BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

قىتايعا اۋىل شارۋاشىلىعى ونىمدەرىن ەكسپورتتاۋ كولەمى ۇلعايدى

استانا، baq.kz ٴتىلشىسى. قازاقستاننان قىتايعا ەكسوپرتتالاتىن اۋىل شارۋاشىلىعى ونىمدەرىنىڭ كولەمى 42 پايىزعا ۇلعايعان. بۇل تۋرالى بۇگىنگى ۇكىمەت وتىرىسىندا اۋىل شارۋاشىلىعى ۆيسە-مينيسترى ارمان ەۆنيەۆ اگروونەركاسىپتىك كەشەندى دامىتۋدىڭ 2017–2021 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندە بايانداماسىندا مالىمدەدى.

«ٴقازىر كوپتەگەن اۋىل شارۋاشىلىعى تاۋالارى – بالىق ٴونىمى، اسىل تۇقىمدى جىلقىلار، مۇزداتىلعان قوي ەتى، بال، بيداي كەبەگى، سويا بۇرشاعى، سويىلاتىن جىلقىلار، سيىر ەتى، جوڭىشقا، ۇن، وسىمدىك مايى، ارپا، جۇگەرى ٴۇشىن قىتاي نارىعى اشىق. وسى شارالاردىڭ ارقاسىندا توعىز ايدىڭ قورىتىندىسى بويىنشا قىتاي ەلىنە اۋىل شارۋاشىلىعى ونىمدەرىنىڭ ەكسپورتى 42 پايىزعا ۇلعايدى. يران تاراپىمەن ٴتىرى قويدى، توڭازىتىلعان ٴارى سالقىنداتىلعان قوي ەتىن، سيىر ەتىن، تاعامدىق جۇمىرتقانى جەتكىزۋگە ارنالعان ۆەتەريناريالىق تالاپتار كەلىسىلدى. ال بيىل ٴتىرى ٴىرى قارا مالعا قويىلاتىن تالاپتاردى كەلىسۋ جوسپارلانىپ وتىر. ٴىرى قالا مال مەن ۇساق مالدى ساۋد ارابياسى مەن باا-گە، ەت پەن ەت ونىمدەرىن، تاۋىق جۇمىرتقاسىن باا-گە جەتكىزۋگە قويىلعان شەكتەۋلەر الىنىپ تاستالدى»، - دەدى ارمان ەۆنيەۆ.

اۋىل شارۋاشىلىعى ۆيسە-مينيسترى قازاقستاندىق 171 كاسىپورىن اۋىل شارۋاشىلىعى ونىمدەرىن ەكسپورتتاۋعا قۇقىق بەرەتىن شەتەلدىك ەلدەر تىزىمىنە ەنگىزىلگەنىن اتاپ ٴوتتى. 153 كاسىپورىن ٴتۇرلى اگروونەركاسىپ كەشەنى ونىمدەرىن قىتايعا ەكسپورتتاۋ قۇقىعىنا يە بولسا، 17 بالىق وڭدەۋشى كاسىپورىن ەۋرووداققا بالىق ونىمدەرىن ەكسپورتتاۋعا رۇقسات العان.

ەستەرىڭىزدە بولسا، بۇعان دەيىن اگروونەركاسىپتەرگە بەرىلەتىن سۋبسيديانىڭ ازاياتىنى تۋرالى ايتقان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي