USD 335.71 EUR 357.36 RUB 5.23
استانا:

اكادەميا قۇرۋدى ۇسىندى

قر اقپارات جانە كوممۋنيكاسيالار ٴمينيسترى داۋرەن ابايەۆ حابارلاعانداي، «اشىق نورماتيۆتىك قۇقىقتىق اكتىلەر» پورتالىنا «اقپارات جانە كوممۋنيكاسيالار ماسەلەلەرى بويىنشا قر كەيبىر زاڭنامالىق اكتىلەرىنە تولىقتىرۋلار مەن وزگەرتۋلەر ەنگىزۋ تۋرالى» زاڭ جوباسىنا قاتىستى تۇجىرىمداما قوعام تالقىلاۋىنا ۇسىنىلعان ەدى. لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتى «جۋرناليستيكا جانە ساياساتتانۋ» فاكۋلتەتى «تەلەراديو جانە قوعاممەن بايلانىس» كافەدراسىنىڭ دوسەنتى مىرزانتاي جاقىپ بۇل تۇجىرىمداما اياسىندا اقپارات جانە مەدياكوممۋنيكاسيا اكادەمياسىن قۇرۋدى ۇسىندى، دەپ حابارلايدى قازاقپارات.

اقپارات جانە كوممۋنيكاسيالار ماسەلەلەرى بويىنشا قر كەيبىر زاڭنامالىق اكتىلەرىنە تولىقتىرۋلار مەن وزگەرتۋلەر ەنگىزۋ تۋرالى» زاڭ جوباسىنا جۋرناليستيكا، قوعاممەن بايلانىس، باسپا ٴىسى، مەدياكوممۋنيكاسيا سەكىلدى اقپاراتتىق كوممۋنيكاسيا سالاسىنىڭ جوعارى بىلىكتى ماماندارىن — باكالاۆرلاردى، ماگيسترلەردى جانە phd دوكتورلارىن دايارلاۋ ماسەلەسىنە بايلانىستى اقپارات جانە كوممۋنيكاسيالار مينيسترلىگىنىڭ قۇزىرەتتىلىكتەرى مەن قۇقىقتارىن ناقتىلايتىن ارنايى قۇقىقتىق قاعيدالار ەنگىزىلگەنى ٴجون.
«قازىرگى كەزدە ەلىمىزدە «جۋرناليستيكا»، «قوعاممەن بايلانىس» جانە «باسپا ٴىسى» ماماندىقتارى بويىنشا جوعارى ٴبىلىمدى ماماندار ٴبىلىم جانە عىلىم مينيسترلىگىنىڭ جۇيەسىمەن دايارلانىپ كەلەدى. كوپ جاعدايدا ٴبىلىم جانە عىلىم مينيسترلىگىنىڭ باسشىلارى مەن قىزمەتكەرلەرى بۇل ماماندىقتاردىڭ ەرەكشەلىكتەرىن بىلە بەرمەيدى جانە تۇسىنە دە بەرمەيدى.
سوندىقتان، بۇقارالىق اقپارات قۇرالدارىن بىلىكتىلىگى جوعارى ماماندارمەن قامتاماسىز ەتۋ جونىندەگى وزەكتى ماسەلەلەردى شەشۋدىڭ ٴبىر جولى رەتىندە ەلىمىزدە جۋرناليستيكا، قوعاممەن بايلانىس، مەدياكوممۋنيكاسيا، باسپا ٴىسى جانە ت،ب، ماماندىقتار بويىنشا ماگيسترلەر مەن phd دوكتورلارىن دايارلاۋ ماقساتىندا اقپارات جانە كوممۋنيكاسيالار مينيسترلىگىنە تىكەلەي باعىنىستاعى دەربەس اقپارات جانە مەدياكوممۋنيكاسيا اكادەمياسىن قۇرۋدى ۇسىنامىن»، — دەيدى مىرزانتاي جاقىپ.

kyzylorda-news.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي