BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

سولتۇستىك ديقاندارى مەجەگە جاقىن

سولتۇستىك قازاقستان وبلىسىندا كۇزگى وراق ناۋقانى اياقتالۋعا جاقىن. جالپى ەگىس القابىداعى استىقتىڭ 95 پايىزى قامباعا قۇيىلدى. تەرىسكەي ديقاندارى گەكتارىنان ورتا سەپپەن 18 سەنتنەردەن ٴونىم الىپ جاتىر، دەپ حابارلايدى baq.kz ايماقتاعى ٴتىلشىسى.

وڭىردەگى ەڭ ٴىرى شارۋا قوجالىقتارىنىڭ ٴبىرى «شاعالا-اگرو» بيىل 28 مىڭ گەكتار القاپقا تۇقىم ٴسىڭىرىپتى. سەرىكتەستىك ٴداندى داقىلدارداردان بيداي مەن ارپاعا، جاسىمىققا، مايلى داقىلداردان زىعىر مەن راپس سىندى وسىمدىكتەرگە باسىمدىق بەرگەن. جەر-انا بۇل شارۋاشىلىققا گەكتارىنان 28 سەنتنەردەن ٴونىم بەرىپتى. ۇجىم باسشىسى بۇل كورسەتكىشكە ٴالى دە كوڭىلى تولمايتىندىعىن ايتادى.

«بۇگىن-ەرتەڭ قالعان 120 گەكتار القاپتاعى استىقتى جيناپ بولامىز. جۇمىسقا تولىق قارقىنمەن قىركۇيەكتىڭ 10-11 كۇندەرى كىرىستىك. 2 مىڭ گەكتار راپس، مىڭ گەكتار زىعىر، 1 900 گەكتار جاسىمىق جانە 1800 گەكتار القاپقا ارپا ەكتىك. ورتا ەسپپەن گەكتارىنان 28 سەنتنەر ٴونىم الساق، ەڭ جوعارعى كورسەتكىش گەكتارىنان 52 سەنتنەر بولدى. وبلىستا بۇل كورسەتكىشتى 62-گە جەتكىزگەندەر دە بار. دەمەك، ٴبىزدىڭ دە وسىنداي ٴونىم الۋعا مۇمكىندىگىمىز مول. بىزگە ارى قاراي دامۋ كەرەك»، - دەيدى «شاعالا-اگرو» شجس ديرەكتورى جومارت وماروۆ.

ەسەنبەك جۇمابايەۆ – «شاعالا-اگرو» سەرىكتەستىگىنىڭ بىلىكتى كومباينشىلارىنىڭ ٴبىرى. تاجىريبەلى مامان بيىل كوكتەم كەش كەلگەنىمەن، اۋا رايى ەگىنشىلەر ٴۇشىن قولايلى بولعاندىعىن ايتادى. تاناپتاردا جۇرگەن قۋاتتىلىعى جوعارى تەحنيكا دا مول ٴونىم الۋعا سەپتەسەدى. ديقاندار نەگىزىنەن دجوندير، كلاسس كومبايندارىن تىزگىندەپ ٴجۇر.

«جاز بويى جۇمىس ىستەدىم. ەڭبەگىمىزگە قاراي، ەگىن شىعىمى جاقسى. قىستا ۇيدە وتىرۋعا تۋرا كەلەدى. ەلباسى جولداۋدا اتاپ وتكەندەي اۋىل شارۋاشىلىعى سالاسى دامىسا ەكەن. مال ٴوسىرۋ كەشەندەرى اشىلسا، جىل بويى ەڭبەك ەتۋگە بولادى. جاستار دا قالاعا سابىلمايدى»، - دەيدى ديقان.

تەرىسكەي ەگىنشىلەرى جىل سايىن 1،5 ميلليون تونادان ارتىق بيداي جانە 200 مىڭ توننا مايلى داقىل ەكسپورتتايدى. ەندى شارۋاشىلىق باسشىلارى شيكىزات ەمەس، دايىن ٴونىم ساۋدالاۋعا كوشپەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي