USD 334.31 EUR 355.17 RUB 5.31
استانا:

بەرەكە مەن توقشىلىق وڭايلىقپەن كەلگەن جوق

قازاقستاننىڭ استىق وندىرىسىندەگى ميللياردتار تاريحى تىڭ يگەرۋ جىلدارىنان باستاۋ العاندىعى بەلگىلى. وتكەن شاققا ورالاتىن بولساق، ەلىمىزدە 1954-1960 جىلدار ارالىعىندا، ياعني، 6 جىلدىڭ ىشىندە 106 ميلليون توننا استىق الىنعان. ورتا ەسەپپەن العاندا، وسى مەرزىم ىشىندە ٴار جىل سايىن 17 ميلليون توننادان استىق الىنعان ەكەن. ارينە، مۇنداي استىقتى سول كەزدە ەلىمىز بۇكىل كەڭەس وداعىنىڭ كۇش بىرىكتىرىپ، كوپتەگەن تەحنيكالاردى قازاقستاننىڭ ەگىس القاپتارىنا شۇعىل تۇردە جونەلتۋى ناتيجەسىندە العانى انىق. ...تاۋەلسىزدىك العاننان كەيىنگى العاشقى جىلدارى استىق وندىرۋشىلەر تەحنيكالىق قارۋلانۋ ماسەلەسىندە كوپتەگەن قيىندىقتارعا تاپ بولعان ەدى. ويتكەنى، بۇرىنعى تەحنيكالاردى الماستىرۋعا ولاردىڭ قولدارىنداعى قارجى جەتپەدى. ال، تەحنيكالار زاماننىڭ اۋىسىپ، ٴومىردىڭ العا باسۋىنا بايلانىستى ەسكىرىپ تە قالعان بولاتىن. بۇل جاعداي قازاقستان استىعىن ٴوندىرۋ مەن ونى دەر كەزىندە جيناپ الۋعا، باسقا استىق ٴوندىرۋشى ەلدەرمەن باسەكەلەستىككە كوپ كەسىرىن تيگىزدى. وسى ولقىلىقتاردىڭ ورنىن تولتىرۋ ماقساتىندا «قازاگروقارجى» كورپوراسياسى» اكسيونەرلىك قوعامى قۇرىلىپ، ول قاجەتتى تەحنيكالاردى ليزينگتىك تاسىلمەن شارۋالارعا ساتىپ الىپ بەرۋدى جۇزەگە اسىردى. وسىنىڭ ناتيجەسىندە، ەلىمىزدىڭ استىق سەبۋ كەشەندەرى، قازىرگى زامانعى شەتەلدىك استىق جيناۋ كومبايندارى، باسقا دا جەر وڭدەۋ قۇرالدارى پايدا بولىپ، كوكتەمگى ەگىس، كۇزگى جيىن-تەرىن ناۋقاندارى دەر كەزىندە جۇرگىزىلەتىن بولدى. ...

تاۋەلسىزدىكتىڭ ون جىلدىعى قارساڭىندا 18،3 ميلليون توننادان استام استىق جينالىپ، گەكتار شىعىمدىلىعى 14،1 سەنتنەردەن اينالىپتى. وسىنىڭ ٴوزى ەلدەگى الەۋمەتتىك احۋالدىڭ جاقسىعا ويىسقانىن اڭعارتسا كەرەك. ەلىمىزدىڭ حالىقارالىق رىنوكتارعا شىعارعان العاشقى ونىمدەرىنىڭ ٴبىرى استىق بولدى. كەيبىر جىلدارى الەمنىڭ 40-تان استام ەلىنە استىق ەكسپورتتالدى. ستراتەگيالىق ٴونىمنىڭ ٴوندىرىسى مەن ساۋداسىن جولعا قويۋ ٴۇشىن ەلىمىزدە «استىق تۋرالى » زاڭ دا قابىلداندى. ال، 2011 جىلى، ەلىمىزدىڭ ەكونوميكالىق سالالارى نارىقتىق جاعدايدا جۇمىس ىستەۋگە ابدەن بەيىمدەلىپ، سونىڭ ناتيجەسىندە بۇرىن- سوڭدى بولماعان بيىكتەردى باعىندىردى. ەگىنشىلىك سالاسىندا سوڭعى ەلۋ جىلدا بولماعان رەكوردتىق كورسەتكىشكە قول جەتكىزىلىپ، 2 ميلليارد پۇتقا جۋىق استىق الىندى. بۇل رەكوردتىق استىق تابيعاتتىڭ ەرەكشە تارتۋىن بىلدىرمەيدى. وسىنشاما كولەمدەگى استىقتى الۋ ٴۇشىن وراسان زور كولەمدە جەر جىرتىلىپ، وراق ناۋقانىن ۇيىمداستىرۋعا تۇتاس اسكەري بولىمدەر، ستۋدەنتتەر مەن قالالىقتار جۇمىلدىرىلىپ، بارلىق استىق قويمالارعا جونەلتىلىپ، ارتىنان مال ازىعىنا دەپ ونىڭ ميلليونداعان تونناسىن ورتالىقتان سۇراپ الۋ جاعدايى دا كەزدەسكەن. ...الەمنىڭ ٴبىرقاتار ەلدەرى قازىرگى كەزدە قازاقستاندى ۇلكەن استىق دەرجاۆاسى رەتىندە تانيدى. ٴبىز حالىقارالىق استىق كەڭەسىنە مۇشە ەلدەردىڭ ٴبىرىمىز. استىق ساتۋمەن شۇعىلداناتىن كوپتەگەن ٴىرى ترەيدەر كومپانيالارى قازاقستان استىعى دەسە، ەلەڭ ەتە قالادى. سەبەبى، ٴبىزدىڭ استىعىمىز-الەمدەگى ەڭ ساپالى استىق. بيىل بىلتىرعىدان دا مول استىق الىندى. اۋىل شارۋاشىلىعى سالاسىنداعى وزگە ٴداندى داقىلدار بويىنشا دا جيىن-تەرىن ناۋقانىنىڭ ناتيجەلەرى كوڭىل قۋانتىپ وتىر. وبلىسىمىزدا كۇرىشتەن رەكوردتىق ٴونىم الىندى. ەلباسىمىز ايتقانداي، وسىنىڭ ٴبارى مەيلىنشە مول تەر توگۋدى، ۇدايى قامقورلىقتى، زور قاجىرلىلىقتى، ٴبىلىم مەن تاجىريبەنى تالاپ ەتەتىن سالانىڭ بىرى-ەگىن شارۋاشىلىعىنىڭ تابىستى دامىپ كەلە جاتقانىن داۋسىز دالەلدەيدى. ...استىڭ اتاسى نانىمىز مول بولسا، داستارقانىمىز بەرەكەلى، شارۋامىز سايلى، كوڭىلىمىز جايلى بولماق. تەك، توقشىلىقتىڭ ٴقادىرىن بىلگەنىمىز ابزال. مۇمكىن، قاريالاردىڭ اڭگىمەسىنە ۇننىڭ ٴوزىن مولشەرمەن الىپ، اشقۇرساقتاۋ بولعان جىلدار ارقاۋ بولعان شىعار. سول كەزدەرى ٴبىر ٴتىلىم ناندى ٴبولىپ جەپ، ٴتاتتى ٴدامى اۋزىندا قالعان بالالاردىڭ ٴوزى ناعىز جىگىتتىك جاستا تۇر. ٴبىر بىلسە، سولار بىلەر دەيمىز...

لاۋرا ٴايتىموۆا

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي