USD 334.31 EUR 355.17 RUB 5.31
استانا:

ٴماجىلىس دەپۋتاتى ۆيسە-مينيستردى «ەرتەگى» ايتپاۋعا شاقىردى

قر پارلامەنتى ٴماجىلىسىنىڭ دەپۋتاتى ۆلاديمير بوجكو ينۆەستيسيالار جانە دامۋ ۆيسە-مينيسترى تيمۋر توقتابايەۆتى «ەرتەگى» ايتپاۋعا شاقىردى، دەپ حابارلايدى baq.kz ٴتىلشىسى.

بۇگىن ماجىلىستە قر اگروونەركاسىپتىك كەشەنىن دامىتۋدىڭ مەملەكەتتىك باعدارلاماسى جوباسىنىڭ تۇجىرىمداماسى تانىستىرىلعان بولاتىن. وسى جيىندا بايانداما جاساعانداردىڭ ٴبىرى ينۆەستيسيالار جانە دامۋ ۆيسە-مينيسترى تيمۋر توقتابايەۆ وڭ كورسەتكىشتەرگە توقتالعان ەدى.

ونىڭ ايتۋىنشا، سوڭعى بەس جىلدا اۋىل شارۋاشىلىعى سالاسىنداعى تەحنيكالار ٴوندىرىسى 1،7 ەسەگە ٴوسىپ، تابىس 21،2 ملرد تەڭگەگە جەتكەن. 2014 جىلمەن سالىستىرعاندا 2015 جىلى ٴوندىرىس كولەمى 1،5 ەسەگە وسكەن. بەس جىلدا ينۆەستيسيا 4 ەسەگە ارتىپ، 7،8 ملرد تەڭگە بولعان.

«كومباين، تراكتور جانە ودان وزگە ٴار ٴتۇرلى اۋىل شارۋاشىلىعى تەحنيكالارىن شىعاراتىن جاڭا ٴوندىرىس پايدا بولعان. كاسىپورىن بۇگىن تاڭدا 1545 بىرلىك كومباين، 3 مىڭ 600 تراكتور، 500 جاتكا شىعاراتىن كۇشكە يە»، – دەيدى تيمۋر توقتابايەۆ.

ٴبىراق بۇل دەرەكتەر ٴماجىلىس ٴتوراعاسى ورىنباسارىنىڭ كۇلكىسىن كەلتىردى. ۆلاديمير بوجكو قوستاناي وبلىسىنداعى بەلارۋس كومبايندارىن جينايتىن كاسىپورىن دايىن ماشينالاردى الىپ جاتقانىن ايتتى. سوندىقتان بارلىعىن ٴوزىمىز قۇراستىرىپ، شىعارىپ جاتىرمىز دەگەن «ەرتەگىنى» ايتپاۋعا شاقىردى.

«مەن ٴسىزدىڭ جاعىمدى ستاتيستيكاڭىزدىڭ كەيبىرىنە توقتالايىن. اسىرەسە، مىڭداعان تراكتورعا قاتىستى. اسقار مىرزاحمەتوۆ پروبلەمانى ايتپاي، جاسىرىپ قالدى. قوستانايداعى بەلارۋس كومبايندارىن جاسايتىن كاسىپورىن بىردە-بىر تەمىردى وزىندە وندىرمەيدى. سىزدەر كىمگە ەرتەگى ايتپاقشىسىزدار؟ ولار كازاگروليزينگ بەرەتىن قوسىمشا قاراجات ارقىلى دايىن كومباينداردى الىپ وتىر»، – دەدى ۆ.بوجكو.

ايتا كەتەيىك، 9 قىركۇيەكتەگى ۇكىمەتتىڭ كەڭەيتىلگەن وتىرىسىندا مەملەكەت باسشىسى ۇكىمەتكە جىلدىڭ سوڭىنا دەيىن اگروونەركاسىپتىك كەشەندى دامىتۋدىڭ مەملەكەتتىك باعدارلاماسىن ازىرلەۋدى تاپسىرعان ەدى. بۇگىن قر اۋىل شارۋاشىلىعى ٴمينيسترى اسقار مىرزاحمەتوۆ وسى تۇجىرىمداما تۋرالى ماجىلىستە بايانداما جاسادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي