USD 335.71 EUR 357.36 RUB 5.23
استانا:

ٴار قازاقتىڭ تورىندە تەكەمەت تۇرسا....

ٴبىزدىڭ اتا-بابالارىمىز التى قانات اق بوز ٴۇيدىڭ كەرەگەسىنە ٴتۇرلى- ٴتۇستى ويۋ-ورنەك باسىلعان كيىز – تەكەمەت ىلگەن. كۇنى كەشەگە دەيىن ٴوزىنىڭ ٴقادىرىن جويماي، ٴار قازاقتىڭ تورىنەن تابىلعان تەكەمەت بۇگىندە ەشبىر ۇيدەن كورىنبەيدى دەسەك ارتىق ايتقاندىق ەمەس. ونىڭ ورنىن زامانعا ساي كىلەمدەر مەن وزگە توسەنىشتەر باسقان. جاقىندا ٴبىز وسىنداي ۇلتىمىزدىڭ ۇمىت بولعان قولونەر بۇيىمدارىن جاڭعىرتىپ، ونىڭ جاسالۋ جولىن جاس بۋىنعا تانىستىرۋ ماقساتىندا تورىندە تەكەمەتى بار ۇيگە باس سۇقتىق.

بۇل – «دوستىق»، «ەڭبەك قىزىل تۋ» وردەندەرىنىڭ يەگەرى، مەملەكەتتىك سىيلىقتىڭ لاۋرەاتى شىنتاس نۇرقوجايەۆتىڭ شاڭىراعى. باسىقارا اۋىلىنىڭ وسىپ-وركەندەۋىنە سۇبەلى ۇلەسىن قوسقان اتپال ازاماتتىڭ قۇرمەتىنە تۋعان اۋىلىندا ەسكەرتكىش ورناتىلىپ، كوشەگە اتى بەرىلگەن. ونىڭ جارى بىرنەشە جىل اۋداندىق تۇتىنۋشىلار كووپەراتيۆىندە شيكىزات دايىنداۋشى بولعان ەڭبەك ارداگەرى رايا ايەكەشوۆا. ون ٴۇش جاسىنان الاشا توقىپ، كيىز باسىپ، تەكەمەت تىككەن رايا اجەي ٴقازىر دە قاراپ وتىرمايدى. كورپە-جاستىق تىگىپ، بالالارى مەن نەمەرەلەرىنە بىلگەنىن ۇيرەتەدى. ومىرگە ون بالا اكەلگەن التىن قۇرساقتى انا 48 جاسىندا جولداسىنان ايىرىلىپ، تاعدىر تاۋقىمەتىن كەشسە دە كۇن-تۇن دەمەي ەڭبەكتە ٴجۇرىپ بالالارىنىڭ بارلىعىنىڭ جوعارى ٴبىلىم الۋىنا كۇش سالدى. كۇندىز جۇمىستا، كەشكىلىك كيىز باسىپ، تەكەمەت جاساپ، ونى ساتىپ، قاراجات جينادى. مال باقتى، ديىرمەن تارتتى. ۇل-قىزىن ەرتە جاستان ەڭبەككە باۋلىپ، ەل قاتارىنا قوستى. اكە ورنىنا اكە، شەشە ورنىنا شەشە بولعان جان بۇگىندە بەينەتىنىڭ زەينەتىن كورىپ وتىرعان اياۋلى انا، اسىل اجە. بالالارى ٴوز الدىنا شاڭىراق بولىپ، ٴتۇرلى سالادا قىزمەت اتقارۋدا. بۇل وتباسىنداعىلاردىڭ باسىم كوپشىلىگى ەسەپشى ماماندىعىن يگەرگەن. ولاردىڭ قاتارىندا زامان اعىمىنا ىلەسكەن كاسىپكەرلەر دە بار.

بۇگىندە «رۇستەم» شارۋا قوجالىعىن اشىپ، مىڭعىرعان مالدىڭ بابىن تاۋىپ وتىر. سونىمەن رايا اجەيدىڭ شەبەرلىگىنە ورالايىق. ەسىك الدىنداعى ساكىگە جايعاسقان ول ٴوزى باسقان كيىزدى جايىپ، بىزگە تەكەمەت باسۋدىڭ قىر-سىرىن ٴتۇسىندىردى. الدىمەن قويدان قىرقىپ الىنعان ٴجۇن ابدەن تازارتىلىپ، تۇسىنە قاراي اجىراتىلادى. سودان سوڭ ونى ەشكى جۇنىنەن جاسالعان تۋلاققا سالىپ سابايدى. ٴجۇن سابالىپ بولعان سوڭ، باسىلاتىن كيىزدىڭ كولەمىنە قاراي، ٴشيدى جايادى دا، ونىڭ ۇستىنە ٴجۇندى سالىپ شاباقتايدى. وسىدان كەيىن كيىزدىڭ وڭ جاعىنا ارنالىپ تازالانعان، ادەمى ٴجۇندى سول قولمەن ۋىستاپ الىپ، الگى شاباقتالعان ٴجۇننىڭ ۇستىنە سالىپ وتىرىپ، وڭ قولدىڭ قىرىمەن باسىپ قالىپ، ٴۇزىپ قالدىرادى. ۇزىلگەن ٴجۇن بىرىمەن-بىرى جالعاسا، بىرتەگىس بولىپ توسەلە بەرەدى ەكەن. قايناپ تۇرعان ىستىق سۋدى شەلەكپەن اكەلىپ، سۇزگىمەن نەمەسە ٴشومىشتىڭ سىرت جاعىمەن شاشىراتىپ، ٴبىر جاق شەتىنەن باستاپ سەبەلەپ قۇيادى. جوعارىدان شاشىراپ قۇيىلعان سۋ ٴوز سالماعىمەن ٴجۇندى باسىپ، شاباقتالعان ٴجۇن مەن تارتىلعان ٴجۇندى بىرىنە-بىرىن قوسىپ جابىستىرادى. ىستىق سۋ ٴجۇننىڭ تالشىقتارىن بۋلاندىرىپ جىبىتەدى دە، ونىڭ ٴوزارا كىرىگىپ، تەز كيىزدەنۋىنە جاعداي جاسايدى. سۋ سەبىلە باستالىسىمەن، قاتار وتىرعان ٴۇش-تورت ايەل باسىلىپ جاتقان ٴجۇندى سىرتىنداعى شيمەن قاباتتاي شيىرشىقتاپ، جيناپ وتىرادى. ٴشيدى شيراتىپ، وراپ جيناعان سايىن ٴالسىن- ٴالسىن ىستىق سۋ قۇيىلادى. تۇگەل جينالعان ٴشيدىڭ سىرتىنان جىپپەن شاندىپ، جۇمىرلاپ بايلايدى دا، ورتان بەلىنەن ٴبىر نەمەسە ەكى جەرىنەن ارقاندى وتكىزىپ الىپ دومالاتادى. ونىڭ ەكى باسىن تۇيىقتاپ بوس سالىپ قويادى. بۇكتەلىپ ٴازىر جاتقان ٴشيدىڭ ٴون بويىن بويلاي بىرنەشە ادام قاتار ٴجۇرىپ كەلە جاتىپ، شيگە وراۋلى كيىزدى اياقتارىمەن تەۋىپ وتىرادى. بۇلارعا قاراما-قارسى ٴبىر ادام – “قوي باستار” كيىزدى العا قاراي دومالاتا سۇيرەيدى. بۇدان كەيىن ٴشيدىڭ شاندۋلارىن شەشىپ، شيىرشىقتالعان كيىزدى جازىپ بوساتادى. كيىزدىڭ ٴاستى-ۇستىن اۋىستىرىپ وتىرىپ، ٴۇش-تورت رەت شيىرشىقتاپ، بۇكتەيدى دە، ەكى باسىن ٴتۇيىستىرىپ شۇجىققا ۇقساتىپ كوكتەپ الىپ، تاعى دا ىستىق سۋ قۇيىپ سىعىمداپ، ٴۇستىن كۇپىمەن، تونمەن جىلىلاپ جاۋىپ تاستاپ بۋلايدى. ىستىق بۋىمەن بالبىراپ جاتقان كيىزدى مولشەرلى ۋاقىت وتكەن سوڭ شەشىپ الىپ، قايىرا شيراتىپ، تاعى دا جىپپەن شاندىپ بايلايدى. قاتارلاسا وتىرعان كيىزشىلەر ٴشيدىڭ ۇستىندە كولدەنەڭ جاتقان كيىزدى وزدەرىنە قاراي جۇلا تار- تىپ الىپ، تىزەسى، بىلەگىمەن ۇرىپ باسادى. بۇل بىلەكتەلىپ بولعان كيىزدى ۇزىننان ەكى قاباتتاپ بۇكتەپ، ونىڭ ەكى باسىن بىر-بىرىنە تۇيىستىرە شۋدا جىپپەن كوكتەيدى. كيىز باسۋشىلار كيىزدى اق ٴشيدىڭ ۇستىنە سالىپ، اينالا وتىرادى. قۋسىرىلعان كيىزدىڭ ٴار جەرىنەن قامتي ۇستاپ، وڭدى-سولدى قارپيدى. قارپىلعان كيىزدىڭ شەت- شەتى جينالىپ تەگىستەلەدى دە، ەكى جاق بەتىندەگى كىرىكپەي قالعان بوس قىلشىقتارى تۇسەدى. بىلەكتەۋ مەن قارپۋدان كەيىن كىرىگىپ، شيراي تۇسكەن كيىز ٴبىراز قۋىرىلعانداي بولىپ كولەمى شاعىندالادى. ەندى ونى ۇزىنىنان شىعارا سوزعىلاي ەسىپ شيىرشىقتايدى دا، اۋەلى ٴبىر جاق شەتىن جۇمارلاي بىلەكتەپ ەسە وتىرىپ، ەكىنشى باسىنا جەتكىزەدى. ودان كەيىن ەكىنشى باسىن تاعى دا سوزا بىلەكتەي وتىرىپ ٴبىرىنشى باسىنا دەيىن اپارادى. سوندا كيىز مولىعىپ، سوزىلا تۇسەدى. كيىزدى بىلەكتەگەندە جانە ۇزىنداعاندا ونىڭ ەكى جاق باسىنا جۋان اعاش، جيناۋلى شي سياقتى نارسەلەردەن تياناق قويىپ وتىرادى. سوندا كيىزدىڭ ۇزىنا بويىنىڭ ەكى جاق شەتى ولپى-سولپى بولماي، تەگىستەلىپ شىعادى. دايىن بولعان كيىزدىڭ بەتىنە اسەمدەلىپ ويۋ-ورنەك سالىنادى.

– ويۋدى الدىمەن ويىپ الامىز. تەكەمەتتە وكشە، شەت، اشىق، جالپاق جانە وزگە دە ويۋ تۇرلەرى ورنالاستىرىلادى. شەتكى جاعىنا سالىنعانى – سىپىرمايىم ويۋ دەپ اتالادى. الدىمەن كيىز بەتىنەن ماساتى ماتا- دان قيىپ الىنعان ويۋدى جىپپەن كوكتەپ تىگىپ الامىز. ۇرشىققا ٴجىپتى ٴبىر ٴتىنىن وڭ جانە ەكىنشى ٴتىنىن سولعا قاراي يىرگەندە ورىلگەن شاش سەكىلدى ادەمى ىرعاق شىعادى. سول ٴجىپتى ويۋدىڭ جيەگىنە سالىپ تىگەمىز. مىنە وسىلاي تەكەمەت دايىن بولادى. بۇنى قابىرعاعا ىلۋگە نەمەسە توسەنىش قىلۋعا پايدالانعان. بۇل جىلى ٴارى ادەمى، – دەيدى رايا اجە. «ونەرلىنىڭ قولىن ۇستا، ونەگەلىنىڭ جولىن ۇستا» دەگەن ٴتامسىل تەگىننەن-تەگىن ايتىلماسا كەرەك. ون ساۋساعىنان ونەر تامعان اجەنىڭ جانىندا وتىرعان از عانا ۋاقىتتىڭ ىشىندە ٴبىراز دۇنيەگە قانىقتىق. ومىردەن كورگەنى كوپ، تۇيگەنى تەرەڭ قارتتارىمىز ورتامىزدا باردا التىن ۋاقىتتىڭ قادىرىنە جەتىپ قالعان ٴجون سەكىلدى. ۇلتىمىزدىڭ رۋحىن وياتىپ، حالقىمىزدى وزگەلەردەن دارالايتىن، باعاسىن ارتتىرار بايلىعىمىز – ٴسالت-داستۇر، ادەت-عۇرپىمىز بەن وزىمىزگە عانا ٴتان قولونەر بۇيىمدارىمىزدى ەستەن شىعارمايىق.

ۇلبولسىن تالاپبايەۆا.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي