USD 335.61 EUR 361.32 RUB 5.26
استانا:

ابىرويى ارتا بەرسىن

فوتو: Кызылординская областная газета Сыр бойы

ەلىمىزدىڭ تاۋەلسىزدىگى مەن ەركىندىگى جولىندا اتقارىلعان قىرۋار ىستەر بولاشاعىمىزدىڭ بەيبىت تە جارقىن بولاتىنىنا سەنىمىمىزدى نىعايتۋمەن كەلە جاتقانى ايقىن. ونى قازاقستاندا جاساپ جاتقان بارشا حالىقتىڭ تىنىس-تىرشىلىگىنىڭ جاقسارىپ، بەرەكە-بىرلىگىنىڭ ارتۋىنان، كوڭىل كوكجيەگىنىڭ كەڭەيە، كوركەيە تۇسكەنىنەن اڭعارۋعا بولادى. وسىناۋ جاقسى لەپەس، جارىم ىرىسقا لايىق وزىق وي مەن ساناداعى سەرپىلىس ەلىنىڭ ەرتەڭىنە ەلەڭدەپ، تىنىشتىعىنىڭ تۇعىرلى بولۋىن ويلايتىن تۇڭعىش پرەزيدەنتىمىز نۇرسۇلتان ٴابىش ۇلى نازاربايەۆتىڭ سىندارلى ساياساتىنىڭ ٴنارلى ناتيجەسى دەسەم قاتەلەسپەيمىن. بۇعان ٴتاۋباشىلىق جاساپ،بوركىمىزدى اسپانعا اتا قۋانساق ەشكىم دە مۇنىڭ نە دەمەيتىنى بەلگىلى. ويتكەنى كورەگەن كوشباسشىمىزدىڭ تاۋەلسىزدىك اياسىندا جۇرگىزىپ جاتقان ىزگىلىككە تولى ىستەرى مەن ۇستانعان باعىت- باعدارىنا كۋا بولىپ،جەمىسىن جەپ كەلە جاتقان بىزدەر وسىناۋ كوزايىم كوزقاراستاعى سەنىمىمىزگە سەلكەۋ تۇسپەيتىنىن جاقسى بىلەمىز. كۇندەلىكتى اقپارات ارقىلى تورتكۇل دۇنيەدە قانداي وقيعا بولىپ جاتقانىن، قايعى ارقالاپ، قان جۇتىپ جاتقان ادامداردى كورگەندە سونداي تاعدىردى ٴبىزدىڭ باسىمىزعا بەرمەي-اق قويسا ەكەن دەپ وتىرامىز.سويتەمىز دە ەلىمىزدىڭ قوي ۇستىندە بوزتورعاي جۇمىرتقالاعان وركەندى ومىرىنە قاناعات سەزىمىمەن قارايمىز. ارينە، بۇگىندە قازاقستاندى بىلمەيتىن، ونداعى باقىتتى عۇمىرعا قىزىقپايتىن ەل كەمدە-كەم. وسىناۋ كوڭىلگە جىلىلىق، جۇرەككە نۇرلى شۋاق ۇيالاتار قۋانىش-شاتتىقتىڭ ٴبارىن تۇڭعىش پرەزيدەنتىمىزبەن بايلانىستىرا ابىروي اسپانىندا اسقاقتاتساق، ەشكىم دە تالاس تۋدىرا المايتىنى اقيقات. ولاي بولسا،تۇڭعىش پرەزيدەنت كۇنى مەرەكەمىز مەرەيلى بولىپ، ەلىمىزدىڭ مارتەبەسى ارتا بەرسىن، دەيمىن.

كەڭەسباي بايقانوۆ، ەڭبەك ارداگەرى، الماتى وبلىسىنىڭ قۇرمەتتى ازاماتى، تەكەس اۋىلى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي