USD 334.89 EUR 361.61 RUB 5.28
استانا:

باتىرلار ەسىمى ماڭگى جۇرەكتە

ازاتتىق الۋ، بەيبىت ومىرگە قول جەتكىزۋ قاي حالىققا بولسىن وڭاي تۇسپەيتىنى انىق. وسىدان 27 جىل بۇرىن جاۋلاسۋدان كوز اشپاعان ازاماتتار كەشەگى اۋعان سوعىسىنىڭ زاردابىن كوردى. وتان الدىنداعى مىندەتتى ارقالاعان 22 مىڭ قازاقستاندىق جاۋىنگەر سوعىس قيمىلىنا قاتىسقان بولاتىن. جازىقسىز توگىلگەن قان، قارالىدا ناۋبەت جىلدارىندا ٴبىرى وپات بولسا، ٴبىرى مۇگەدەك اتاندى، ٴبىرى مۇلدەم ٴىس-تۇسسىز جوعالىپ كەتتى. ال، تاريحتىڭ قارا بەتىندە پاراقتالىپ قالعان سول ٴبىر ون جىل ىشىندەگى زۇلماتتى وقيعانىڭ ٴمان- جايىن، ناقتى انىق - قانىعىن ٴوز كوزىمەن كورگەن، بەل ورتاسىندا جۇرگەن قايسار دا، ەرجۇرەك اعالارىمىز عانا بىلەدى. وتكەن اپتادا اۋداندىق ۇمبەتەي جىراۋ اتىنداعى مادەنيەت ۇيىندە ەل تاۋەلسىزدىگىنىڭ شيرەك عاسىرلىق ايتۋلى داتاسىمەن ورايلاسقان 25 جۇلدىزدى كۇن اياسىندا «ەل بولاشاعى – بىرلىكتە» اتتى كەزدەسۋ ٴوتتى. جينالعان جۇرتشىلىق اۋعان سوعىسىندا قازا تاپقان باتىرلاردى ٴبىر ٴمينوت ۇنسىزدىكپەن ەسكە الدى. قالا اكىمى تولەۋتاي مۇحامەدجانوۆ مەيماندارعا جىلى لەبىزىن ارنادى. اۋعان سوعىسى ارداگەرلەرىنىڭ وبلىستىق كەڭەسىنىڭ ٴتوراعاسى دۋانباي ىبىرايەۆ: «25 جىل بۇرىن ەشكىم ٴبىزدى بىلمەگەن ەدى. ەلباسىنىڭ ساليقالى ساياساتى ارقاسىندا دامىعان مەملەكەتتىڭ قاتارىنا ەندىك. قازىرگى تاڭدا سىزدەر بەيبىت ەلدە ٴومىر ٴسۇرىپ جاتقان باقىتتى جاس ۇرپاقسىزدار»، – دەپ العى ٴسوزىن ايتتى. جالپى اۋعان سوعىسى ارداگەرلەرىن اسپەتتەۋگە ارنالعان جۇزدەسۋدە ينتەرناسيوناليست جاۋىنگەر جەرلەستەرىمىز جانە وبلىسىمىزدىڭ ٴار ايماعىنان كەلگەن قوناقتارعا قر پارلامەنتى ٴماجىلىسىنىڭ دەپۋتاتى، رەسپۋبليكالىق ارداگەرلەر ۇيىمىنىڭ ۇيلە ٴستىرۋ كەڭە ٴسىنىڭ ٴتوراعاسى، حالىق قاھارمانى گەنەرال-لەيتەنانت باقىتجان ەرتايەۆتىڭ قولى قويىلعان العىس حات تابىستالدى. سونداي - اق قالامىزدىڭ ورتالىعىندا اۋعان جاۋىنگەرلەرى ەسكەرتكىشىن ورناتۋعا، ارنايى اللەياسىن بەزەندىرۋگە قوسقان سۇبەلى ۇلەسى ٴۇشىن قالا اكىمى تولەۋتاي مۇحامەدجانوۆ حالىق قاھارمانى اتى اڭىزعا اينالعان باۋىرجان مومىش ۇلىنىڭ «باتىر شاپاعاتى» مەدالىمەن كوتەرمەلەندى. اقمولا وبلىستىق ٴماسليحاتىنىڭ دەپۋتاتى جانبولات كامەليدەنوۆ اۋدان اكىمشىلىگىنە العىسىن ٴبىلدىردى. بارشا قاۋىمدى ايتۋلى داتا – تاۋەلسىزدىك مەرەكەسىمەن قۇتتىقتاي كەلە، ٴاربىر وسكەلەڭ جاستىڭ بويىندا وتانعا سۇيىسپەنشىلىك، پاتريوتتىق سەزىم قالىپتاسۋى كەرەكتىگىن العا تارتتى. اۋداننىڭ قورعانىس ىستەرى ٴبولىمىنىڭ باسشىسى دۋلات دىلدەبايەۆ ەلباسى تاپسىرماسى بويىنشا ٴتۇرلى سالادا جوعارى جەتىستىكتەرگە جەتۋدەگى كەلەلى وي- پىكىرىمەن ٴبولىستى. ۇمبەتەي جىراۋ اتىنداعى اۋداندىق مادەنيەت ٴۇيىنىڭ كوپكە تانىمال ونەرپازدارى قوناقتارعا ارناپ رۋحتى اندەرىن شارىقتاتا شىرقادى. تاعىلىمى مول كەزدەسۋدەن سوڭ شارا مەيماندارى ارداگەرلەر ساياباعىنا بەت الدى. اۋعانستاندا ەرلىكپەن قازا تاپقان قاھارماندار ەسكەرتكىشىنە گۇل شوعىن قويدى. ال باتىرلىق ۇلگىسىن كورسەتكەن ولاردىڭ رۋحىنا تاعزىم ەتۋ، كوزى تىرىلەرىنە قۇرمەت كورسەتۋ – بۇگىنگى ۇرپاق پارىزى.

گ.قاناپيانوۆا سۋرەتتى تۇسىرگەن اۆتور.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي