USD 334.31 EUR 355.17 RUB 5.31
استانا:

بيىلعى جىلى قازاقستانعا 11 مىڭ ورالمان وتباسى كەلدى

بيىلعى جىلى قازاقستانعا 11 مىڭ ورالمان وتباسى كەلدى. بۇل 2015 جىلمەن سالىستىرعاندا 6 ەسە كوپ. بۇل تۋرالى «ازاماتتىق قوعام دامۋىنىڭ جاعدايى جانە پەرسپەكتيۆالارى» تاقىرىبىندا وتكەن فورۋمنىڭ پلەنارلىق وتىرىسىندا پرەمەر-مينيستردىڭ ورىنباسارى يمانعالي تاسماعامبەتوۆ حابارلادى.

«سىزدەردىڭ نازارلارىڭىزدى تاعى ٴبىر وزەكتى باعىت – قازاقستانعا كەلگەن وتانداستارىمىزدى الەۋمەتتىك بەيىمدەۋ ماسەلەسىنە اۋدارعىم كەلەدى. مۇندا دا مەملەكەت پەن ۇەۇ ٴوز الەۋەتىن دۇرىس قولدانا الماي وتىر. بيىلعى جىلى ەلىمىزگە 11 مىڭ وتباسى كوشىپ كەلدى. بۇل 2015 جىلمەن سالىستىرعاندا 6 ەسە كوپ. وتانداستارىمىز قۇجاتتاردى راسىمدەۋ، ٴبىلىم الۋ، الەۋمەتتىك بەيىمدەلۋ تۇرعىسىندا كومەككە ٴزارۋ بولىپ وتىر. ٴدال وسى ماسەلەدە ۇەۇ-نىڭ ٴرولى ەرەكشە ماڭىزدى دەپ بىلەمىن. ويتكەنى، ورالمانداردى جاڭا قوعامعا اكىمشىلىك مەحانيزمدەردى قولدانا وتىرىپ بەيىمدەۋگە بولمايدى. مۇنى تەك ولاردى بىرتە-بىرتە قوعامدىق قۇرىلىمدارعا تارتۋ ارقىلى جۇزەگە اسىرۋعا بولادى»، - دەدى ۆيسە-پرەمەر.
سونداي-اق، ۆيسە-پرەمەر وڭىرلەردەگى ازاماتتىق قوعام ينستيتۋتتارىنىڭ دامۋ پروبلەماسىن اتاپ كورسەتتى.
«جاسىراتىنى جوق، تانىمال ۇكىمەتتىك ەمەس ۇيىمدار مەن ولاردىڭ كوشباسشىلارى ەكى ورتالىقتا – الماتى مەن استانا قالالارىندا شوعىرلانعان. بۇگىندە الماتىنىڭ وزىندە عانا 6 مىڭعا جۋىق كوممەرسيالىق ەمەس قوعامدىق قۇرىلىمدار تىركەلگەن. بۇل بۇكىل رەسپۋبليكاداعى ۇەۇ سانىنىڭ 40 پايىزىن قۇرايدى»، - دەپ اتاپ ٴوتتى ي. تاسماعامبەتوۆ.
سونىمەن قاتار، پرەمەر-مينيستردىڭ ورىنباسارى فورۋم اياسىندا قابىلدانعان بارلىق ۇسىنىمدار ۇكىمەت تاراپىنان مىندەتتى تۇردە قارالىپ، شەشىم قابىلداۋدا ەسكەرىلەتىنىن مالىمدەدى، دەپ حابارلايدى primeminister.kz.

kyzylorda-news.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي