USD 334.31 EUR 355.17 RUB 5.31
استانا:

اقتاي رىسىمبەتوۆ - اسپاپ جاساۋدىڭ حاس شەبەرى

ۇلى دالا توسىندە مىڭداعان جىلدار بويى قونىس تەپكەن كوشپەلىلەر كەيىنگى ۇرپاققا بيىك مəدەنيەت پەن زور وركەنيەتتىڭ ۇلگىسىن قالدىرىپ كەتتى. مۋزىكا مەن سəۋلەت، زەرگەرلىك پەن ۇستالىقتا تەك تۇركىلەرگە عانا تəن وزىندىك ەرەكشەلىك، وزگەشە سارىن قالىپتاستى. ولار وسىنداي وزىق ونەرىمەن əلەمدىك مəدەنيەتتىڭ دامۋىنا ۇلەس قوستى. بۇگىندە بابادان قالعان وسى ٴبىر جۇرناق جوعالعان جوق. قانشاما زوبالاڭ مەن زۇلماتتا دا جۇتىلىپ كەتپەدى. ەركىندىك قولعا تيگەلى قۇندىلىقتارىمىزدى جيناقتاپ، جوعىمىزدى تۇگەندەپ كەلەمىز.

ۇلتتىق مۇرامىزدى ناسيحاتتاپ، قازاقتىڭ ۇستالىق ونەرىن جانىنا سەرىك ەتكەن اقتاي رىسىمبەتوۆ اسپاپ جاساۋدىڭ شەبەرى. شيەلى اۋدانى، بەستام اۋىلىنىڭ تۋماسى ٴوز ۇيىنەن اشقان شاعىن عانا شەبەرحاناسىندا قاراعاشتى ويىپ بۇيىم جاسايدى. بۇل ونەرىن كəسىپكە اينالدىرماعان. كوڭىلى اۋىپ، قولقا سالعاندارعا ۇلتتىق اسپابىمىزدى سىيعا تارتادى. پايدا تابۋدى كوزدەمەگەن شەبەر كوڭىلى قالاعان ىستەن قول ۇزبەي كەلەدى. – وسىعان دەيىن جاساعان دۇنيەلەرىمدى اقشا قىلايىن دەپ ويلاماپپىن. ٴوزىم مەكتەپتە بەينەلەۋ ونەرى جəنە سىزۋ پəنىنەن ساباق بەرەمىن. كەشكە جۇمىستان كەلگەسىن ٴۇش ساعات ۋاقىتىمدى وسى ىسكە ارنايمىن. تۇراقتى جۇمىسىم بولعاندىقتان تۇگەلدەي بەت بۇرا الماي ٴجۇرمىن. تەك جاز مەزگىلىندە عانا كوپ كوڭىل بولەمىن، – دەيدى ۇستا.

ٴبىر دومبىرانى جاساۋعا شەبەردىڭ 10-15 كۇن ۋاقىتى كەتەدى. ول اسپاپ ٴۇشىن جيدە، قاراعاش پاي- دالانادى. ٴقازىر ٴوزى وسىدان 20 جىل بۇرىن كەپتىرىپ دايىنداعان ماتەريالداردى قولدانىپ جاتىر. دەگەنمەن، قىمبات قىزىلاعاشتان جاسالعان ٴونىمنىڭ ساپالىراق بولاتىنىن ايتادى. ول بۇل سالانى بالا كەزىنەن باستاماعان. سۇيىكتى ٴىسىنىڭ قىر-سىرىن ستۋدەنت كەزىندە مەڭگەرىپتى. الماتىداعى كازپي-دىڭ كوركەمسۋرەت گرافيكاسى ماماندىعىندا وقىپ جۇرگەندە سونداعى قاتارلاستارىنان ۇيرەنەدى. اعاشتان جاسالاتىن بۇيىمدارعا قاتتى قىزىعىپ، دەن قويادى. ٴوز بەتىنشە ىزدەنەدى. اقىرىندا وسى ٴىستىڭ ٴتىلىن تابادى.

ايتۋىنشا، ونى باۋلىعان ۇستالار بۇگىندە ەلگە تانىمال شەبەرلەر اتانعان. – ۋنيۆەرسيتەت قابىرعاسىندا بىرگە ٴبىلىم العان ناربەك وقانوۆ دەگەن جىگىت بولدى. ٴقازىر ول اتاقتى دومبىرا شەبەرى. اسپاپتاردى جوندەپ جۇرگەندە زەر سالىپ، باقىلاپ جۇرەتىنمىن. ودان كەيىن بۇل ونەردىڭ بۇگە-شۇگەسىن ۇيرەتكەن جولاۋشى تۇردىعۇلوۆ دەگەن ۇستازىم بۇگىندە ۋنيۆەرسيتەتتە وقىتۋشىلىق قىزمەتتە. مەن كەيىن دە ول كىسىلەردىڭ شەبەرحاناسىندا بولىپ، قولىمدى جاتتىقتىردىم. بيىل جازعى ەڭبەك دەمالىسىمدا بارىپ، قوبىز جاساۋدان تəجىريبەمدى جەتىلدىرىپ كەلدىم، – دەيدى ول. نەگىزى تاپسىرىس بولسا، وزگە دە اسپاپتاردى دايىنداۋ قيىندىق تۋعىزبايدى.

ول جاقىندا ٴبىر وقۋشىنىڭ وتىنىشىمەن قىلقوبىز جاساپ شىعارعان. مۋزىكادان حابارى بار ادامدار داۋىسىنا داۋ ايتپاپتى. ۇلتتىق مۇرانى دəرىپتەۋشى جان تەك اعاش جونىپ، بۇيىم جاسامايدى. سونىمەن بىرگە، كەرەمەت كۇيشى. قازاقتىڭ قارا سازىن ناقىشىنا كەلتىرىپ ورىندايدى. اراسىندا əۋ دەپ ٴۇن قوسىپ، حالىق əندەرىن قۇيقىلجىتادى. ونىڭ اعايىن-تۋىسىندا ۇستالىق بولماسا دا، əكەسىنىڭ ناعاشى جۇرتى ەلگە تانىمال شەبەر بولعان كورىنەدى. əكەسى قاراعاشتان ويىپ اسپاپ جاساماسا دا، كەرەمەت دومبىراشى بولعان كىسى ەكەن. ول وزىندەگى ونەردىڭ ٴبىر ۇشى وسىندا دەپ توپشىلايدى. بۇرىن تەك قانا سۇيىكتى ٴىسى رەتىندە عانا قارايتىن اقتاي اعا ەندى شەبەرحاناسىنا شىنداپ كىرىسپەكشى.

وعان وي سالعان بيىل الماتى قالاسىندا وتكەن «اڭىز دومبىرا» اتتى شارا. قازاقستانداعى قولونەر شەبەرلەرىنىڭ باسىن قوسقان كە دەسۋدەن ەرەكشە سەرپىلىسپەن ورالىپتى. ٴوزى قولعا العىسى كەلىپ جۇرگەن جوسپارىنىڭ ٴبىرى – مەكتەپتەن قولونەرشىلەر ۇيىرمەسىن اشۋ. نەگىزى بۇرىن 1992 جىلدارى شəكىرت باۋلۋدى باستاعان. كەيىن جول اپاتىنا ۇشىراپ قول ٴۇزىپ قالادى. وسىنى قايتا جالعاپ، وقۋشىلارىنا از دا بولسا، بىلگەنىن ۇيرەتكىسى كەلەدى. سونىمەن بىرگە، زامانعا ساي كəسىپ قىلۋدى دا كوزدەيدى. بۇل ۇلتتىق مۇرانى دامىتۋدىڭ ٴبىر كوزى. دەگەنمەن، ول ٴۇشىن قاسىنا ٴوزى سەكىلدى اعاش جونا بىلەتىن شەبەرلەر قاجەت. بۇل وي ىسكە اسىپ جاتسا، تابىس كوزى رەتىندە جولعا قويۋدى جوسپارلاپ وتىر. ٴقازىر ول ٴوزىنىڭ ۇستالىق ونەرىن اماناتتاپ قالدىرار شəكىرت تəربيەلەۋدە. əزىرشە ۇلى مەن جيەنىن شەبەرحانا تىرشىلىگىمەن تانىستىرىپ جاتىر. «دەگەنمەن، ۇلىمنان گورى، جيەنىمنىڭ تالابى، قابىلەتى جوعارى. ايتقانىڭدى قاعىپ الىپ، اينا-قاتەسىز ورىندايدى» دەيدى ول. سوندىقتان وعان كوپ كوڭىل ٴبولىپ جۇرگەنىن ايتادى. ال ٴوز بالاسىنىڭ بولاشاقتا ۇلتتىق مۇرامىزدى ناسيحاتتايتىن شاعىن سەح اشىپ العانىن قالايدى. ۇلىنىڭ كۇي تارتۋعا قۇمارتىپ جۇرگەنىن دە جاسىرمادى. «وسى ٴبىر ۇستالىق ونەرىم ۇلت مۇددەسىنە جاراسا» - دەيدى شەبەر.

مəدي ٴقۇرمانəلى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي