۋعان سوعىسىنىڭ ارداگەرلەرى مەن مۇگەدەكتەرى" قوعامدىق قورىنىڭ ٴتوراعاسى ع.كامالوۆ بارشا قازاقستاندىقتاردى مەرەكەسىمەن قۇتتىقتادى.

- بەلگىلى اقىن ج.مولداعاليەۆ "وتكەنىڭدى ەسكە الساڭ، وسكەنىڭنىڭ بەلگىسى، وتكەنىڭدى ۇمىتساڭ وشكەنىڭنىڭ بەلگىسى" دەگەن ەكەن. سوندىقتان ٴبىز سان مىڭ جىلدار بويى تاۋەلسىزدىككە جەتەر جولدا اتا-بابالارىمىز جاساعان ەرلىكتەرى مەن ەڭبەگىن باعالايمىز. قانشاما قيىندىقتان ٴوتىپ، بۇگىنگى كۇنى ٴبىز ٴوزىمىزدىڭ جەڭىمپاز ەكەنىمىزدى اتاپ، ٴوزىمىزدى مىقتى ۇرپاق، مىقتى قازاقستان ازاماتتارى سانايمىز. قازىرگى جاستار الەم ەلدەرىنىڭ ٴبىلىم مەن بىلىك جولىن تاڭداعان، ٴوز باقىتىنىنىڭ يەسى بولۋىنا قول جەتكىزە الاتىن تاۋەلسىز ەلدىڭ ازاماتتارى. ەلىمىزدىڭ بولاشاعى جارقىن، تۇعىرى بيىك بولسىن! ٴبىزدىڭ كۇشىمىز بىرلىكتە،- دەدى عالىمجان تاكەن ۇلى. سونىمەن قاتار شارا بارىسىندا پاتريوتتىق فورۋمنىڭ ۇندەۋى قابىلدا- نىپ، كەش تاقىرىپ اياسىنداعى كونسەرتتىك باعدارلامامەن قورىتىندىلاندى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي