USD 335.71 EUR 357.36 RUB 5.23
استانا:

شقو-دا ەگىن ورۋ ناۋقانىندا ارزانداتىلعان باعامەن 25 مىڭ توننا جانارماي بولىنگەن

شقو-دا بيىل استىق جيناۋ ناۋقانىندا ديزەلدى جانارمايمەن قامتۋ دەڭگەيى 94%-دى قۇراپ، شارۋا قوجالىقتارىندا جانارماي تاپشىلىعى بايقالمادى. قازىرگى كۇننىڭ وزىندە قر اۋىل شارۋاشىلىعى مينيسترلىگى ايماققا ارزانداتىلعان باعامەن 25 مىڭ توننا ديزەلدى جانارماي ٴبولىپ، ونىڭ 23،6 تونناسى استىق جيناۋعا جۇمسالعان، دەپ حابارلايدى baq.kz.

شقو اقپاراتتىق ورتالىعىنىڭ مالىمەتىنگە، شىعىس قازاقستان ايماقتىق كوممۋنيكاسيالار قىزمەتىندە وتكەن ٴباسپاسوز ٴماسليحاتى بارىسىندا شقو اۋىل شارۋاشىلىعى باسقارماسى باسشىسىنىڭ ورىنباسارى امانگەلدى ۋاليەۆتىڭ ايتۋىنشا، ٴداندى داقىلداردى كەپتىرۋ ٴۇشىن تاعى 5 توننا ديزەلدى جانارماي بولىنگەن.

– اعىمداعى جىلى استىق جيناۋ ماۋسىمىندا ديزەلدى جانارماي تاپشىلىعى انىقتالمادى. ايماقتىڭ بارلىق اۋداندارى مەن شارۋا قوجالىقتارى ارزانداتىلعان ديزەلمەن قامتىلدى، – دەدى امانگەلدى ۋاليەۆ.

ايتا كەتسەك، بيىل استىق ورۋ ماۋسىمى شقو ٴۇشىن قولايلى بولىپ، جيناعان ٴونىم رەكوردتىق كورسەتكىشتى قۇرادى. ٴداندى داقىلداردى جيناۋعا جالپى 6 مىڭ تراكتور، 2 مىڭ وراق، 4 مىڭ جۇك كولىگى مەن 3152 كومباين جۇمىلدىرىلعان.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي