BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

قازاقستاننىڭ ماقسارى مايى جاپونياعا ەكسپورتقا شىعارىلدى

«kaz-ir agro» جشس العاش رەت 37،3 توننا كولەمىندە ماقسارى مايىن جاپونياعا جونەلتتى، دەپ حابارلايدى ۆaq.kz اقپارات اگەنتتىگى.

«kaz-ir agro» جشس – قازاقستان تاريحىنداعى جاپونياعا ازىق-تۇلىك ونىمدەرىن جەتكىزەتىن، ماقسارى وسىرۋگە، سونداي-اق سالقىنداي سىعىلعان، تازارتىلماعان ماقسارى مايىن وندىرۋگە مامانداندىرىلعان العاشقى كومپانيا.

جاپونياعا ماقسارى مايىن ەكسپورتتاۋ تۋرالى كەلىسىمشارتتى قازاقستاندىق ەكسپورتتاۋشى اعىمداعى جىلدىڭ ماۋسىم ايىندا جاسادى. «kazakhexport» ەسك» اق «قارىزدى ساقتاندىرۋ» ٴونىمى بويىنشا 200 000 000 تەڭگە سوماسىنا ساقتاندىرۋ قورعانىسىن بەرۋ ارقىلى قولداۋ كورسەتتى، سونىڭ ناتيجەسىندە «kaz-ir agro» جشس اگرارلىق نەسيە كورپوراسياسىندا شيكىزات (ماقسارى) ساتىپ الۋعا كرەديت جەلىسىن تارتتى.

جاپونيا – تەحنولوگيانى قاتاڭ ساقتاپ، ٴوندىرىستىڭ ساپاسىن ٴجىتى قاداعالاۋمەن بۇكىل الەمگە تانىمال بولعان ساپا ەلى. قازاقستاندىق ەكسپورتتاۋشى 6 اي بويى ساپانى راستاۋعا، مەملەكەتتىك جانە حالىقارالىق ستاندارتتارعا سايكەستىككە جۇرگىزىلگەن زەرتحانالىق تالداۋلار بويىنشا مۇقيات تەكسەرۋدەن ٴوتتى.

«kaz-ir agro» ٴۇشىن جاپونيامەن ىنتىماقتاسۋ – ٴىرى تۇتىنۋشىلار نارىعىنا شىعۋعا مۇمكىندىك. قازىرگى ساتتە كومپانيا نيدەرلاندقا ماقسارى مايىن جەتكىزۋ بويىنشا جىلدىق كەلىسىمشارتتى جاساۋ جونىندە كەلىسسوزدەر جۇرگىزۋدە.

2018 جىلدىڭ ٴبىرىنشى جارتىجىلدىعىندا كاسىپورىن 400 توننا كولەمىندەگى ٴونىمدى ەكسپورتقا شىعاردى. ماقسارى مايى قىتاي، چەحيا، جاپونيا، رەسەي جانە وزبەكستان ەلدەرىنە ەكسپورتتالادى.

بيىلعى جىلى «kaz-ir agro» جشس ٴوزىنىڭ 11 جىلدىعىن اتاپ ٴوتتى. وسى ۋاقىت ىشىندە كومپانيا قازاقستانداعى، سونداي-اق شەتەلدەگى سەرىكتەستەرى مەن كليەنتتەرىنىڭ سەنىمىن جاۋلاپ العان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي