USD 335.61 EUR 361.32 RUB 5.26
استانا:

اكادەميك اعامىز ەلىندە بولىپ قايتتى

وتكەن اپتانىڭ سەنبىسىندە جەرلەسىمىز ياعني جارما اۋدانىنىڭ قاراش اۋىلىنىڭ تۋماسى، گەولوگيا-مينەرالوگيا عىلىمدارىنىڭ دوكتورى، حالىقارالىق ينفورماتيكا اكادەمياسىنىڭ اكادەميگى ٴسىلامحان جاپارحانوۆ تۋعان ەلىنە كەلىپ قايتتى. ول ەڭ الدىمەن جارما اۋدانىنىڭ اكىمى نۇرلان سىدىكوۆتىڭ قابىلداۋىندا بولدى. وندا اۋدان اكىمى اۋداننىڭ بۇگىنگى تىنىس-تىرشىلىگى تۋرالى قىسقاشا بايانداپ بەرسە، اكادەميك اعامىز ٴوزى جايىندا ٴبىراز اڭگىمە شەرتىپ، سوڭىندا اۋدان اكىمىنە ٴوزىنىڭ ٴومىربايانى تۋرالى جازىلعان “دوروگامي جيزني” اتتى كىتابىن تارتۋ ەتتى. ٴدال وسى كۇنى اۋدان ورتالىعى قالباتاۋدا “اينالايىن، جارما” اتتى بوبەكجايدىڭ اشىلۋ سالتاناتى بولماق ەكەن. 90-عا كەلىپ قالعان اتاقتى اعامىز وسى بوبەكجايدىڭ اشىلۋىنا قاتىسىپ، ونىڭ لەنتاسىن قىيدى. ٴوز كەزەگىندە اۋدان اكىمى اكادەميكتىڭ يىعىنا شاپان جاپتى.

وسى كۇنى اكادەميك ٴسىلامحان جاپارحانوۆ شار قالاسىنداعى ٴوزى وقىعان ب.تۇرسىنوۆ اتىنداعى مەكتەپتە بولىپ، 9-10 سىنىپ وقۋشىلارىمەن اڭگىمە دۇكەن قۇردى. وندا ول جاستارعا بولاشاق ومىرلەرىنە ساباق بولارلىقتاي تالاي قىزىقتى اڭگىمەلەردى ايتتى. سوڭىندا مەكتەپ ديرەكتورى گ.بۇيىمبايەۆا س.جاپارحانوۆقا ەلەپ-ەسكەرىپ كەلگەندىگى ٴۇشىن زور راحمەتىن جەتكىزدى.

ٴسىلامحان جاپارحانوۆ اعامىز شاردىڭ ورتالىق كىتاپحاناسىندا دا بولىپ، مۇندا كەيىنگى شىققان ٴومىرباياندىق كىتابىن تارتۋ ەتتى. الاڭداعى ۇلى وتان سوعىسىنا قاتىسۋشىلارعا ارنالعان مونۋمەنت پەن ۇلى اباي ەسكەرتكىشى الدىندا باس ٴيىپ، تاعزىم ەتتى.

ٴوز ٴتىلشىمىز.

سۋرەتتەردە: 1. جەرگىلىكتى كاسىپكەر ۆ.يسابايەۆ 50 ورىندىق بوبەكجايدىڭ اشىلۋىنا 50 ميلليون قارجىسىن جۇمساپتى، سونىڭ قۋانىشىنا بوبەكجاي الدىندا تومەنگى سىنىپ وقۋشىلارىنىڭ ونەر كورسەتۋ ٴساتى; 2. اۋدان اكىمى ن.سىدىكوۆتىڭ اكادەميك اعامىز س.جاپارحانوۆتىڭ يىعىنا شاپان جاپقاننان كەيىنگى ەسكەرتكىشكە سۋرەتكە تۇسكەن كەزى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي