BAQ.kz - Қазақстан жаңалықтары USD 326.17 BAQ.kz - Қазақстан жаңалықтары EUR 401.25 BAQ.kz - Қазақстан жаңалықтары RUB 5.31
استانا:

قازاقستاندا كوكتەمگى ەگىن جۇمىستارى تولىقتاي ديزەل وتىنىمەن قامتاماسىز ەتىلۋدە

كوكتەمگى ەگىن جۇمىستارىنا ديزەل وتىنىنىڭ قاجەتتىلىگىن قامتاماسىز ەتۋ تولىق كولەمدە ورىندالدى. بۇل جونىندە بۇگىنگى ۇكىمەت وتىرىسىندا قر ەنەرگەتيكا ۆيسە-مينيسترى ماحامبەت دوسمۇحامبەتوۆ مالىمدەدى، دەپ حابارلايدى baq.kz ٴتىلشىسى.

«2018 جىلدىڭ كوكتەمگى ەگىس جۇمىستارىنا ارنالعان ديزەل وتىنىن جەتكىزۋدىڭ بەكىتىلگەن كەستەسى شەڭبەرىندە اۋىل شارۋاشىلىعىنا 375 مىڭ توننا، ونىڭ ىشىندە، اتىراۋ زاۋىتى ارقىلى 79 مىڭ توننا، پاۆلودار زاۋىتى ارقىلى 233 مىڭ توننا، شىمكەنت زاۋىتى ارقىلى 63 مىڭ توننا كولەمىندە ديزەل وتىنى جەتكىزىلۋدە. بۇگىنگى ناۋرىز ايىندا جوسپارلانعان 109،5 مىڭ توننا ديزەل وتىنى كولەمىنىڭ 109،7 مىڭ توننا ديزەل وتىنى جونەلتىلدى جانە ٴساۋىر ايىندا جوسپارلانعان ديزەل وتىنىنىڭ 134،5 مىڭ تونناسىنىڭ 25،5 مىڭ تونناسى جونەلتىلدى. ۆاگوندىق ەمەس نورما، تولەمدەردىڭ كەشىكتىرىلۋى، جولدا كەلە جاتقان نەمەسە جۇك تيەۋ ستانسياسىندا تۇرعان ديزەل وتىنىنىڭ كولەمدەرى مەجەنىڭ ورىندالماۋىنىڭ سەبەپتەرى بولىپ وتىر. جالپى، اۋىل شارۋاشىلىعى مينيسترلىگىنىڭ تاپسىرماسىنا سايكەس، ديزەل وتىنىنىڭ قاجەتتىلىگىن قامتاماسىز ەتۋ تولىق كولەمدە ورىندالدى. 2018 ناۋرىز ايىندا كوكتەمگى ەگىس جۇمىستارىن وتكىزۋ ٴۇشىن ديزەل وتىنىن ۇسىنۋ باعاسى 1 توننا ٴۇشىن 156 مىڭ تەڭگەنى، ٴليترى ٴۇشىن 130 تەڭگەنى قۇرايدى. ٴساۋىر ايىندا ديزەل وتىنى ٴۇشىن 1 تونناسىنىڭ باعاسى 160 مىڭ تەڭگەنى، ٴليترى ٴۇشىن 134 تەڭگەنى قۇرايدى»، - دەدى ٴمينيستردىڭ ورىنباسارى.

دوسمۇحامبەتوۆتىڭ بەرگەن مالىمەتىنە سايكەس، ٴبىرىنشى توقساندا گاز ٴوندىرۋ كولەمى 14 ملرد تەكشە مەترى قۇراپ، بۇل 2017 جىلدىڭ سايكەس كەزەڭىمەن سالىستىرعاندا 6% ارتقان. سونىمەن بىرگە، وسى جىلدىڭ ٴبىرىنشى توقسانىنىڭ جوسپارى 5،6% ارتىعىمەن ورىندالعان. ال گازدىڭ ەكسپورت كولەمى 4،9 ملرد تەكشە مەتردى قۇراپ، وتكەن جىلدىڭ سايكەس كەزەڭىمەن سالىستىرعاندا 19،5% ۇلعايعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي