USD 336.23 EUR 360.3 RUB 5.28
استانا:

باستى ماقسات-پارتيا بەدەلىن كوتەرۋ

«نۇر وتان» پارتياسى اۋداندىق فيليالىنىڭ ۇيىمداستىرۋىمەن فيليالعا قاراستى باستاۋىش پارتيا ۇيىمدارىنىڭ ەسەپ بەرۋ – سايلاۋ جينالىستارى باستالىپ كەتكەندىگىنەن وقىرمان قاۋىم قۇلاعدار. بەكىتىلگەن كەستەگە سايكەس، وسىنداي كەزەكتى ەسەپ بەرۋ – سايلاۋ جينالىسى سارىكەمەر اۋىلدىق وكرۋگىندەگى «مادەنيەت ٴۇيى» باستاۋىش پارتيا ۇيىمىندا وتكىزىلدى.

«نۇر وتان» پارتياسى اۋداندىق فيليالى ٴتوراعاسىنىڭ ٴبىرىنشى ورىنباسارى ش.بايتاقوۆا، اۋداندىق پارتيا فيليالى ساياسي كەڭەسىنىڭ مۇشەسى س.كەنجەبايەۆ جانە باستاۋىش پارتيا ۇيىمى مۇشەلەرىنىڭ قاتىسۋىمەن وتكەن جينالىس بارىسىندا كۇن تارتىبىندە ٴتورت ماسەلە قارالدى.

اتالمىش جيىن گيمنمەن اشىلعان سوڭ، كۇن تارتىبىندەگى ٴبىرىنشى ماسەلە بويىنشا «مادەنيەت ٴۇيى» باستاۋىش پارتيا ۇيىمىنىڭ ٴتوراعاسى ساكەن سىزدىقوۆ بايانداما جاسادى. ول ٴوز بايانداماسىندا باستاۋىش پارتيا ۇيىمىنىڭ ەكى جىلدا اتقارعان جۇمىستارى تۋرالى ەسەپ بەردى. «نۇر وتان» پارتياسىنىڭ ىقپالىمەن مۇندا دا اۋقىمدى ىستەر اتقارىلعانى ٴسوز بولدى. بۇدان وزگە بايانداماشى ٴوز سوزىندە باستاۋىش پارتيا ۇيىمىنىڭ قول جەتكىزگەن جەتىستىكتەرى مەن بولاشاقتاعى ماقساتتارى جانە پارتيانىڭ توعىز جوباسى اياسىندا اتقارىلعان جۇمىستار تۋرالى، سىبايلاس جەمقورلىققا قارسى كۇرەس، انا مەن بالا دەنساۋلىعى، جەرگىلىكتى جەردەگى ٴوزىن-وزى باسقارۋدى دامىتۋ، سونىمەن بىرگە قازىرگى تاڭداعى ەڭ كوكەيكەستى دەگەن ماسەلەلەر توڭىرەگىندە وي قوزعادى.

بايانداما اياقتالىسىمەن پارتيا مۇشەلەرى يساعالي سالىمبايەۆ پەن دۋلات جاقىپبەكوۆتەر جارىسسوزگە شىعىپ، ساكەن ٴشامشى ۇلىنىڭ جاساعان بايانداماسىن تالقىعا سالدى. بايانداما بويىنشا اتقارىلعان اۋقىمدى وڭ ىستەرگە قاناعاتتانارلىق دەگەن باعا بەردى.

كۇن تارتىبىندەگى باسقا دا ماسەلەلەر بويىنشا ۇسىنىستار ايتىلىپ، قاۋلىلار قابىلداندى. باستاۋىش پارتيا ۇيىمىنىڭ بيۋرو مۇشەلىگىنە جەتى ادام بەكىتىلىپ، اۋداندىق فيليالدىڭ ٴحى ح ەسەپ بەرۋ – سايلاۋ كونفەرەنسياسىنا ون ٴبىر ادام دەلەگات بولىپ سايلاندى. سونىمەن قاتار، جيىن بارىسىندا وعان قاتىسۋشىلار ٴبىراۋىزدان «مادەنيەت ٴۇيى» باستاۋىش پارتيا ۇيىمىنىڭ ٴتوراعاسى ەتىپ س.سىزدىقوۆتى، ونىڭ ورىنباسارلىعىنا ن.ساپاراليەۆانى سايلادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي