USD 334.89 EUR 361.61 RUB 5.28
استانا:

«اراي» جاستار گازەتى «جاستار مəسليحاتى» كۋبوگىمەن ماراپاتتالدى

ەل تəۋەلسىزدىگىنىڭ 25 جىلدىعى مەن قر تۇڭعىش پرەزيدەنتى كۇنىنە وراي كىشى فۋتبولدان «اراي» جاستار گازەتىنىڭ كۋبوگى ساراپقا سالىندى. جامبىل پوليتەحنيكالىق كوللەدجىندە تۇندىگىن تۇرگەن الامانعا وبلىستاعى جاستار رەسۋرستىق ورتالىقتارىنىڭ، ۇكىمەتتىك ەمەس ۇيىمداردىڭ، وقۋ ورىندارىنىڭ جəنە باق وكىلدەرىنىڭ قۇرامالارى قاتىستى.

جارىستى وبلىس əكىمدىگى ىشكى ساياسات باسقارماسى باسشىسىنىڭ ورىنباسارى جəميلə بەكبوسىنوۆا سالتاناتتى تۇردە اشتى. – بۇگىنگى جارىس ەل تəۋەلسىزدىگىنىڭ 25 جىلدىعى مەن قر تۇڭعىش پرەزيدەنتى كۇنى قارساڭىندا ٴوتىپ جاتۋىمەن ەرەك. ەلباسىمىز، ۇلت كوشباسشىسى ن.ə.نازاربايەۆتىڭ ايرىقشا قولداۋىنىڭ ارقاسىندا قازاق سپورتى وركەندەۋ ۇستىندە، بۇقارالىق سپورت دامۋدا. ۇلى بابالارىمىز عاسىرلار بويى اڭساعان تəۋەلسىزدىگىمىزدىڭ جەمىسى ٴبىلىمدى دە پاراساتتى بۋىننىڭ ٴوسىپ كەلە جاتقاندىعى. سوندىقتان، جاستار باسىلىمىنىڭ جاستار اراسىندا جارىس وتكىزۋى جاقسى ساباقتاستىق، – دەگەن جəميلə ارعىنبايقىزى ايتۋلى مەرەكەلەردىڭ ماڭىزىنا توقتالدى. بۇدان كەيىن «اراي» گازەتىنىڭ العاشقى رەداكتورلارىنىڭ ٴبىرى، رەسپۋبليكالىق «ەگەمەن قازاقستان» گازەتىنىڭ وبلىستاعى مەنشىكتى ٴتىلشىسى ورالحان ٴدəۋىت ٴسوز الىپ، سپورت دەنساۋلىق كەپىلى ەكەنىن تىلگە تيەك ەتە وتىرىپ، جاستاردى بۇقارالىق سپورتپەن شۇعىلدانۋعا شاقىردى. ال، جامبىل پوليتەحنيكالىق كوللەدجىنىڭ ديرەكتورى جانار ورىنبايەۆا ٴوزى باسقارىپ وتىرعان وقۋ ورنى ستۋدەنتتەرىنىڭ سپورتتاعى جەتىستىكتەرىنە توقتالىپ، ٴبىلىم ورداسىنىڭ قابىرعاسىندا جالاۋى جەلبىرەپ وتىرعان وبلىستىق چەمپيوناتتىڭ تارتىستى وتۋىنە تىلەكتەستىك ٴبىلدىردى. ٴوز كەزەگىندە ٴسوز العان وبلىستىق «اراي» جاستار گازەتىنىڭ ديرەكتور-باس رەداكتورى گۇلنۇر ەمبەرديەۆا تəۋەلسىز مەملەكەتتىڭ، ەلباسىنىڭ جاستاردى ۇنەمى قولداۋىنىڭ جەمىستى دəلەلى وبلىسىمىزداعى «اراي» جاستار گازەتىنىڭ باق ايدىنىندا ەركىن ٴجۇزۋى ەكەنىن ايتىپ، جاستار ٴۇنىنىڭ قاشاندا جاستارمەن جانى بىرگە ەكەنىن تىلگە تيەك ەتتى. بۇدان كەيىن جارىس 8 قۇرامانىڭ اراسىندا قىزا ٴتۇستى. ەڭ الدىمەن الاڭعا شىققان «جامبىل پوليتەحنيكالىق كوللەدجى» مەن «مəدەنيەت» كوماندالارىنىڭ اراسىنداعى كەزدەسۋ ٴتۋرنيردىڭ باستى ٴفاۆوريتى كىم ەكەنىن بىردەن كورسەتتى. ولاي دەيتىنىمىز، جامبىل پوليتەحتىڭ جاستارى قارسىلاستارىنىڭ قاقپاسىنا جاۋاپسىز 10 گول سوعىپ، فۋتبول ەمەس حوككەي ويىنىندا ورىن الار ەسەپتى تىركەدى. دəل سونداي «تيگۋ+ىشكى ساياسات»، «جاستار مəسليحاتى»، «وڭىرلىك كوممۋنيكاسيالار قىزمەتى» كوماندالارى دا العاشقى اينالىمدا الدىنا جان سالماي، كىشى فۋتبولدان تەڭدەسسىز ەكەندەرىن تانىتتى. ىرىكتەۋ كەزەڭىندە «جامبىل اۋداندىق جاستار رەسۋرستىق ورتالىعى» مەن «77 تەلەارناسىنىڭ» قۇرامالارىنا جەرەبە جولداس بولماي، دوپ ايىرماسىمەن قارسىلاستارىنا جول بەرىپ قويدى. دەسە دە، قوس قۇرامانىڭ ويىنى وسال بولدى دەي المايمىز. ٴتىپتى، جامبىل اۋدانىنىڭ شابۋىلشىسى پاك ٴبىر ويىندا «پوكەر» جاساپ، شەبەرلىگىمەن تالايدى ٴتəنتى ەتتى. دەگەنمەن، جارىستىڭ اتى جارىس. ٴبىردىڭ بابى شابادى، ٴبىردىڭ باعى جانادى. توپتىق كەزەڭدە جۇزدەن جۇيرىك شىققان ٴتورت كوماندا جارتىلاي فينالدا «جان الىسىپ، جان بەرىسكەن» ويىن كورسەتتى. اقتىق اينالىمعا دەيىن بەت قاراتپاي كەلگەن جامبىل پوليتەحتىڭ جاستارى «جاستار مəسليحاتى» قۇراماسىنان باستاپقى دا باسىمداۋ كورىنگەن. ٴتىپتى، ٴبىرىنشى تايمدا 0:2 ەسەبىمەن ايقىن ۇتىپ كەلە جاتقان بولاتىن. دەسە دە، «جاستار مəسليحاتى» جەڭىسكە دەگەن جىگەر تانىتىپ، ازۋلى كوماندادان ايلاسىن اسىردى. وسىلايشا، كىشى فۋتبولدىڭ العاشقى كىشى سەنساسياسى ورىن الدى. ال، «تيگۋ+ىشكى ساياسات» كومانداسى «وڭىرلىك كوممۋنيكاسيالار قىزمەتىنىڭ» جاستارىنا ەش مۇمكىندىك بەرگەن جوق. نəتيجەسىندە، «تيگۋ+ىشكى ساياسات» پەن «جاستار مəسليحاتى» قۇرامالارى فينالدا كۇش سىناستى. شىندىعىن ايتۋ كەرەك، بۇل كەزدەسۋدە «جاستار مəسليحاتى» جەڭىسكە جەتەدى دەگەنگە بəس تىككەندەر ازداۋ بولاتىن. الايدا، جالىندى جاستار تاعى ەرلىك جاساپ، قارسىلاستارىن 4:3 ەسەبىمەن تىزە بۇكتىردى. ايتا كەتۋ كەرەك، بۇل ويىندا دا «جاستار مəسليحاتى» جەڭىلىپ تۇرىپ، جەڭىستى ج ۇلىپ الدى. ال، «جامبىل پوليتەحنيكالىق كوللەدجى» قۇراماسى «وڭىرلىك كوممۋنيكاسيالار قىزمەتى» كومانداسىن 5:3 ەسەبىمەن ۇتىپ، ۇزدىك ۇشتىكتى تۇيىندەدى. جارىس سوڭىندا باس جۇلدەنى قانجىعالارىنا بايلاعان «جاستار مəسليحاتى» «اراي» جاستار گازەتىنىڭ كۋبوگىمەن ماراپاتتالسا، «تيگۋ+ىشكى ساياسات» قۇراماسى كىشى كۋبوگقا قول جەتكىزدى. ٴىىى ورىننىڭ بيىگىنەن كورىنگەن «جامبىل پوليتەحنيكالىق كوللەدجىنىڭ» جاستارىنا ەكىنشى كىشى كۋبوك تابىس ەتىلدى. سونداي-اق، «ۇزدىك شابۋىلشى» نوميناسياسىمەن «جامبىل پوليتەحنيكالىق كوللەدجى» كومانداسىنىڭ سۇرمەرگەنى ٴبىرجان ٴəبدىحالىقوۆ ماراپاتتالسا، «ۇزدىك قاقپاشى» نوميناسياسىنا «وڭىرلىك كوممۋنيكاسيالار قىزمەتى» قۇراماسىنىڭ قاقپاشىسى مەدەت əلىشەروۆ يە بولدى. ال، «ۇزدىك ويىنشى» نوميناسياسىنا شابۋىلداعى شەبەرلىگىمەن كوزگە تۇسكەن «تيگۋ+ىشكى ساياسات» كومانداسىنىڭ شابۋىلشىسى نۇرجان تۋعانباي لايىق دەپ تانىلدى. جەڭىمپازدار مەن بارلىق كوماندا ويىنشىلارىنا باعالى سىيلىقتار جəنە ارنايى ديپلومدار تابىس ەتىلدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي