USD 335.71 EUR 357.36 RUB 5.23
استانا:

شقو ديقاندارى ٴداندى داقىلداردان رەكوردتىق ٴونىم جينادى

بيىل شىعىس قازاقستان وبلىسىنىڭ ديقاندارى جاقسى ٴونىم جيناپ، جوعارى كورسەتكىشتەرگە يە بولدى. شارۋا قوجالىقتارى شىعىنعا باتپاي، استىق ونىمدەرىن ۋاقتىلى جيناپ ۇلگەردى. وبلىستىق اۋىلشارۋاشىلىعى باسقارماسىندا ٴوڭىردىڭ وسىنداي رەكوردتىق كورسەتكىشتەرگە سوڭعى جىلدارى يە بولماعانىن اتاپ ٴوتتى، دەپ حابارلايدى baq.kz.

جالپى ٴونىم جيىنتىعى 1 ملن توننادان استىپ وتىر. بۇل كورسەتكىش وتكەن جىلمەن سالىستىرعاندا ٴبىر جارىم ەسەگە ارتىق.

- زايسان، شەمونايحا، گلۋبوكوە اۋداندارىندا استىق جيناۋ كورسەتكىشتەرى بەلگىلەنگەن مەجەدەن اسىپ ٴتۇسىپ، ٴبىر گەكتاردان 20 سەنتنەر ٴونىم جينالدى. بۇل جەرگىلىكتى شارۋا قوجالىقتارى وزىق تەحنولوگيا تاسىلدەرىن قولدانعانىن كورسەتىپ وتىر، - دەدى شقو اۋىلشارۋاشىلىعى باسقارماسىنىڭ باسشىسى قونىسباي تولەۋبەكوۆ.

استىق جيناۋ ناۋقانىنىڭ قورىتىندىسى بويىنشا شارۋا قوجالىقتارى ىشكى سۇرانىستى تولىعىمەن قامتاماسىز ەتكەندىگى بەلگىلى بولىپ وتىر. ارتىعى كورشى ەلدەرگە ساتىلىمعا شىعارىلماق. الدىن الا بولجام بويىنشا بيىل بيدايدىڭ ٴبىر تونناسى 40 مىڭ تەڭگە شاماسىندا ساۋدالانادى. بۇل شارۋالار ٴۇشىن وتە ٴتيىمدى باعا

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي