BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

جىل باسىنان بەرى 2،5 مىڭ توننا ەت ەكسپورتتادىق – مىرزاحمەتوۆ

فوتو: ОКҚ баспасөз қызметі

استانا، baq.kz ٴتىلشىسى. بۇگىن وكق-دا وتكەن ٴباسپاسوز ٴماسليحاتىندا جامبىل وبلىسىنىڭ اكىمى اسقار مىرزاحمەتوۆ وڭىردە ينۆەستيسيالاۋ مەن اگروونەركاسىپ كەشەنى بويىنشا اتقارىلعان جۇمىستار تۋرالى باياندادى.

وبلىس اكىمى جولداۋدىڭ مىندەتتەرىن ورىنداۋ ٴۇشىن جۇمىستاردىڭ كەلەسى جىلعا ناقتى ينديكاتورلارى ايقىندالاتىنىن ايتتى.

«شيكىزاتتىق ەمەس سەكتورداعى جوبالاردى ىسكە اسىرۋ بويىنشا ەكى جوبا ىسكە قوسىلدى. جىل سوڭىنا دەيىن تاعى 5 جوبا ىسكە قوسىلادى. ولاردىڭ ىشىندە ەكسپورتقا باعىتتالعان امموفوس ٴوندىرىسىنىڭ كولەمىن كوبەيتۋ جوباسىن اتاپ وتۋگە بولادى. «ينۆەستورلارعا قىزمەت كورسەتۋ ورتالىعىنىڭ» جۇمىسى قايتا قارالىپ، كۇشەيتىلدى. اعىلشىن، قىتاي، تۇرىك، كورەي تىلدەرىن بىلەتىن جاس ماماندار تارتىلدى. بۇگىندە بۇل سالاعا سالىنعان ينۆەستيسيالار 100 ملرد تەڭگەنى قۇراپ، وتكەن جىلدىڭ ٴتيىستى كەزەڭىمەن سالىستىرعاندا 13،3%-عا ٴوسىپ وتىر. ال ينۆەستيسيالاردىڭ اي سايىن ٴوسۋىنىڭ وڭ ٴۇردىسى جەكە مەنشىك كاپيتالىنىڭ 30%-عا وسۋىمەن بايلانىستى. بيۋدجەتتەن سالىنعان ينۆەستيسيالار وتكەن جىلمەن سالىستىرعاندا ازايىپ وتىر»، - دەدى ٴوڭىر باسشىسى.

مىرزاحمەتوۆ وبلىستا شەتەلدىك ينۆەستورلاردىڭ قاتىسۋىمەن قۇنى 1 ملرد اقش دوللارىن قۇرايتىن 13 جوبا ىسكە اسىرىلاتىنىن ايتتى.

جامبىل وبلىسىندا اۋىل شارۋاشىلىعى ونىمدەرىن قايتا وڭدەيتىن 183 كاسىپورىن جۇمىس ىستەيدى. اكىم ساپالى، تەرەڭ وڭدەۋمەن اينالىساتىن كاسىپورىنداردىڭ سانىن ارتتىرۋ قاجەت ەكەنىن ايتتى. جىل سوڭىنا دەيىن وسىنداي 4 جوبا ىسكە قوسىلادى

«اگروونەركاسىپتىڭ قايتا وڭدەلگەن ٴونىمىنىڭ ەكسپورتىن كوبەيتۋ ماقساتىندا جىل باسىنان 2،3 مىڭ توننا ەت ەكسپورتقا شىعارىلدى. بۇل وتكەن جىلدىڭ كولەمىنەن 3 ەسەگە ارتىق. بۇدان بولەك، قۇنى 22،6 ملرد.تەڭگەنى قۇرايتىن 9 ينۆەستيسيالىق باستاما بەكىتىلدى. اۋىل شارۋاشىلىعىمەن ٴتيىمدى اينالىسۋ ٴۇشىن ۇلگىلى شارۋا قوجالىقتارىنىڭ بازاسى جاساقتالدى. وندا كەلەسى جىلدان باستاپ ارنايى وقىتۋ، تانىستىرۋ جۇمىستارى جۇرگىزىلەتىن بولادى»، - دەدى ول.

وسى ورايدا اكىمدىك زاماناۋي تۇرعىداعى وبلىستىق اگروكوللەدج قۇرۋ ماسەلەلسىن قولعا الىپ وىتر. وسى جۇمىستى باستاۋ ٴۇشىن بيىل 200 ملن.تەڭگە بولىنگەن.

«سەرۆيستىك سەكتورلاردى دامىتۋ بويىنشا. «باتىس ەۋروپا – باتىس قىتاي» اۆتوجولدىڭ 500-گە جۋىق شاقىرىمى وبلىستىڭ 6 اۋدانىنىڭ ۇستىنەن وتەدى.تاۋلىگىنە 8 مىڭنان اسا كولىك ٴوتىپ جاتىر. وسى قىزمەت ساپاسىن ارتتىرۋ ٴۇشىن ٴتيىستى تالداۋ جۇرگىزىلىپ، قوسىمشا جۇمىس كولەمى انىقتالدى»، - دەدى مىرزاحمەتوۆ وكق-دا وتكەن ٴباسپاسوز ٴماسليحاتىندا.

وڭىردە «قولما-قول اقشاسىز ەكونوميكاعا» كوشۋ بويىنشا سوڭعى 5 جىلدا پلاستيكالىق كارتا ۇستاۋشىلار سانى 2 ەسە ارتقان. بۇگىندە 3500 تەرمينال جۇمىس ىستەپ، 1 مىڭنان استام ساۋدا ورنىندا كاسسالىق وپەراسيالار ەلەكتروندى تۇردە جۇمىس ىستەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي