USD 334.89 EUR 361.61 RUB 5.28
استانا:

اۋىل ەڭبەككەرلەرى ماراپاتتالدى

بۋراباي كەنتىندە ورنالاسقان «ٴنۇرسات» مەيرامحاناسىندا اۋىلشارۋاشىلىعى سالاسىنىڭ قىزمەتكەرلەرى، سالا ارداگەرلەرى، شارۋاشىلىق باسشىلارى، اۋدان اكىمى اپپاراتىنىڭ قاتىسۋىمەن اتالمىش مەرەكە جاڭا نۇسقادا كەڭەيتىلگەن باعدارلاما بويىنشا اتالىپ ٴوتتى.

شاقىرىلعان قوناقتاردىڭ بارلىعى مەرەكەلى جايىلعان مول داستارحاننىڭ باسىندا توعىستى.

اۋداندىق مادەنيەت ٴۇيىنىڭ ونەرلى ۇجىمى مىڭ بۇرالعان بيشىلەردىڭ تولقىندى بيىمەن ٴداستۇرلى مەرەكەنىڭ اجارىن اشىپ، جينالعان حالىقتىڭ ەڭسەسىن تىكتەدى.

العاشقى قۇتتىقتاۋ ٴسوزى اۋدانىمىزدىڭ اكىمى تولەگەن تاشماعامبەتوۆكە بەرىلدى. اۋىل ەڭبەككەرلەرىنىڭ تىنىمسىز ەڭبەگىن قاشاندا جوعارى باعالايتىن اۋدان باسشىسى، بيىلعى جىلدىڭ ەگىن جيناۋ ناۋقانىندا ۋاقىتپەن ساناسپاي، بىتىك ەگىندى مەرزىمىندە جيناپ، جاقسى كورسەتكىشتەرگە قول جەتكىزگەن اۋىل ەڭبەككەرلەرىنە العىسىن ٴبىلدىردى. مەرەكەنىڭ باستى قوناقتارى ۇزاق جىلدار اتالعان سالانىڭ مايتالمان ارداگەرلەرىنە اينالعان زەينەتكەرلەر قاۋىمىنا ەل يگىلىگىنىڭ وركەندەپ-دامۋىنا قوسقان قالتقىسىز ەڭبەكتەرى ٴۇشىن راحمەتىن ايتىپ، العىسىن جەتكىزدى.

بۋراباي اۋدانى اكىمىنىڭ ورىنباسارى ەرلان مۇراتوۆ اۋدان كولەمىندە بيىلعى ەگىن ورۋ ناۋقانىنىڭ قانداي دەڭگەيدە جۇرگىزىلگەنى، اۋىل ەڭبەككەرلەرىنىڭ ٴبىر جاعادان باس، ٴبىر جەڭنەن قول شىعارىپ، ۇيىمشىلدىقپەن اتقارعان جاۋاپتى ناۋقاننىڭ ورىندالۋ بارىسىنا توقتالىپ، اۋقىمدى بايانداما جاسادى. جاڭا تەحنولوگيالاردى قولدانىپ، ەگىن ورۋ ناۋقانىن از كۇندە يگەرىپ، وزگە شارۋاشىلىقتارعا دا قولعابىس كورسەتكەن شارۋاشىلىق باسشىلارىنا ريزاشىلىق ٴبىلدىردى.

ودان كەيىن ساحناعا اۋدان اكىمى تولەگەن جۇمابەك ۇلى كوتەرىلىپ، ٴار ٴتۇرلى اتالىمدار بويىنشا اۋىل شارۋاشىلىعى سالاسىنىڭ ۇزدىك ەڭبەككەرلەرىن ماراپاتتاۋ راسىمىنە كىرىستى.

«ەڭ ۇزدىك وسىمدىك شارۋاشىلىعى سالاسىنداعى اۋىل شارۋاشىلىعى» اتالىمىندا «قاراجار-2015» سەرىكتەستىگىنەن تۇرلىبەك بولاتوۆ، «ەڭ ۇزدىك وسىمدىك شارۋاشىلىعى سالاسى» اتالىمىندا «نارج» شارۋا قوجالىعىنىڭ باسشىسى ۆالەريي نارىجنىي، «ەڭ ۇزدىك اۋىل شارۋاشىلىعى سالاسىنداعى اۋىل كاسىپورنى» اتالىمىندا «ابدراحمانوۆ» جەكە كاسىپكەرلىگىنەن بولات ابدراحمانوۆ، «ەڭ ۇزدىك اگرونوم» اتالىمىندا «بۋراباي-2007» سەرىكتەستىگىنەن مۇسىلبەك قانافين، «ەڭ ۇزدىك مال دارىگەرى مامانى» اتالىمىندا اۋداندىق ۆەتەريناريا ٴبولىمىنىڭ مامانى مارعاراپ سۇلتانوۆ، اۋىل شارۋاشىلىعى قىزمەتكەرلەرىنىڭ سالالىق كاسىپتىك وداعىنىڭ ىى-دارەجەلى «ەڭبەك داڭقى» ٴتوس بەلگىسىمەن اۋداندىق ۆەتەريناريا ٴبولىمىنىڭ جەتەكشىسى جۇمابەك قۋانىشەۆ، وسىنداي اتالىممەن ىى-دارەجەلى «ەڭبەك داڭقى» ٴتوس بەلگىسىمەن «ارقا-ساۋلەت» جشس ۆلاديمير زايسەۆ، «ەڭبەك داڭقى» ىى-دارەجەلى ٴتوس بەلگىسىمەن قازوشعزي رينات حاديەۆتار ماراپاتتالىپ، ۇزدىكتەر قاتارىنان تانىلدى.

كەلەسى توپ وكىلدەرىن ماراپاتتاۋ ٴۇشىن ساحناعا اۋداندىق ٴماسليحاتتىڭ حاتشىسى وتەلباي بەيسەنوۆ شاقىرىلدى. «ەڭ ۇزدىك اۋىل شارۋاشىلىعى ونىمدەرىن قايتا وڭدەۋ كاسىپورنى» اتالىمىندا «اينا» ساۋدا ٴۇيىنىڭ باسشىسى ەرسايىن بورانبايەۆ، «ەڭ ۇزدىك استىق قابىلداۋ كاسىپورنى» اتالىمىندا «جاسىل» استىق قابىلداۋ كاسىپورنى سەرىكتەستىگى اناتوليي مالكوۆ، «ەڭ ۇزدىك وسىمدىك شارۋاشىلىعى سالاسىنداعى» شارۋا قوجالىعى اتالىمىندا «كارىم» شارۋا قوجالىعى قاجىمۇرات قابدۋلينوۆ، «ەڭ ۇزدىك كومباينشى» اتالىمىندا «ەسىل-اگرو» سەرىكتەستىگىنەن ساعىندىق كارىموۆ، «ەڭ ۇزدىك مەحانيزاتور» اتالىمىندا «بيدايىق» سەرىكتەستىگىنەن نيكولاي تيەسوۆ، «ەڭ ۇزدىك ينجەنەر» اتالىمىندا يۋريي مالكوۆ، «ەڭ ۇزدىك كولىك جۇرگىزۋشى» اتالىمىندا «التىن بيداي-2020» جشس دەنيس رىكوۆ، «ەڭ ۇزدىك مالشى» اتالىمىندا «داستان» شارۋا قوجالىعىنان وڭعار الىبەكوۆتەر لايىق دەپ تانىلىپ، ماراپاتقا قول جەتكىزدى.

اۋدانىمىزدا ۇزدىك دەپ تانىلعان تاعى ٴبىر توپتى اۋدان اكىمىنىڭ ورىنباسارى ەرلان مۇراتوۆ ماراپاتتادى. «ەڭ ۇزدىك اگرونوم» اتالىمىندا «اگروفيرما ۆەدەنوۆ» سەرىكتەستىگى رومان كياموۆ، «ەڭ ۇزدىك مەحانيزاتور» اتالىمىندا ۆلاديمير سلاۆينسكيي «اندرەەۆ» شارۋا قوجالىعى، «ەڭ ۇزدىك مەحانيزاتور» اتالىمىندا ۆلاديمير پرەسكوكوۆ «كلەن» اشك جشس، «ەڭ ۇزدىك كومباينشى» اتالىمىندا «كەنەسارى-بيداي» سەرىكتەستىگى نيكولاي گرين، «ەڭ ۇزدىك كولىك جۇرگىزۋشى» الەكساندر ليەپا «اگروفيرما ۆەدەنوۆ» جشس، «ەڭ ۇزدىك ساۋىنشى» اتالىمىندا «جاس» شارۋا قوجالىعىنىڭ ۇزدىك ساۋىنشىسى جانار يسابايەۆا، «ەڭ ۇزدىك مالشى» اتالىمىندا «ايدىن» شارۋا قوجالىعىنان قۋاندىق تايتىلەۋوۆتار قول جەتكىزدى. اۋىل شارۋاشىلىعى ۇزدىكتەرىنىڭ بارلىعىنا ارنايى «قۇرمەت گراموتاسى» مەن ەستەلىك سىيلىقتار تاپسىرىلدى. مەرەكەنىڭ قادىرمەندى مەيماندارى رەتىندە شاقىرىلعان سالا ارداگەرلەرىنە دە اۋدان اكىمىنىڭ اتىنان ەستەلىك سىي-سياپاتتار ۇسىنىلدى.

ٴاربىر اتالىمدار بويىنشا ۇزدىك تانىلعان ەڭبەككەرلەرگە ارناپ اۋداندىق مادەنيەت ٴۇيىنىڭ بەلگىلى جەزتاڭداي انشىلەرى ٴومىرزاق قۇربانوۆ، دميتريي گرومادسكيح، ايسۇلۋ جامانتىقوۆا، گۇلنۇر ايماحان، نۇرجان اۋەلبەكوۆ، ەرجان ەسىموۆ ٴان مەن جىردان شاشۋ شاشسا، كۇيشى ريزا ساتىبالدينوۆا حالقىمىزدىڭ تانىمال شىعارمالارىن ورىنداپ، كوپشىلىكتىڭ ىقىلاسىنا بولەندى.

تۇيىندەي كەلە اۋىل شارۋاشىلىعى سالا قىزمەتكەردەرىن كەلە جاتقان تاۋەلسىزدىكتىڭ 25 جىلدىق ٴتول مەرەكەسىمەن شىن جۇرەكتەن قۇتتىقتايمىز. ەل ەكونوميكاسىنىڭ گۇلدەنۋ جولىنداعى ولشەۋسىز ەڭبەكتەرىڭىز ەلەنە بەرسىن، بارلىعىمىز بىرگە ادال ەڭبەك ەتىپ، ەلىمىزدىڭ بولاشاعى بىرلىكتە ەكەنىن ۇمىتپايىق!

بولات سابىر ۇلى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي