BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

رەسەي قازاقستاندىق ٴسۇت وندىرۋشىلەرگە سالعان شەكتەۋىن الىپ تاستادى

رەسەي فەدەراسياسىنىڭ ۆەتەريناريالىق جانە فيتوسانيتاريالىق قاداعالاۋ بويىنشا فەدەرالدىق قىزمەتى قازاقستان رەسپۋبليكاسىنان رەسەي فەدەراسياسىنا ٴسۇت تاسىمالدايتىن ٴۇش ٴسۇت وڭدەۋشى كاسىپورىنعا سالعان ۋاقىتشا شەكتەۋدى رەسمي تۇردە الدى، دەپ حابارلايدى baq.kz اقپارات اگەنتتىگى.

اتالعان شەكتەۋ رەسەي تاراپىنان 2018 جىلعى 1 ماۋسىمدا بەلورۋس مەملەكەتىنىڭ ٴسۇت وڭدەۋ زاۋىتىنان، رەسەي فەدەراسياسىنا ٴسۇت ۇنتاعىنىڭ كەرى ەكسپورتالۋىنىڭ (رەەكسپورت) كۇدىگىنە بايلانىستى قويىلعان.

قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتى بەلورۋس رەسپۋبليكاسىنىڭ شەكتەۋ قويىلعان كاسىپورىندارىنىڭ قۇرعاق ٴسۇتىن قايتا ەكسپورتتامايتىنى جانە رەسەي فەدەراسياسىنىڭ اۋماعىنا ٴسۇت جانە دايىن ٴسۇت ونىمدەرىن ەكسپورتتايتىنى تۋرالى مالىمەتتەر جولدادى.

سونداي-اق، ماسكەۋ قالاسىنداعى رەسمي كەزدەسۋ بارىسىندا قازاقستان تاراپىنان وسى كاسىپورىنداردىڭ قاداعالانۋىنا قاتىستى قوسىمشا اقپارات ۇسىنىلعان.
ۋاقىتشا شەكتەۋدى الۋعا بايلانىستى اتقارىلعان شارالار جارتىلاي جۇمىس ىستەپ تۇرعان قازاقستاندىق ٴسۇتتى قايتا وڭدەۋ كاسىپورىندارىنىڭ تولىق وندىرىستىك قۋاتتىلىقتا جۇمىس ىستەۋىنە مۇمكىندىك بەرەدى.

ايتا كەتەيىك، رەسەي تاراپى شەكتەۋ قوعان “تايىنشا-استىك” جشس، “مولپرودۋكت” جشس، “دەپ” جشس قاتارلى ٴسۇت ٴوندىرۋشى كاسىپورىندار بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي